الك خمسمية ريال وهات لي بيت القصيدة ؟؟؟

[ابراهيم الجـــــذع]

المشاركة الأصلية كتبت بواسطة جبل صايد

انا مؤيد لكلام ابراهيم الجذع وخصوصا البيت هذا

مرحبا بالشيخي اللي جرته حمره جديده =ماتبا قصاص اثر تبغا لها واحد حرامي--- حرامي حرامي حرامي

الجره مربوطه في قصاص الاثر لكن اسقاط كلمة حرامي فيها معنا ثاني

والشيخي رده سدد وقارب وطافت عليه

وبعد العيدنقدر ابينها اكثر

وهذا راي لحد يبلشني ممكن صح وممكن وغلط

هههههههههههههه ما شاء الله عليك

اثرك منت سهل

وعلى فكره لو لا البيت الأول

لكان معنى البيت الثاني شهادة الزلامي

التوقيع

الذم ما يهفي للأجواد ميزان=والمدح ما طول قصار الأيادي

[خلف المطيري]

المشاركة الأصلية كتبت بواسطة ابراهيم الجـــــذع

هههههههههههههه ما شاء الله عليك

اثرك منت سهل

وعلى فكره لو لا البيت الأول

لكان معنى البيت الثاني شهادة الزلامي

تسلم والدليل المحاوره كلها راحت عتب من قبل حبيب

مافيه نسبه من كلامي=

ومخي ماماع من عظامي=

وهات بيت القصيده =

كلها مؤشرات تثبت المعني اللي طري عليك يابراهيم

اخذوها قاعده حبيب العازمي مستحيل يقول شي ماله معني لاصار هو بادي المعني

ولا يطلع من المعني حتي يثبت للجميع ان خصمه معه فالمعني او حاد عن المعني


الشيخي شاعر لكن ينقصه الشي الكثير من اساسيات المحاوره

وارجعوا علي نفس اليوتيوب وشوفوا لعبته ويا شاعر اسمه سعد العتيبي شاعر مغمور ماعرفه

راح تلاحظون مافي فرق بالعكس سعد العتيبي تفوق عليه وجير الطاروق لصالحه


وهذا راي لحد يبلشني

[العرم]

°ˆ~*¤®§(*§*)§®¤*~ˆ°محاوووووووره من الوزن الثقيييييييلوبيض الله وجه ابراهيم وحبيب والله ماقصرو على البيوت اللي من ذهب°ˆ~*¤®§(*§*)§®¤*~ˆ°

[رائد الكيرعاني القحطاني]

يا عنك انه طارووق كفووو


وابراهيم ابدع أيما ابدااااع وحبيب علم ولا يحتاج


وبالنسبه للربع اللي يقولون رد ابراهيم كان سدد وقارب ولا اجاد لا أجد حل لكلامهم الا التعجب



معروف ان البيت الاول على وجهين وابراهيم سكر الثغرتين والمحاوره كامله طيبه ولكن حبيب كي يحرج ابراهيم فالحفله ورد بيته ( لك خمس مية ريال ... )



لاهنت يا كاتب الموضوع

[خصيم الاجناب]

مرحبا بالشيخي اللي جرته حمـره جديـده
ماتبا قصاص اثر تبغا لها واحـد حرامـي



حبيب الداهيه


هههههه


شكل مافيه محللين للشعر بهالقسم


جرته يمكن جرة فول لان حبيب ماكان يقصد جرته اللي هي مشيته


والدليل انها ماتبا قصاص اثر


ووشنهي اللي تبا لها حرامي


مقلب ومشا على الشيخي سلام بسلام

[عبدالله الفرهود]

محاورة رائعة جداً

و حبيب لا يختلف عليه أثنان

و الشيخي شاعر ممتاز ولولا ... تمكنه لم يشهد له شاعرنا الكبير رشيد الزلامي

اعتقد أن كل مافي الأمر

مزح من حبيب و اختبار لمقدرة الشيخي

[جبل]

المشاركة الأصلية كتبت بواسطة خصيم الاجناب

مرحبا بالشيخي اللي جرته حمـره جديـده
ماتبا قصاص اثر تبغا لها واحـد حرامـي



حبيب الداهيه


هههههه


شكل مافيه محللين للشعر بهالقسم


جرته يمكن جرة فول لان حبيب ماكان يقصد جرته اللي هي مشيته


والدليل انها ماتبا قصاص اثر


ووشنهي اللي تبا لها حرامي


مقلب ومشا على الشيخي سلام بسلام

][`~*¤!||!¤*~`][من زمان انت فينك ؟][`~*¤!||!¤*~`][

[احمد منير الواصل]

السلام عليكم ورحمة الله وبركاته
يعطيكم العافيه جميعآ
ويبقى الشعر بخير مدام ابوفيصل موجود فتل ونقض ومعنى
وانا عن نفسي اقول
والله شهاده حق ان ابراهيم الشيخي شاعر وله مستقبل
وابوفيصل يختبر نفسيت الشيخي ويحاول يستفزه في كم بيت
وابراهيم له كم محاوره مع حبيب قوي فيها

آخر تعديل احمد منير الواصل يوم 28-Aug-2010 في 08:15 AM.

[راشد النفيعي]

اولآ

ابراهيم الشيخي لولا الله ثم رشيد الزلامي ماكان عرف في ساحة المحاوره

لأن رشيد وقف بجانبه في بدايات ابراهيم مع شعر القلطه ودعمه بكل قوه حتى انه راح يصرح

لوسائل الإعلام بان الشاعر ابراهيم الشيخي هو شاعر المستقبل

واذا سئل رشيد الزلامي عن من يعجبه من الشعراء الجدد راح يقول الشاعر ابراهيم الشيخي

واذا سئل عن الشاعر الي يتوقع له مستقبل في ساحة المحاوره

قال الشاعر ابراهيم الشيخي

وكلكم تعرفون ان شعار القلطه يستحون من ابو جميل

وماكانو يقسون على الشاعر ابراهيم الشيخي تقدير لابو جميل

حتى اشتد عظمه وصار شاعر يشار له بالبنان

والشاعر ابراهيم الشيخي على مااسمع انه لم ينكر معروف ابو جميل له

ودائم يقوم بزيارت ابو جميل

وتقريبآ ان الشاعر حبيب تصادف مع ابراهيم في بيت ابو جميل

عندما قال

مرحبا بالشيخي اللي جرته جره جديـده
ماتبا قصاص اثر تبغا لها واحـد حرامـي

ومعنى حبيب في زيارة الشاعر ابراهيم الشيخي للشاعر رشيد الزلامي

ويذكره انه لولا الله ثم رفيقي وابن عمي ماكان احد عرفك يابراهيم

بس حبيب تعرض لـ مطب من صنع نفسه

لانه فالبدايه قال للشيخي


الك خمسية ريال وهات لي بيـت القصيـده^^كان وليا انك كلامك فيه نسبه مـن كلامـي


ورد عليه ابراهيم الشيخي

والك من عندي ريال وخلها فرصه سعيـده^^ولا انا ماني على اللي عندكم جيعان ظامي

ونقض البيت حبيب العازمي

ماتقصـر والزهيـد يمدهـا دايـم زهيـده^^فسحة الورعان متعـود عليهـا ياغلامـي

والشطر الي باللون الاحمر هو المطب الي وقع فيه حبيب

والمفروض ان حبيب مايجيب هذا البيت لانه قبل ريال الشيخي حبيب معطي الشيخي خمسه ريال وهي ايضآ مده زهيده من حبيب


وبانت شاعرية الشيخي عندما نقضه على حبيب


وللامانه وبعيد عن العنصريه الاثنين كلهم شعراء كبار

آخر تعديل راشد النفيعي يوم 09-Jun-2014 في 11:27 AM.

[عزارم]

مرحبا بالشيخي اللي جرته حمـره جديـده
ماتبا قصاص اثر تبغا لها واحـد حرامـي
والله اعلم لو افتش واتعيـن فـي رصيـده
ما لقيت إلا بطاقة تحـت توقيـع الزلامـي


فيه مقلب مر مرور الكرام



لاهنت على إيراد المحاورة الممتعه