حــــرب وعتـــيـــبه نجم يضوي بالافلاك...كفى ياقناة الوقاحه!!

[بدر عتيق الحربي]

بسم الله الرحمن الرحمن

يشرفني ان انضم لهذا المنتدى الشامخ برجاله واسم القبيلة التي يحملها والتي نكن لها كل حب وتقدير واحترام...



وهذه القصيده حبا لقبيلة عتيبه ولابناءها الذين نفتخر بهم..
.فيابناء حرب وعتيبه لاتزعزع العلاقه حدث بسيط كهذا فنحن اقوى من قصيده
.....فأدام الله بيننا الوئام والحب والاحترام

لابوك يالساحه لابو مـن تـولاك=يومـك تبثيـن النشـب فالقبايـل
اول احبك لكـن اليـوم باطـاك=واسعى على نسياك ياام الفشايـل
ماهي بلحيه كاني اليوم ماانسـاك=وامسح تردد كان وسـط الدلايـل
ان كان قصدك فتنـةٍ بيـن ذولاك=تبطين ياام الخبث والراس طايـل
حرب وعتيبه عزهم فوق مبـداك=يشهد على ماقـول كـل الفعايـل
مازعزع الأخوان دشٍ والاسـلاك=ولافـرق الله شملهـم بالرسايـل
ادري ومن مثلي من الناس دراك=تخطيطكم مكشوف والشك زايـل
حرب وعتيبه نجم يضوي بالافلاك=من دونهم كل الفضا صار مايـل
اعشق عتيبه حيل واعشق مسماك=واعشق رجالٍ مجدهـم للأوايـل
قم ياعتيبي حـط يـدي بيمنـاك=نوقف بوجه اللي عقـد للغلايـل

بقلم بدر عتيق الحربي

[عبدالرحمن الهيلوم]

صح السااااااااااااااااانك

ولاهناك شك
غالين ياااااااااااااحرب

[أبو فيصل الدلبحي]

يالحربي صح لسانك وبيض الله وجهك

وحنا تجمعنا شبابه ولاهمنا من اغرض بالعلوم الرديه بينا

[بدر عتيق الحربي]

عبدالرحمن وجهك ابيض وصح بدنك يالغالي.....

ولاعدمناك ...والحمد لله يجمعن الدين ..والوطن والتقدير...والمصير المشترك....


كن بخير يالطاهر

[بدر عتيق الحربي]

ابو فيصل لاهنت يابعدي....ووجهك ابيض..وصح كلك....

وفوق الحلف يجمع الدين والنسب والصحبه الصالحه.......


لاعدمناك......كن بخير ينقي

[ابو ضيف الله]

صح لسانك يا بدر وحــرب اخوان ورفاقة ونعتز بخوتهم
وفوق كل شيء نحمد الله اللي جمعنا على الاسلام

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[فايز بن سرحان الثبيتي]

الشاعر بدر عتيق الحربي

صح لسانك وعلي شانك يالذيب
والله ونعم بحرب وبعتيبة ولا فيكم شك طال عمرك

اطلع على رد القصيدة لاهنت

على الرابط

http://www.otaibah.net/m/showthread.php?t=82549

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[بدر عتيق الحربي]

ابو ضيف الله نعم ونعمة الاسلام فوق كل الروابط والحمد لله على هذا الشي....ونحن اخونا كما قلت تربطنا روابط الدين والوطن والاخوه الصالحه......

لاعدمناك.....

واود ان انوه اني لم اكتب شي مسي حتى لاندع مجال للشك......في الخط الاحمر التي ازالته الاداره....كتبت كلام عن دواعي كتابتي لهذه القصيده....والحادثه التي حصلت يوم الخميس..في قناة الساحه.....اذ اعلم ذلك حتى اقطع جميع الشكوك التي قد تراود ضعوف الانفس......

وشكرا لك مره اخي ابو ضيف الله وليس غريب عليكم الطيب وكرم الاحتفاء....

[بدر عتيق الحربي]

ابن سرحان بيض الله وجهك وقصيده كتبت بمحجر الطير ....جزاله..وسلاسه...وفكر واعي....لك كل التقدير والاحترام..على مابثته مشاعرك الغير متسغربه......

كن بخير

ودي وتقديري

[فيـــــ الروقي ـــــصل]

قم ياعتيبـي حـط يـدي بيمنـاك ::::::::::::: نوقف بوجه اللي عقـد للغلايـل


حــــــــرب + عتيبـــــــــه = شبــــــــــابه


وتقبل مروري ياخوي بدر