وأن سمعت اللي يطيب إلك إستماعـه = قول صـح لسـان سـداح العتيبـي

[مزيد العصيمي]

بسم الله الرحمن الرحيم
السلام عليكم ورحمة الله وبركاته


لشاعر لم يبحث عن الأعلام كباقي الشعراء
بل أكتفى باسمه المستعار

(سداح)العتيبي

رجل كون لنفسه شهرة جزاله لاشهره اسم وشكل

حفظنا ابياته ولم نراه............

أتحصّـن ميـر ماعنـدي منـاعـه
يستر الله مـن دواي ومـن طبيبـي
خاطري مشحون من كثـر إلتياعـه
يجحد العلّـه وأنـا جرحـي عطيبـي
منكسر مـا بيـن حبسـه وإندفاعـه
و واقف ٍ بيـن المنـادي والمجيبـي
وأنت يا اللي بينـي وبينـك طماعـه
لا تسلّمنـي ظنونـي وأتغـدي بـي
فرّد جروحـي ليـا جاتـك جماعـه
ولا تخليّهـا تجمّـع ليـن أطيبـي ؟
لا تجاملنـي وحبـك عـن قنـاعـه
ما غصبتـك بالمحبّـه تنتحـي بـي
فيك روعه للغرام .. ومنـك راعـه
وأصدق العشّاق مقطوع النصيبـي !
سمّ وأسلم وأبشر وسمـع ٍ وطاعـه
ضارب ٍ سمعي على صوتك صليبـي
راح قلبي مثل أخوك مـن الرضاعـه
ورحـت عنـيّ لا بعيـد ولا قريبـي
ما لحقني شك غيـر مـن القطاعـه
يا الله أقطع ف الهوى شكيّ وريبـي
لا تقول الحـبّ يبغـا لـه شجاعـه
وأنت يا طيبك .. وأنا يا طيب طيبي !
حافـظ ٍ تاريـخ ميـلادك وداعــه
والزمان يدور والعمـر يعـدي بـي
كل عـام وكـل يـوم وكـل ساعـه
وأنت طيـبّ ومتعافـي يـا حبيبـي
وألاّ أنا عمري يخلـف الله ضياعـه
كلّ ما عيّد شبابـي .. عـاد شيبـي
سيّـدي كـل ٍ بطبعـه وإنطبـاعـه
كان ما طريّت جيبـك طـرّ جيبـي ؟

وأعتبرني شاعر وراعـي بضاعـه يابس ٍ عرقي على الغصن الرطيبـي وأن سمعت اللي يطيب إلك إستماعـه قول صـح لسـان سـداح العتيبـي

عن نفسي طابت لي

وصح لسانك

واسف اااذاا مكرر

( اسجل اعجابي بجميع قصائده الرائعه وشريطه الرائع )

[أبونواف]

وأعتبرني شاعر راعـي بضاعـه=يابس عرقي على الغصن الرطيبـي
وأن سمعت اللي يطيب إلك إستماعـه=قول صـح لسـان سـداح العتيبـي

صح لسان الشاعر سداح أول مره أدري أنه عتيبي ليت أحد يخبرني عن أسمه الصحيح

[أبو مصلح 511]

صح لسان سداح



ولا هنت على النقل







تحياتي

[مزيد العصيمي]

ابو نواف

صح بدنك بالنيابه

وسداح شاعر رجل كون لنفسه شهرة جزاله لاشهره اسم وشكل

\

والله يطول في عمره ويتحفنا بقصائده الرائعه


دمت بخير

[مزيد العصيمي]

/

ابو مصلح

صح بدنك بالنيابه

ولالك مهونه

[بدر الكريزي]

وأن سمعت اللي يطيب إلك إستماعه
قول صح لسـان سـداح العتيبـي

..

صح لسااانك يا سداح

ولا هنت يا مزيد .. عافاك الله ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[عبدالله الجـــذع]

الله .الله

كنت اعرف اخر بيتين فقط

والان عرفتها كلها كل بيت اجمل من الذي سبقه

صح لسان سداح العتيبي بحق

الف شكر يامزيد

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا