لو لشعر جنسيه لقيته عتيبي

[ياسر الذيابي]

السلام عليكم ورحمة الله وبركاته
صبحكم الله بالخير

انا متأكد انا مافي عتيبي او محب للمحاورة ماسمع عنواني مالها داعي الضيقة

ابتكلم عن نقطتين هامه بكل مصداقيه تناسوها ابنا عمومتي بسبب شاعر المليون؟


(1) الكل يعلم انا اكثر شعراء المحاورة والنظم عتبان واقواهم بلا تحيز ولا ظلم ,ولو جبنا( منصف , متذوق للشعر , شاعر, يفك شفرات المعنى) وقلنا له عطنا عشرة شعراء لهم بصمة في شبة الجزيره العربية لأجاب بخمسة شعراء من قبيلة عتيبه والباقي متوزعه على القبائل الأخرى وماهو تقصير في القبائل ولا تقليل من شعرائنا لأن الشعر ماهو حصري في ذهون عتيبه(يعني لحصل منافسه شعريه شريفه وتحت ايدي امينه وتحكيم منصف كل القبائل تنظر للمركز الثاني انه المركز الأول)


(2)الكل يعلم انا حمية العتيبي وفزعته لا تقارن مع الأخرين في دائره حكوميه وغيرها ولاتنحصر للعتبان بل لكل من طلب الفزعه ! لكن ابن عمي اولا(والقصائد خير برهان)

اذكر لكم بعض المواقف عن حمية العتبان
خويي من ال جربا (شيوخ شمر) يقول ابوي ان كان عند معامله في احد الدوائر الحكوميه اول ما مايسئل( في موظف عتيبي) و ينصاه ويقول ابوه العتيبي لبغيت فزعته فزعلك لو على فصله من العمل

خويي يامي يقول يوم سافرت من نجران رايح للعمل في ينبع وصاني ابوي (ان حصلك مشكلة ولا عندك شغله بتخلصها ان مالقيت يامي اطرف عتيبي لو جندي انخاه ويسنعك)

وانا يامحاكيكم صار لي موقف ما انساه حجزت تذكره للكويت ابحضر عرس ولد عمي يوم وصلت لمطار الملك خالد والعرس بكره ابقص البوردنق ردوني لاني وقتها عمري 18 سنه يبون تفويض من ابوي وابوي في الكويت حاولت من من ودخلوني عند نقيب حضري واحاول فيه عجزت وادق على ابوي ويكلمه وصوت العود واضح ولاهوب كاذب (هذا ماهو مبرر) وبعد مكالمته قال منت مسافر حتى تجيب التفويض والشايب يدق وجوالي يطفي شحن وانا اردد يالليل مطولك يوم طلعت من عنده والقا عتيبي على كتفه خيط قلت ماظن يسوي شي بس عساه يدبرلي شاحن يوم نصيته عرفته ابنفسي وطلبت منه شاحن وهو ينطل علي جواله قال متى ماخلصت تلقاني هنا وانا احوم في المطار وبعد نص ساعه وهو يجيني قال وش قصتك وعلمته وقال تعال وقصلي البوردنق الا علا جيت النقيب قال وش تسوي هذا مامعه تفويض قال انا مسؤل لو صار شي ومشيت وانا ادعي له الي يومنا هذا (اسمه :فيصل حنس الغبيوي) ادعوله

ولو ابذكر زياده ما يسعني المنتدى بأكمله

بس حبيت استنتج من النقطتين الي ذكرتها في البدايه

( النقطه الأولى) ان مو البرنامج الي يقيم شعر العتيبي

(النقطه الثانيه) انا مو التصويت الي يقيم حمية العتيبي

وان كان في كلامي شك نورونا