الشاعر يوسف العصيمي ..! ( عمر المطر )

[مزيد العصيمي]

عمر المطر ماقلت له ماجـور = لين اقتنعت ان الرجال اشجـار
وان القلوب اللي بدون شعـور = مثل الغصـون بـدون اثمـار
حتى لو لها في التراب جـذور = مـاراح تعطيهـا ولا مقـدار
من غبتن وحده هـل البابـور = يستخرجون اللولـو والمحـار
هذا يزيد مـن غـلاه الحـور = وهـذاك مايسـوى ولادينـار
مافي شي الا ولحقـه قصـور = حتى السنين التاليـات قصـار
وتكون الارض من الاوادم بور = ماهو من شان القبـور كثـار
اللـي دفناهـم بـدون قبـور = اكثر من الموتى بتسع اعشـار
ماعاد في بعض الرجال صدور = من يوم اكلها الحسـد ياستـار
خل البنات ام العيـون الحـور = اثر الرجال من الرجال يغـار
النور من يقدر يحجـب النـور = ياللي تحسب ان النجوم صغار
لاصـار ماميزتهـا مـعـذور = ماني بقايل لك وش اللي صار
وش ذنبي ان كان العيون العور = ماتقدر تشـوف الكبـار كبـار
حتى ايش تشهـد شهـادة زور = وتحط راعي البيت مثل الايجار
ماجيت ابي ذكرك وانا مذكور = لو ماني بشاعر مـع الشعـار
ابـوي قدامـي خـذالـه دور = ماشغل فلوسـه مـع التجـار
يلمهـا ويحطهافـي قــدور = ويشب من حدر القـدور نـار

( شعر / يوسف بن عبد الرزاق بن جابر العصيمي العتيبي )
شاعر الامه

< فديت كل قصايده

[أبونواف]

ماجيت ابي ذكرك وانا مذكور=لو ماني بشاعر مع الشعار
ابوي قدامي خذاله دور=ماشغل فلوسه مع التجار

صح الشاعر يوسف العصيمي على هذه الرايعه
لاهنت أخوي على النقل .........

[الشــاهد]

صح لسان شاعر الأمة يوسف العتيبي

وصدق بعض الرجال يغار مثل الحرمة الله يعز الرجال الطيبين


مزيد العصيمي بيض الله وجهك


بس هنا ك ملاحظات بسيطة فية كلمة سقطت اثناء الكتابة بدونها يصبح


البيت مكسور ارجو تعديلها يالقرم


الشطر\مثل الغصون اللي بدون اثمار

تحياتي لك

[مزيد العصيمي]

يابعد راسي

مايمديني مقدر اعدلها

ان شاءالله المشرفين يعدلونها

وان القلوب اللي بدون شعور - مثل الجذور اللي بدون اثمار

مشكور يالنشمي على التدقيق ان دل دل على مرورك الملكي
وقرائتك للقصيده ياذيبان تسلم مليار

والله يبيض وجهك سلطان

[مزيد العصيمي]

ابو نواف تسلم على المرور الرائع

والجميل لا عدمناك

دمت بخير

[مزيد العصيمي]

هاذي القصيده

بعد تعديل الأخطأ المطبعيه
ياليت المشرف يضيفها

سوري


|

عمر المطر ماقلت له ماجور
لين اقتنعت ان الرجال اشجار
وان القلوب اللي بدون شعور
مثل الغصون اللي بدون اثمار
حتى لو الها في التراب جذور
ماراح تعطيها ولا مقدار
من غبتن وحده هل البابور
يستخرجون اللولو والمحار
هذا يزين من غلاه الحور
وهذاك مايسوى ولادينار
مافي شي الا لحقه قصور
حتى السنين التاليات قصار
وتقول الارض من الاوادم بور
ماهوب من شان القبور كثار
اللي دفناهم بدون قبور
اكثر من الموتى بتسع اعشار
ماعاد في بعض الرجال صدور
من يوم اكلها الحسد ياستار
خل البنات ام العيون الحور
اثر الرجال من الرجال تغار
النور من يقدر يحجب النور
ياللي تحسب ان النجوم صغار
لاصار ماميزتها معذور
ماني بقايل لك وش اللي صار
وش ذنبي ان كان العيون العور
ماتقدر تشوف الكبار كبار
حتيش لو تشهد شهادة زور
وتحط راعي البيت مثل الجار
ماجيت ابي ذكرك وانا مذكور
لو ماني بشاعر مع الشعار
ابوي قدامي خذاله دور
ماشغل فلوسه مع التجار
يلمها ويحطهافي قدور
ويشب من حدر القدور النار


|

آخر تعديل مزيد العصيمي يوم 05-Jan-2009 في 05:06 PM.

[فهد براك الاسعدي]

بيـض الله وجهـك’ وتسلم يديـنك


وصح لسان شـاعر الامة / يوسـف العصيمي




دمـتـ بــود

[ابو ريف]

صح لسان يوسف
مشكووووور يامزيد