كم ناس تلبس ثياب العيد مقلوبة..!!

[وصل العطياني؟؟؟]

السلام علاكم

كلّ عام وأنتم بخير ...

ملابس العيد يوم العيد مطلوبة=غترة وثوبٍ جديد وبشت وعقالي
فالمشهد اللي يروحون العرب صوبه=تسمع لهم مع صلاة الصبح ولوالي
كلٍ تلبّس وجاك يمسـّس جنوبه=مشتال سبحة ونظارة وجوالي
ما غير موضات والموضات مرغوبة= والاّ الحقايق تراها عكس الأشكالي
لو كلّ واحد تعابيره على ثوبه=تشوف لك شيء ما يخطر على البالي
كمْ ناس تلبس ثياب العيد مقلوبة=تعبير عن ما نعيشه وقتنا الحالي
ما عاد للعيد فرحة عندنا نوبة = ما عاد له فرحة الاّ عند الأطفالي
الناس صارت تجي للعيد مغصوبة=ولا يعايدك غير الصاحب الغالي
عايدك ثم حكّ عرقوبه بعرقوبه=سلام وإلى اللقا فالمشهد التالي
صرنا ما نعرف بعَضْنا يالله التوبة=ما أعرف ولد عمّي الاّ من ولد خالي
ورفيقي اللي يجيني نافخ ذروبه=آخذ سنة كاملة ما سال عن حالي
من حقـّه أعايده وأعطيه ماجوبه=ومن حقـّي أوادعه وأنساه طوّالي
والله لولا صلاة العيد مكتوبة=لتصير من بين ربعك كنــّك الجالي
ليش المحبـّة من القاموس مشطوبة= ليش التباغض وليش القيل والقالي
الطـِّيب مرضان والرُّفقة في غيبوبة=ما خلّت أجيال أبويه شيّ لأجيالي
وإن صار جيلي هذا ممشاه وأسلوبه=لا والله العلم كيف أوصِّي عيالي
العاقل الفاهم اللي يعرف دروبه=يشوف ما شفت ويصادق على أقوالي
واللي يحسْب إنّ ثوبه يستر عيوبه=يقول عيدك مبارك ويتحلوالي
لكنّ عيديـّته ماهي بمحسوبة=عيديّة اللي ضميره بالرّدى كالي
اللي يعيّد برفقة شبه مسلوبة=أحسن يعيّد على هندي وبنقالي
واللّي يعيّد بدون يشوف محبوبه=كنــّـه معيّد لحاله فالخلا الخالي

تحيااااااااااتي

التوقيع

na111na@hotmail.com

[عيضه الثبيتي]

حجز1

ولي عوده

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[فيصل بن ضاوي]

هههههههههههههههه
أضحكتني أضحك الله سنك
قصيدة فكاهية لكن معانيها
تعالج قضية
صراحة
تمكن تغبط عليه
وحرفنة شعرية
لا تجدها إلا عند الكبار
أجل تدري يالغالي
من العايدين في محلك
وكل عام وأنت بخار
تقبل أسمى تحياتي

آخر تعديل فيصل بن ضاوي يوم 08-Dec-2008 في 08:00 PM.

[عيضه الثبيتي]

واللّي يعيّد بدون يشـوف محبوبـه
كنّه معيّـد لحالـه فالخـلا الخالـي



نسيت اقولك من العايدين يامبدع


وكل عام وانت بخير



تحياتي وتقديري

[متعب العصيمي]

عزالله انك صادق

وكل عام وانت بخير .. وصح لسانك على الجزله


تسجيل إعجاب

[محمد بن غازي]

كل عام وانت بخير يابو مشهور وصح لسانك .... على القصيده التي تحكي حال كثير من الناس وتختصر الكثير والكثير من الأقوال ....

[السميــــــري]

ياوصل حيرتني ..
في الاقتباس .. وش خليت من الأبداع ..
مبدع ..
قصيدة .. بصراحة .. مسكته .. !!

وكل عام وانت بخير .

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[زبن القاضي]

وعليكم السلام

واول شي من العايدين وكل عام وانت بخير

وثاني شي والله العظيم ان القلم والسان تعجز عن التعبير في ابداعك

صح الساااااااااااااان ماتكفي ابدعة ماتكفي الخ

والكن الله ينصر دينك مثل مانصرت الشعر

[محمد النخيش]

ياسلام ياسلام ياوصل



اشهد بالله انك صادق



صح لسانك يامبدع

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[ذيب النفود]

ياســلام ياســلام
ودي أكتب بيت ولابيتين من اللي عجبني فالقصيدة
ولكن القصيدة كلها معجتني
صح إلسانك وإعتلى شانك

وكل عام وأنتم بخير