محمد الربيقي و وصل العطياني"لأول مره"

[أحمد المويعزي]

[align=center]

السلام عليكم..

مساء الخير..

في مدينة بريده


محمد الربيقي:
يامرحبا واجب معزه وتقدير=على مقام الطيب والشاذليه
وصل العطياني حبيب الجماهير=أيام ويجود عنان العبيه

وصل العطياني:
دام البقا لاهل الوجيه المسافير=يامكرمين الضيف والنار حيه
ذكرتني والله يذكرك بالخير=انا شدادي فوق ظهر المطيه

محمد الربيقي:
سمعت ياوصل العتيبي راع الطير=عيد بطيره قبل عيد الضحيه
لو صدرو تقرير باقي تقارير=من ما يهد الحيل والمعنويه

وصل العطياني:
صفق الهبايب لو يحرك شمنصير=يمدي مكانه مثل مقلع طميه
العلم عند اللي يقود الطوابير=ما كل ضابط تنصرف له تحيه

محمد الربيقي:
اللي تقوله غير واللي حصل غير=يالقاضي ما حكمت القضيه
أشوف ما عندك على الوضع تأثير=لعل ما انت اول سبب بالخطيه

وصل العطياني:
دون اللوازم ما نسوق المعاذير=ونحلها بالصبح ولا العشيه
أنته بغيت تغادر الارض وتطير=لكنها جتنا بك الجاذبيه

محمد الربيقي:
تحسب مجاهيم الليالي مغاتير=راعي ولا شفت الخلل بالرعيه
رسالة الهدد وعرش القوارير=جابت لنا وصل العتيبي هديه

وصلى العطياني:
يامدور التقصير ماصار تقصير=ترى وعدنا عند حوض المنيه
حصلت مافي نجد غير المعاصير=مدري على ايش نقول نجد العذيه

[عثمان الثبيتي]

رسالة الهدد وعرش القوارير=جابت لنا وصل العتيبي هديه

هذا البيت نشاز ولاله داعي يجيبه الشاعر لانه خارج موضوع الطاروق وعلى راس قايله

ودليل كلامي رد ابو مشهور عليه بعقلانيه ونبل لانه ما استغله ضد خصمه والجزاله

عاده في وصل لاغرابه حيث قال

حصلت مافي نجد غير المعاصير=مدري على ايش نقول نجد العذيه

عموماً محاوره راثعه جدا

[ابو فايح]

صحت ألسنتهم

ولاهنت يا أحمد


متى كانت المحاوره

[وصل الشهيب]

ياسلام

محاوره جيده جدا

وبصراحه ومن وجهة نظري الخاصه بي

إن وصل العطياني أفضل شاعر محاوره في وقتنا الحالي

لاأحد يؤاخذني

الرجل لم يسبق لي أن أتحاور معه ولابيني وبينه أي إتصالات أو مقابلات ولكن وجهة نظري من خلال

المحاورات اللي سمعتها له وكذالك اللي شاهدتها له على الفضائيات

وصل العطياني شاعر يفتل البيت إن بدع وينقض البيت إن رد

بيوته جزله ومتزنه

لله دره

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[أحمد المويعزي]

شكرا لكم ع المرور

المحاوره كانت قبل اسبوع يوم الخميس في مدينة بريده

بحضور فلاح القر قاح حمدان العصيمي فواز العزيزي

[مهجرس]

محاورة رائعة جداً

و اعتقد هؤلاء الشاعرين هم خليفة الشعراء الراحلين

امثال مطلق و صياف

[الحافي 1]

و اعتقد هؤلاء الشاعرين هم خليفة الشعراء الراحلين

امثال مطلق و صياف
هههههههههههههههههههههههههههههه
يا بعدالفرق شرق وغرب بين الانس والجنه

[طلب الشيباني]

محاوره عاديه ومعانيها مكشؤفه ..



لم يؤفقؤ في اظهآرهآ بالشكل المطلؤب ..


تحيآتي

[غريب الزمن]

صحــت ألسنــة الشعـــار..

طاروووق عـــادي..


مشكووووووووور يا أحمد

كان هناكـ طــاروق أفضل بكثيـــر من هذا الطاروق

اللي على قافية ((أوى))

نطالبكـ وبإلحاح أن تأتينا بــــه

ولكـ منا التقديررررررررررر..