تهنئة لطلال

[الوليد الاسعدي]

الاخ الكريم المثابر طلال الثعلي :
كتب وصووول العطياني قبل فترة قصيرة هنا في المنتدى بشرى تخرجك من الجامعة وفي حينها قد كتبت تهنئه وخاطرة ثم لم يسعني الوقت ان اضعها ... لكنني لم اجد الموضوع بعد ذلك وحاولت البحث ولم اجده واحببت ان انقل تهنئتي لك وانت قد ناهزت الربع قرن من العمر ( ياكبرك ) وأقول :

الف مبروك ياطلال وخبر مفرح وعسى الله يسر لك دربك ويفتح لك ابواب رزقه ...
الحقيقة اني اول ماقرأت هذا الخبر وجدت سعادة تغمرني ثم قفز عليها فجأة صمت وحزن خاطف فعاودت السعادة مرة اخرى !
فما ان انتهيت من قراءة بشرى وصل ...
حتى وجدت نفسي ارجع للوراء مسترخيا على كرسيي الخشبي الصلب فدفعته بظهري حتى اتكأ على رجلاه الخلفيتان فاصبحت به كالابرة بين كفتي ميزان ....
ثم رجع لي الصمت وشيئ معه اظنه حزن !!
حزن يختلط به تفاؤل ... يزداد التفاؤل فيطغي على الحزن فاقول بالتفؤل هكذا فيندثر الحزن فيخرج اخرى ... لانني لااعرف تقاسيم "طلال" الجزئية الخفية ولا اظن "وصل " يعرفها كذلك ... فتلك التفاصيل الدقيقة الكامنة في الافئدة لايعلمها الا الله ويعلم " طلال " شيئ منها وربما جلها !!
بدأ الطريق ياطلال ....
الوظيفة .... والحياة الزوجية !!!
منعطفان في تاريخك اخي العزيز ...
امران لابد ان تولي لهما شأن كبير من جهدك وتفكيرك !!
قد تكون متزوج ... الحمدلله ! فيسقط منك حمل كبير ونسأل الله لك حياة سعيدة هادئة .
اما الوظيفة ...
فعليك المثابرة والتوكل على الله ...
تعرف على مياديين العمل الخاصة بك ...
حديث الاستخارة اجعله دائما في جيبك ... قد تكرره عشر مرات في اليوم فهذا حسن ..
استعن على قضاء حاجتك بالكتمان حتى تنهي امرك ... الا من صديق صدوق .
وثلاث ينفع معها الكتمان : اختيار الزوجة ، الوظيفة ، نسيت الثالثة ..
قد تقبل بل اقبل بوظيفة اقل من طموحك على مضض ( الخريج الجديد غالبا مايكون طموحه عالي لذا لابد من الواقعية المتزنه ... وليس الاستسلام فهناك فرق ) حتى تجد ماهو افضل ..
وهنا يجب يجب يجب ان لاتشعر رب العمل او زملاء العمل انك قبلت بهذه الوظيفة لتمشية الحال ... اشعر الجميع انك جاد في كل شيئ ...
حتى تجد ماتريد وتصبو اليه ... ثم الركبة الاسفنجية للعمل القديم والوداع !
وهناك شيئ اسمه الشفاعة او الواسطة ... هذا دواء فعال وفتاك ، حاول ان تجده فهو لايباع في الصيدليات .. وهناك ادوية من هذا النوع مغشوش يضر اكثر من ان ينفع !!
ونامل ان تبشرنا بما هو جديد ....

ونسأل الله لك التوفيق في الدارين .


الوليد الاسعدي

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها

[ابن مشيب]

الف الف مبروك ياطلال , وعقبال الماجستير والدكتوراة.......
الله يوفقك بالوظيفة الطيبة , وبنت الحلال التي تسعدك.........

طبعاً كالعادة اذا تخرج احد من الثانوي حطولة عزيمة فكيف من تخرج من الجامعة اكيد راح يحطون حفلة كبيرة المهم لاتنسانا ياطلال اعزمنا


كما اشكر الاخ الوليد الاسعدي بنشر هذا الخبر المفرح.........



الف الف مبروك ياطلال............



تحياتي.........

[عبد الاله]

الف الف مبروك طلال
وصدقوني اللي في الجامعة
يتمنى يتخرج اليوم قبل بكرة
لكن بعد فترة
يتمنى تعود ايام الجامعة
مشكور الوليد
على ماحملته من مشاعر
رائعة وطيبه تجاه زميل
فرغم انه ليس زمن الوفاء
الا اننا معكم نعيش على امل
ان يعوووووووووود يوما ما

[طلال الثعلي]

الوليد الاسعدي

الله يبارك فيك...
وليس بغريبة عليك هذه البادره اللتي اعتز بها ماحييت
وصراحه كلامك هذا لو ينشرا بفلوس والله لاشريه ولكن موجه لي من اخو وعزيز علي والحمد لله كلنا اخوان في هذا المنتدى الشامخ...
ونصائحك هذه اعتبرها نبراسا لي في كل شي وفي كل يوم....
وانا اقول كثر الله من امثالك...
وعساني والله مافقدك يالغالي...
وابشرك كل شي على مايرام....
والمكتوب ماعنه مجناب...
اما الفيتامينات متوفره بكثره ...
والباقي على الله...
اما بنت الحلال يبي يجيبها الله
ولك خالص تحياتي...

[طلال الثعلي]

الله يبارك فيك...

ويتقبل دعواتك..

ابشر بالعزيمه..بس انت تجي لو تبيني احطها بعد عندك فالرياض تبشر....

بس المحاني تراه اطيب فيه ربيع ومقانيص وتمشيه على ديرة يحبها قلبك

والله انك لتنسى الرياض

وان كان تبيها في هيلتون في جده ترى وصل مصمل على الهيلتون

يبي البوفيه المفتوح

هالحين اليا فقدته رحت ادوره في هيلتون الله لايبلانا سحر علاه...

يحب الكابتشينو



تحياااااااتي

[طلال الثعلي]

الله يبارك فيك ياغالي...

وانت تقول تمنى انك ترجع للجامعه...

والله ياولد العم اني ماصدقت اتخارج منها

ماغير مصارية(ن) يرفعون الضغط...

وجندا الله غاضبا عليه....


تحيااااااااتي...

[المورقي22]

طلال الثعلي


مبروك مره ثانيه



والله يوفق الجميع انشاءالله



وانشاءالله الدكتوراة


الوليد الاسعدي

اشكرك على هذه الجهود المبذوله



وتحيااتي للجميع

[أجود]

مبروك ياطلال وخبر مفرح ونتمنى لك كل خير من قلوبنا !!
والشكر موصول للوليد الاسعدي على هذه اللفتة الاخوية .

[ابن مشيب]

الله يسلمك ياطلال , والله انها ابرك الساعات الي نجيك في ديرتك ونتعرف على ربعك....

وبالنسبة لوصل الله يلوم الي يلومة في حب الكابتشينو خاصة اذا كان سكر زيادة وبعد القهوة التركية انا كنت منول انقد على الي يشربونة لكن يوم ذقتة ادمنت علية

وشفني اذا انتهت المحاضرة علقت بالبهو انا ومعي سيحاني وقحطاني والله لايوريك هو فطورنا وغدانا وعشانا



تحياتي...

[ناصر العصيمي]

الف مبروك ياطلال وتستاهل كل خير

وعقبال المراتب العليا إن شاء الله


وبالتوفيق وإلى الأمام دائماً