باللهجه البدويه :يوم السبت 27 مارس الجاي كلنا نطفئ اللمبات لمدة ساعة

[خلف القثامي]

لأول مرة تشارك في التاريخ ( والجغرافيا ) السعودية يوم السبت 27 مارس ( الي جاي ) تشارك في"ساعة الأرض" ( وبالعامي في ساعة الرقة ) التي يتم فيها قطع الكهرباء في عدد من المدن الرئيسة لمدة ساعة كاملة من الساعة الثامنة والنصف مساء وحتى التاسعة والنصف مساء .

يعني في الساعة المحددة كل واحد يطفي النور .. يعني الي عندة كهرباء لمبة تلفزيون مكيف .. لابد يطفي النوووور .. ( نبي الدنياء ظلماء دلقس ) حتى الجوالات ( صن ) .بدون ( كرهب ) .. تكفون لا تفشلونا ..

وتقول وكالة الانباء الالمانية : (وينتظر أن يتم إطفاء الأنوار عن أهم المعالم في المدن الرئيسية في الرياض وجدة والدمام إضافة إلى عدد من الإدارات الحكومية والقطاع الخاص )

سمعتووو يعني العلم ( من جد ) .. صدق صدق .. ياويلة الي الي مايطفي ذاك اليوم .. ترا الربع يبي يصورون بالاقمار الصناعية .. ويشوفون الدول الي لم تطبق الاتفاق .. ( زين خشة بعض العرب لاقطه صورته ناسا وناشرتها في التلفزيونات العالمية وهو مولع اللمبة ) .. انتبهوا ( ترا بعض العرب نكبة ) ..
طبعا هالامر مايشمل التالي :

1. لاشمل المستشفيات .. انتبهوا لا تفصلون الاجهزة عن المصاخين .. يروحون فيها ) .
2. لايشمل لاشارات المرورية .. لا تطفونها ثم نتذابح في الشوارع .. الله لايبلانا ..
3. لايشمل اجهزة تنظيم ضربات القلب .. ترا بعض العجايز الله يصلحهن صداقات .. تبي تشارك في هاليوم السعيد ثم تبلشنا بنفسها .
4. لايشمل ..السيارات على الطرق السريعة .. ترا ما عليهم شرهه .. روحوا في دربكم الله يسهل عليكم .. وراكم طريق طويل .. ما يظر السنة الجاية تشاركون معنا في ( هاللعبة ) . لا تطفون النور .. يكفي حوادث . ترا حنا ماشاء الله الاول على العالم في الحوادث ..
5. لايشمل المصاعد الكهربائية .. بعض العرب يستغل فرصة يبي يوفر كهرباء ويحبس المسلمين في المصاعد .
6. اي واحد يحس انه يبي يتظرر من هالمناسبة تراه معفي .. يالربع اركدوا .

تقول وكالة الانباء الالمانية : ان السبب هو ( للمشاركة في "ساعة الأرض" التي تهدف لمشاركة الناس حول العالم في تقليص حجم انبعاثات الغازات الناجمة عن الاحتباس الحراري،وكوقفة ثابتة نحو سبل عيش أفضل على كوكب الأرض ) .

فهمتوا .. ترا انا ما فهمت شي بس الله اعلم انه علماً زين . والا ما شاركت به حكومتنا .

نكما ما ورد نقلا عن الماخوذه الوكالة : (وتشارك السعودية لأول مرة في "ساعة الأرض"إلى جانب 92 دولة سيشهد فيها مساء 27 مارس المقبل انطفاء الأنوار عن ما يقارب 2500 مدينة ومحافظة في مختلف دول العالم .)


سمعتوا قالوا السعودية .. يعني الوعد قدام ...
نكمل بعد : ( وستطفأ الأنوار في يوم الأرض من السعودية إلى الخليج والشرق الأوسط وأستراليا إلى الولايات المتحدة الأمريكية وأوروبا إلى آسيا وإفريقيا وستعيش أهم المعالم حول العام مثل دار الأوبرا في سيدني وبرج تايبيه 101 وبرج خليفة في الإمارات والأهرامات في القاهرة وبرج إيفل في باريس وعين لندن وميدان بيكاديللي في لندن ومبنى امباير ستيت في نيويورك ولاس فيجاس في الظلام لمدة ساعة من أجل كوكب الأرض إضافة إلى مشاركة مبان شهيرة مثل رويال البرت هول،ومركز مانشستر يونايتد وستورمونت وانفيرنيس وويلز استاد الألفية وبرج الشراع وشركة كوكاكولا وإيكيا) .

يعني دلقس .. ظلام منقطع النظير .. والنوم ازين شي نسوية .. عموما اخذوا هالنصايح مني شخصيا .. بذيك المناسبة :

1. قفلوا البيبان .. والذيب يعرف قصدي .. ( انتبهوا من السرقان) .
2.قبل ساعة لاتقرب مكينة الصراف .. ثم تطفي عليك المكينة .. لاهي الي عطتك فلوسك .. ولاهي اي رجعت بطاقتك ..
3.لاتسوي رومانسي و ( حبيب ) وشاعري .. تقوم تطالع في السماء وتمشي في الشارع ترا الناس مطفية النووووووووووور .
4. مالة داعي تنزل الاسواق ... (اقضب ارضك ).

والله عندي علوووم واجد .. لاكن خلها في وقتها .

[فهيد الايدا المورقي]

ياخوف قلبي لاتروح الدعوي خبيتي


هههههههههههههههههههههه


خلف القثامي لاهنت على النصائح


تحيتي

التوقيع

حسابي في تويتر faheed_1234

[مشاري الحبردي]

هالعالم علاها طلعات مدري كيف قايله !!

والله ماني مطفي ,,
ابا اخربها عليهم !



لاهنت ياخلف

[معجب العتيبي]

هههههههههههههههههههههههههههههههههههههههههههههههههه ههههههههههههههههههههه


والله اجمل مافي الحدث اسلوبك الرائع



شكرا على ماقدمت ووسعت صدورنا



وفعلا انتبهو من السرقان نيويورك طفوا خمس دقايق صار عشر الاف سرقه

التوقيع

[علي الشهراني]

الله يخاااااااااااااااااارجنا

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[خلف القثامي]

المشاركة الأصلية كتبت بواسطة بناخي الايداء

ياخوف قلبي لاتروح الدعوي خبيتي


هههههههههههههههههههههه


خلف القثامي لاهنت على النصائح


تحيتي

الخبيتي في المعالم البارزه


تبي تبرز زياده


من كثرة المتجمهرين على الابراج ناطحة سحاب

المهم من اللي يبي يطفي الانوار في المعالم

عساه من الشباب السعودي

علشان الانوار والكهرباء تبع الشركه السعوديه


وتصير بايدي سعوديه 100%


لاهنتوا على مروركم المنوررررر

[ابن طامي]

انا بنشدك هالحيـن ..!


الشركه تطفي الكهرب علانا , ولا حنا من عندنا نطفيـه ؟؟

[فيصل الحمراني]

هذا في الدول المتقدمة والتي لاتفصل عندهم الكهرباء ابد يعني لهم سنين ماقد انقطعت عنهم الكهرب
وبانفصال الكهرب عندهم هالساعة امر مستغرب ويستمتعون بة

بس عاد عندنا كل شوي تطفي الكهرب كل يوم او علي الاقل كل اسبوع

اعتقد ان الحرامية ضابطين ساعة الصفر

[نواف العنزي]

ماشاء الله عاد الحرامية اللي عندنا مايبي لهم شي النور مطفي او النور مولع سارق سارق الله لايعوق بشر بس خوفك بشي اكبر من السرقة في هالساعة ^_^ ماقول غير الله يرحم مزنة وياليت نخلي التطور لاهله ....


فاطس ضحك على مشاركتنا في هالظاهرة هع هع هع

[قنوع النفس]

لاهنت يالذيب بس اعتقدذلك اكبر تخلف ان فعلنا ذلك لان المفروض نحمدالله على هذه النعم وماهو نروح نسوي سوايا الاجانب ودمتم