الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > المحاورات المنقولة الكتابية والأراء النقدية

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 19-Aug-2010, 12:25 PM رقم المشاركة : 1
معلومات العضو
مناحي حمدان العصيمي
عضو فعال
إحصائية العضو





التوقيت


مناحي حمدان العصيمي غير متواجد حالياً

افتراضي الك خمسمية ريال وهات لي بيت القصيدة ؟؟؟

حبيب العازمي

مرحبا بالشيخي اللي جرته حمـره جديـده
ماتبا قصاص اثر تبغا لها واحـد حرامـي
والله اعلم لو افتش واتعيـن فـي رصيـده
ما لقيت إلا بطاقة تحـت توقيـع الزلامـي




ابراهيم الشيخي

والبقا بالروقي اللي جرته ماهـي وحيـده
جرته مثل الجرر واسمن بعد مثل الاسامـي
كثر الزحمه على خط البلد والدرب السيـده
مير ماتقبضني النجده وانا سايـق نظامـي




حبيب العازمي

اعلم اني ما استفيد وفيه ناسـن مستفيـده
واحمدالله يوم انا ما ماع مخي من عظامـي
يولد بالخيزرانـه ليـش طقيـت الحديـده
الحديده ضدها من نوعها والطـق حامـي




ابراهيم الشيخي

بعد ما سلمك في قبضة يدي شاعر عبيـده
انحذفت يسار نوشتـك بعيـدات المرامـي
الخبر فالروس ماهو في عناوين الجريـده
الرصاص اللي تشيله في حزامك من حزامي




حبيب العازمي

صايدك صايدك والقرقاح ينضج لين اصيده
خابر القرقاح مدري وانت زهراني تهامـي
حط كفك فالشحم عقبـن تفاقـد للعصيـده
الطعام اللي تشكر منه كلـه مـن طعامـي




ابراهيم الشيخي

انت منته بالخليل اللي ركز حكـم العقيـده
تحسبن النار يالهعازمـي بـرد وسلامـي
انت ماتعرف شروط الحق يا مطوع بريـده
ما بعد كملت ثالث شوط وتحـل الحرامـي




حبيب العازمي

الك خمسية ريال وهات لي بيـت القصيـده
كان وليا انك كلامك فيه نسبه مـن كلامـي
انت من راعتك منا رحت عمـره للحديـده
خلنا في هالمقام ولا تجي فـي هالمقامـي




ابراهيم الشيخي

والك من عندي ريال وخلها فرصه سعيـده
ولا انا ماني على اللي عندكم جيعان ظامي
بارك الله بارك الله فـي حكومتنـا رشيـده
ما تلفت في الظلام وفي خفافيش الظلامـي




حبيب العازمي

ماتقصـر والزهيـد يمدهـا دايـم زهيـده
فسحة الورعان متعـود عليهـا ياغلامـي
دايم الروس العنيده تصدم الروس العنيـده
والضعوف ضعوف ما تصدم ولا تبلغ مرامي




ابراهيم الشيخي

انت لو تستاهل اكثر من ريال امكن نزيـده
كان ماتستاهـل اكثـر لا تنقـد فالكرامـي















رد مع اقتباس
غير مقروء 19-Aug-2010, 02:14 PM رقم المشاركة : 2
معلومات العضو
صميدع.
عضو نشيط
إحصائية العضو





التوقيت


صميدع. غير متواجد حالياً

افتراضي

.
....

طاروق رايع وممتع..


وحبيب لا يزال في عنفوانه ..وابداعه متجدد.


والشيخي شاعر لا يستهان به..


ويبدولي أن حبيب غير مقتنع بشاعرية الشيخي..



ولكن الشيخي من أفضل الشعراء الشباب.




لا هنت يا بن حمدان
..















رد مع اقتباس
غير مقروء 19-Aug-2010, 03:10 PM رقم المشاركة : 3
معلومات العضو
شباب صنيتان الروقي
عضو نشيط
إحصائية العضو





التوقيت


شباب صنيتان الروقي غير متواجد حالياً

افتراضي

السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
حبيب شاعر فحل وشيخي توه بس شاعر
تقبلوا خالص تحياتي
أخوكم شباب الروقي















رد مع اقتباس
غير مقروء 19-Aug-2010, 03:12 PM رقم المشاركة : 4
معلومات العضو
شباب صنيتان الروقي
عضو نشيط
إحصائية العضو





التوقيت


شباب صنيتان الروقي غير متواجد حالياً

افتراضي

صح السانك يا حبيب وبعد الشيخي صح الله السانك

تقبلوا خالص تحياتي
أخوكم شباب الروقي















رد مع اقتباس
غير مقروء 19-Aug-2010, 03:12 PM رقم المشاركة : 5
معلومات العضو
ع ـظيم الشوق
عضو فعال

الصورة الرمزية ع ـظيم الشوق

إحصائية العضو






التوقيت


ع ـظيم الشوق غير متواجد حالياً

افتراضي

مشكور على النــقل .. ..

تقبل فـآئق إحترآمي ..















رد مع اقتباس
غير مقروء 19-Aug-2010, 03:39 PM رقم المشاركة : 6
معلومات العضو
متابع هنا وهناك
عضو نشيط
إحصائية العضو





التوقيت


متابع هنا وهناك غير متواجد حالياً

افتراضي

دائما حبيب العازمي متألق في محاوراته .. ابياته تغطي المعنى الظاهر والغامض



اعجبني رد حبيب في هذا البيت وخصوصا لما توقف لثواني ثم اكمل البيت

صايدك صايدك والقرقاح ينضج لين اصيده
خابر القرقاح مدري وانت زهراني تهامـي


ولكني استغرب ان حبيب غير مقتنع بابراهيم الشيخي .. هل هيذا فعلا رأيه او انها من باب المزاح والضغط على الخصم ؟!




وهذي المحاوره فيديو

















اشكرك اخوي العصيمي على الانتقاء















رد مع اقتباس
غير مقروء 19-Aug-2010, 04:18 PM رقم المشاركة : 7
معلومات العضو
زياد المزرمي
شــــاعــر

الصورة الرمزية زياد المزرمي

الوسام الذهبي 
إحصائية العضو






التوقيت


زياد المزرمي غير متواجد حالياً

إرسال رسالة عبر مراسل MSN إلى زياد المزرمي
افتراضي

حبيب العازمي @@ ابراهيم الشيخي

شعراء عماالقه


بدون شك ابدع حبيب وابدااع الشيخي واضح من خلال المحاوره كلها

حيث كان في الحفله فلاح القرقاح وفلاح المورقي وشاعر عتيبي ولكن تألق الشيخي كان واضح

لاهنت يالعصيمي على ايراد المحاوره















التوقيع
عز الله اني فالوصل ماني بشي !! = ولا الحقوق .. اقولك عد واغلط !!
دام المواجه حظ .. ويحالف الحـي = لابد مايحصل ( هلاوين وإقلـط )

زيـاد الـمـزرمـي

ziadsm@windowslive.com
رد مع اقتباس
غير مقروء 19-Aug-2010, 05:08 PM رقم المشاركة : 8
معلومات العضو
فهد علي العازمي
شــــاعــر

الصورة الرمزية فهد علي العازمي

التميز 
إحصائية العضو






التوقيت


فهد علي العازمي غير متواجد حالياً

افتراضي

كلهم شعار
ولا ضاع لهم شي عند بعض















رد مع اقتباس
غير مقروء 19-Aug-2010, 05:54 PM رقم المشاركة : 9
معلومات العضو
الـحـنـشـ
عضو نشيط
إحصائية العضو





التوقيت


الـحـنـشـ غير متواجد حالياً

افتراضي

صايدك صايدك والقرقاح ينضج لين اصيده

ينقز وليست بينضج

انت لو تستاهل اكثر من ريال امكن نزيـده

ابشر نزيده


محاورة رائعه وصح السنتهم

لاهنت















رد مع اقتباس
غير مقروء 19-Aug-2010, 06:47 PM رقم المشاركة : 10
معلومات العضو
خلف المطيري
موقوف لمخالفة الأنظمة
إحصائية العضو






التوقيت


خلف المطيري غير متواجد حالياً

افتراضي

وجهة نظر حبيب في محلها

وانا مؤيد له

الشيخي شاعر لكن تنقصه اساسيات المحاوره

وهذا اللي كان يقصده حبيب العازمي















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »12:07 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي