أبــشــروا بالــســعــد ياعـتـيـبـه .. وبـإذن الله راح ناخــذها دام تجمعنا عتيبه

[ياســر العتيبي]

السلام عليكم ورحمة الله وبركاته

والله اني من الفرحه ماعرفت أكتب مقدمه

لكن حبيت اوصل لعتيبه كافه وكل من يحب لعتيبه الخير

خبر مفرح .. اثلج صدري

وردني اتصال من الفارس والشاعر , ممثل عتيبه في برنامج فارس الصحراء في قناة الصحراء / وليد بن خالد العتيبي

[BiMg]http://upload.traidnt.net/upfiles/jSL70113.jpg[/BiMg]

يبشرني إنه تم تسجيل الحفل الأسبوعي (البرايم) وذكر لي أنه لم يكون ضمن الخمسة فرسان في دائرة الخطر لهذا الأسبوع ..
عفواً (لا أستطيع أن اذكر من خرج ومن عاد للبرنامج) لكي لاتحترق الصورة ... وآمل أن تشاهودها غداً مساءً على قناة الصحراء أو روتانا خليجية.

وبعد المكالمة كتبت هذه الخاطرهـ وأرجوا أن تتقبلونها بسعة صدر وليست لإستنهاض همتكم فيما أراه واجب ٍ علينا بقدر ماهو تعبير عن ما في خاطري تجاهـ إبن قبيلتي

تكفون يابرقا وتكفون ياروق=فوز ابنكم يا اهل الوفا من سعدكم
أنتم هل الفزعات بالطاق مطبوق=وأنتم سناد(ن) له وهو من سندكم
وأنتم هل النخوه عسى مالكم عوق=وغاية مناكم يوم ينجح ولدكم
على جواده رافع(ن) هامته فوق=حر(ن) يوف الدين فيما وعدكم
منكم وفيكم ساقته نخوته سوق=وأن قاله الله مايخيب جهدكم
واللي يقول أن كل مطرود ملحوق=ماهوب ملحوق(ن) ليامن قصدكم
بأفعالكم سابق ولاهوب مسبوق=ويعمي عيون اللي حسده وحسدكم
الله يجيره من هل الغش والبوق=وياسعد عيني شوفته في بلدكم

[محب الهيلا]

مشكور وماقصرت

على الأخبار المفرحةويعطيك العافية

[طارق النفيعي]

مشكور ولاهنت

ويا كثر برامج التصويت لحسة المخ


والله يوفقه ..

التوقيع

أخوكم : طارق النفيعي

[veto]

الله يوفقه
بس عنوان الموضوع عجيب واخرتها عن برنامج فارس الصحراء
ابشروا بالسعد يا عتيبيه ؟

[مرزوق حمدان العتيبي]

..
.
وليد العتيبي مثل قبيلته خير تمثيل
مرجله وفروسيه .. عسى الله يوفقه ...
وقلوبنا معه ...
وبيض الله وجهك ياسر ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ياســر العتيبي]

محب الهيلا
ويوفقك وتسلم على مرورك

طارق النفيعي ..
الله يعطيك العافيه

(أظن اسمك فيتو)
ويوفقك ربي
وأنا مستغرب من وجود نك نيم veto في منتدى قبلي
وفارس الصحراء بإذن الله راح ياخذها ويرفع روسنا ..!!

مرزوق العتيبي
مرحبتين كبار
حوفه والله من القرامه والطنخه في راسه وفي لابته
وهاذي بيتين لـ وليد:
طنخة الراس المشوش لانوا // درب يمشي فيه لو كان معكوس
همه عتيبه ليا قاموا سوا // قام قوم ولاحنى للذل روس

ووجهك أبيض يا ابو حمدان

آخر تعديل ياســر العتيبي يوم 01-May-2008 في 06:23 PM.

[محمد العتيبي]

يستاهل الخير ابن عتيبه الطيب ..
وليد العتيبي ..

وشكرا ياياسر على الخبر الرائع ..

التوقيع

للتواصل عبر twitter تويتر al_bargawy@

[بندر الحافي]

بيض الله وجه وليد

فارس وشاعر وش ترجي منه غير الطيب

شاكر لك

التوقيع

[عبدالله الجـــذع]

اي والله انك صادق ياياسر وليد يحتاآج دعم

ولكن مانشوف فيه تفاعل معه

الله يوفقه

مشكور يالقرم

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله يوفقه..


مشكور ياسر..