لحظة دقيقه ويش دخل هذا البيت؟,,ماودي اكتب هالقصيدة كذيا

[رائد العصيمي]

السلام عليكم

قصيدة جديدة لي يارب تعجبكم

لامن دعاني طاري الربع لبيت
تقدح بي افكار السطر والحميا
لحظةدقيقه ويش دخل هذا البيت؟
ماودي اكتب هالقصيدة كذيا
ياقلب عيني تبغي النوم وازريت
احاول ارقد لكن النوم عيا
اذكر زمان ن فات ولىّ وحنيت
اسامر ربوع ن على العين ضيا
ياتل قلبي تلت سيور وانيت
لامن دعس له صاحبة ماتريا
على وليف صد واقفى وصديت
امازحه واثره نواها عليا
ياليتني من قبل لااصد واقفيت
هوّنت عن روحة سببها بليا
لكنها صارت وطالت وانا ابطيت
والقلب تكوية الصواديف كيا
اقفى وشتت مركز الفكر تشتيت
وادمت حياتي ناقع ن فالجفيا
اي بالله استاهل تغليت وادميت
اصفق جروح الزمن في يديا
واقول سالي لاحشى ماتسليت
وانا اذكره لاشفت نجم الثريا
انا اشهد اني فالهوى قد تماديت
وحبيت حب ن فالبشر ماتهيا
وبنيت له قصر بخفوقي وحطيت
برج ن بوسطه مثل برج العليا
وبنيت سور ن مرتفع ذايع الصيت
يحميه من شلة هروج القفيا
ونصبت له خيمة معزة وسويت
صيوان حب وعشق فيها يتفيا
لكن خلاني وروّح وظليت
اناظر احلام ن بيننا سويا
ناديت ثم ناديت وبالعين صبيت
وبال دمع ن يروي الخد ريا
ولديت يمه ليتني مااستدليت
وشفت المذلة في عيوني هنيا
لاطحت فبحور الهوى تعيش كالميت
يذبح شعورك لكن الجسم حيا
الا ياقلبي وش يضر لو تخليت
ماظنتي فالحب حصلت شيا
خذها نصحية دام مابه تعنيت
خل الهوى ماهوب طلق المحيا

وسلامتكم

[مرزوق حمدان العتيبي]

..

.
الا ياقلبي وش يضر لو تخليت
ماظنتي فالحب حصلت شيا
خذها نصحية دام مابه تعنيت
خل الهوى ماهوب طلق المحيا


مبدع يارايد صح لسانكــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سعود بن سعد الحافي]

صح لسااااااااااانك

ولاهنت يا رائد

**************

[أخو جوزا]

صح لســـانك

[القلاع]

خذها نصحية دام مابه تعنيت
خل الهوى ماهوب طلق المحيا


لاهنت يارايد أبداع

[محمد العتيبي]

الله


رائع يا رائد .. صح لسااانك ..


قصيده رائعه جدا ..


امتعتنا بقرائتها ..


تحيتي
..

التوقيع

للتواصل عبر twitter تويتر al_bargawy@

[محمد الذيابـــي]

صح لسانكــ



مبدع يارايد



لاهنت يالغالي

التوقيع

التوقيع محمد الذيابـــي

[فيصل مطر]

صـــــــــــــــــــــح لســــــــــــــانــــــــــــكـ

مبدع يارايد

تقبل مروري

[العرمـــ(صومالي)ــلي]

قصيده اليمه واحلى شي فيها :

ياتل قلبي تلت سيور وانيت
لامن دعس له صاحبة ماتريا
على وليف صد واقفى وصديت
امازحه واثره نواها عليا

الله يسعدك سيووور وانيت مرره ووحده هاهاهاااااااي

بيض الله وجهك وصح الله لسانك على القصيده الحلــــــــــــــــوه..

[رائد العصيمي]

الا ياقلبي وش يضر لو تخليت
ماظنتي فالحب حصلت شيا
خذها نصحية دام مابه تعنيت
خل الهوى ماهوب طلق المحيا


مبدع يارايد صح لسانكــ

صح بدنك شاكر لك