أخو سارة وأخو حسنا ..

[المغيري العطاوي]

أبو المعجزات ..

هو الأمير مذكر بن حمد رحمه الله أحد أمراء الروقة و الإخوان البارزين وكان يلقب ابو المعجزات لأنه يحصل له مواقف لايكاد يخرج منها الفارس ويخرج منها سالما ومنها هذه القصة ..

حصلت هذه القصة عندما كان الأمير مذكر ومعه أربعة من فرسان المغايرة سائرين في البرية لغرض الغزو وأظنهم في ديار قبيلة حرب ظهر أمام أعينهم الأمير عبدالمحسن الفرم رحمه الله ومعه قبيلته فلما رأى المغايرة وخاصه الأمير مذكر صاح بهم معتزيا بعزوته المشهورة " اخو حسنا " عارضا عليهم المنع بقوله "والله أنكم من خطار أهلنا " فلما رأى الأمير مذكر أن القوم الذين أمامهم هم الفرم وربعه أدرك أنهم وقعوا في خطر و أن لا مفر من المواجهه ..

فلوا أخو سارة عنان فرسه قاصدا الفرم نفسه وبسرعة مذهلة ومعتزيا ً بقوله " ذعار السرايا وانا أخو سارة تقول والله يعيي " و صوب نحوه بندقيته فأصابه في ساقه على الفرس فسقط الفرم بفرسه أمام قومه فاجتمعوا عليه فاستطاع المغايرة النجاة بفضل الله ثم بشجاعة أخو سارة ..


وكان الأمير عبدالمحسن الفرم يقص هذه القصة على الربع بنفسه و يريهم مضرب البندق ويقول من يوم شفت الرجال قصدني فوق الصفرا وأنا مونس الشر وشايف الموت بس مابغى ذبحتي ..

وقد خطب الأمير عبد المحسن ابنة الأمير مذكر وكان يقول أبي بنت اللي هذا مضرب بندقه ويشير إلى ساقه .

رحمهم الله جميعا أشهد إنهم شجعان كلهم أخو حسنا وأخو سارة ..

[مشاري الحبردي]

ونعم في اخو سارة ,,,

شيخ وفارس من فريس عتابة


لاهنت يابن مغير على النبذه

[صارم عتيبه]

لاهنت ياشوق البنت ونعم والله بفرسان الهيلا وشيوخها وكل من يعرق فينا تحياتي صارم عتيبه

[ولد مغير]

ونعم والله في الأمير مذكر أخو سااره شيخ من شيوخ أعتيبه ونعم والله وفي اخو حسناا

[حليس الحربي]

ونعم بالجميع بس ودنا بالمصدر

لأن أي واحد يقدر يجي ويجيبله سالفة من عنده

لان هذا منتدى تاريخي ويجب تحديد المصادر والمؤلفات التي تنقل مثل هذه القصص

[المغيري العطاوي]

المشاركة الأصلية كتبت بواسطة حليس الحربي

ونعم بالجميع بس ودنا بالمصدر

لأن أي واحد يقدر يجي ويجيبله سالفة من عنده

لان هذا منتدى تاريخي ويجب تحديد المصادر والمؤلفات التي تنقل مثل هذه القصص

نسيت ذكر المصدر :

موقع بن حمد المغيري


.. مع حقوق الطبع محفوظه


: حياك الله وبياك .. ياحربي..

[متعب الند]

......................اخو ساره ونعم ....................

لاكن انا سمعت نفس السالفه صارة على الفارس عيد ابن ناصر الشغار..


وكان القوم الي حاصروه هم السقايين وقايدهم الفارس المعروف محمد الملقب (صمدان)


وحتما الشغار ربعه الي معه...وذبح تحت .ابن سقيان ثلاث من الخيل .ودماسين مقفين

وكل ماذبح وحده قاله (حول عنها وركب اخشبه)مايبي رقبته انقهر الفارس محمد صمدان ويس كل مالحقه عود عليه وذبحها تحته..ثلاث مرات..وبعد دخول الاشهر الحرم

استضاف عند عيد الشغار وطلب اخته جوزاء ....وعلمه عيد الشغار انها عند واحداً من الدماسين في ذمته



انقلها عن /المرحوم الشيخ متعب ابن فيصل ابن سقيان

والشيخ مذكر .فعله معروف ويشرفنا وغنين عن الي مهيب اله..يذبح الريجيل ويكرم الضيف ويعز الخوي

آخر تعديل متعب الند يوم 04-Jun-2011 في 07:47 PM.

[ولد مغير]

القصه معروفه وأسؤل عنه يا حليس الحربي أبناء الأمير عبد المحسن الفرم وكان يقصها الأمير عبد المحسن بنفسه

وكان الأمير عبدالمحسن الفرم يقص هذه القصة على الربع بنفسه و يريهم مضرب البندق ويقول من يوم شفت الرجال قصدني فوق الصفرا وأنا مونس الشر وشايف الموت بس مابغى ذبحتي ..

آخر تعديل ولد مغير يوم 05-Jun-2011 في 02:46 PM.

[المغيري العطاوي]

المشاركة الأصلية كتبت بواسطة متعب الند

......................اخو ساره ونعم ....................

لاكن انا سمعت نفس السالفه صارة على الفارس عيد ابن ناصر الشغار..


وكان القوم الي حاصروه هم السقايين وقايدهم الفارس المعروف محمد الملقب (صمدان)


وحتما الشغار ربعه الي معه...وذبح تحت .ابن سقيان ثلاث من الخيل .ودماسين مقفين

وكل ماذبح وحده قاله (حول عنها وركب اخشبه)مايبي رقبته انقهر الفارس محمد صمدان ويس كل مالحقه عود عليه وذبحها تحته..ثلاث مرات..وبعد دخول الاشهر الحرم

استضاف عند عيد الشغار وطلب اخته جوزاء ....وعلمه عيد الشغار انها عند واحداً من الدماسين في ذمته



انقلها عن /المرحوم الشيخ متعب ابن فيصل ابن سقيان

والشيخ مذكر .فعله معروف ويشرفنا وغنين عن الي مهيب اله..يذبح الريجيل ويكرم الضيف ويعز الخوي

مشكلتك والله اذا بتقول السالفه ذي كانت للشغار

كذا بتفتري على شيوخ المغايره وبتنكر من فعولهم !!