والمجلس اللي يزعجك لا تمره

[OTAIBAH]

هذه قصيده رائعة

لآضاق صدرك عالي الصوت جره= لو كان قلبك ما يطاوعك مسرور
دنيـــــاك لو تسوى من الحِزن ذرّه =ما كان تاليها توابيت وقبــور
وما كـــــــان للكافر بعمره مسره = ولو شفت في ملكه ملايين وقصور
العمر يمضي بين حـــــــلوه ومره = والموت حق وقابض الروح مأمور
دام الحيــــــــاه الفانية مستقره = ورزقك يجيك وبين الأجواد مستور
لاتنشغل بالــــــوقت برده وحره =واحذر تصير بقسمة الناس مقهور
وحكم القدر لاجـــاك خيره وشره = أشكر عظيم الشان والذنب مغفور
والمجلس اللي يزعجك لا تمره= خله تراك بشوفته منت مجبور
والرجل سقها في صحاصيح بره= ومد النظر مابين ريضان وزهور
لا صار وجه القاع ما فيه جره =والمشي حافي والثرى تو ممطور
ساعات صمتٍ ما وراها مضره =تسوى الكلام اللي به إذنوب وإشرور
أطلق خيالك وأترك النفس حره =وخل الطبيعه في حياتك لها دور
وبالليل لا بانت نجوم المجّره =أذكر بديع الخلق بـِ إحـساس وشعور
واسجد لرب الكُون مره ومره = وإحفظ لسانك وأترك الكذب والزور
وفروض ربك خلها مستمره = وطاعتك لا يدخل بها نقص وقصور

الشاعر : غزاي نومان الحربي

[خلف القثامي]

صح لسان الشاعر


قصيده رائعه اسمتعت بالابيات النابعه عن صدق الاحساس والنصح الهادف

[محمد الذيابـــي]

صح لسانك


لاهنت غلى النقل

التوقيع

التوقيع محمد الذيابـــي

[سعود بن عيد العضيله]

صح لسان الشاعر الحربي
وشكرا على النقل

[سيف نت]

صح لسااااااااااااانه