جديد الشاعر ناصر الرزيني .. في مسابقة اعذب الاصوات

[رايد الهديبي]

السلام عليكم ورحمة الله وبركاته

شيله حصريه لمنشد ملك الشيلات / ناصر الرزيني

ولقد انشده في مسابقة اعذب الاصوات في المرحله الثالثه

وهي من كلمات المبدع / فهد المساعد

..

للاستماع



..


لقراءة القصيده


..

ياصغير السن قدرك طاحت ابراجه=الجرح خلا الصخر ينطق ونطقني
خلاص ماعاد تعنيني ولاحاجه=رح جعل ربي يوفقك ويوفقني
من بعد ماكنت نور القلب واسراجه=اليوم صرت الظلام اللي يطوقني
عطيتك أكثر من اللي كنت تحتاجه=وأسرفت بالحب لين الحب وهقني
خلاص مالي ومال الحب وإزعاجه=مالي ومال الدروب اللي تضايقني
تعبت اضم البحر واهدي أمواجه=تعبت أجامل واشوف الوقت يسرقني
شكواي للي عليه الضيق وفراجه=اللي إذا شاء يرحمني ويرزقني
أما أنت يأبو جبين عقد حجاجه=لاعاد تسأل علامك منت طايقني
الناس كلن على دربه ومنهاجه=وأنا عن الناس مابه شي يفرقني
إلا اني دايم أحب الصدق وأواجه=مخلوق والله على هالوضع خالقني
حتى رفيقي ضماد القلب وإعلاجه=على كثر ماتمسك فيه صدقني
لو ادري انه مرافقني على حاجه=لأمسكه حاجته وأقول فارقني

تحياتي ..

[دوسري من الوادي]

يعطيك العافيه .. ياا شباب ,,,



تقبل مروري ..

[أبو غازي الذيابي]

يعطيك العافيه على الانتقاء الرائع

[رايد الهديبي]

لاهنت علي المرور

[مشاري الحبردي]

لاهنت يارايد

[رايد الهديبي]

لاهنت علي المرور

[عبدالله الجـــذع]

ماشاء الله


صوت من افضل الاصوات الحاليه فالخليج ان لم يكن افضلها


شيله رائعه وكلمات اروع

لاهنت يارائد على التميز المستمر

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[االكريزي]

شيله رائع وبيض الله وجهك ياناصر الرزيني

وقصيده من الشاعر المبدع فهد المساعد صح لسانك


الله يعطيك العافيه على الاختيار الطيب

[رايد الهديبي]

لاهنتو علي المرور والمتابعه ..

[حسن إبراهيم الدجيماء]

الهديبي ,,

يعلم الله انك مميز في كل ماتأتي به ,, وشهادتي مهما مدحت فيك مجروحة ,,

الله يعطيك العافيه على المجهود الراائع والرااقي ,, شيلة أقل لايقال عنها جميلة ,,

//

إحترامي لك وشكري على كل ماتبذله ..!!!