" يدك يطلع لها ميسمك من جيبها " محمد المسعودي الهذلي مع حبيب العازمي

[عبدالله المطرفي الهذلي]

السلام عليكم ورحمة الله وبركاته
هذه محاورة رائعة ومميزة جرت بين عملاقين من عمالقة شعر المحاورة في الجزيرة العربية ودهاة من دهاة هذا الفن وتنشر لأول مرة على الشبكة العنكبوتية
وهي بين الشاعرين محمد المسعودي وحبيب العازمي:


محمد:



مرحبا في محل الطيب والإحترام ***أدعـي القـوم وأوفيهـا مواجيبهـا

العتيبي يخيل الشرق ويلـد شـام*** من علو الجبال اللي عوى ذيبها




حبيب:


والبقا يارفيعيـن البخـت والمقـام*** كـل قـومٍ تبـى تقضـي مطاليبـهـا

والعتيبي ماشال البندق بلا حزام *** وإن رمى بندقه يعرف مضاريبها




محمد:



إنتـعـلّـم وتآتـيـنـا كـثـيـر الــعــلام *** تطـلـع الطيبـيـن وينـذكـر طيبـهـا

مابقي مع نصايب جدّك الاّ العظام *** مـار لاتنقـل البنـدق وترمـي بـهـا




حبيب:



هبت النود فوق الناس والطير حـام *** يوم بعـض الطيور اخطت مخاليبهـا

جدكم يا هذيـل أهـل الجبـل للرحـام *** مابقـى الاّ ضيـوفٍ مــع معازيبـهـا




محمد:



مايحرّك جناح الصقر صوت الحمام *** مــار نـيـتــك لاتـخـلــف هنـاديـبـهـا

جدنـا حافـظٍ عهـده وصـان النـظـام *** وأنت وين الصلاه اللي تصلـي بهـا




حبيب:



هيضتنـي لحونـك يـا حمـام السـلام *** تزعج الصوت والجنحان تومي بها

مايجيـه الـمـلام ولا يجيـنـا الـمـلام *** وأكثر الناس تدري محـد يـدري بهـا




محمد:



عشت ماحسن كلامك يا حَسِين الكلام*** يدك يطلع لها ميسمك من جيبهـا

والله إنـه سـرى فـي لـيل كـلـه ظــلام *** لـو هواجيسك العذبه تغني بـهـا




حبيب:



وقّعت فالكتوف و وقّعـت فالسنـام *** وأنت عينك تحيمرها وتغضي بها

فيه نص حـلال وفيـه نـص حـرام *** وأصبـح الشـك دايــر ودهـا جيبهـا




محمد:



ملْحَمه فيك وموثّـق علاهـا اللحـام *** روس شابت وروسٍ ماطلع شيبها

أدري إنك على جور الدهـر ماتنـام *** مابـقـي مــن سنـتـك إلاّ عراقيبـهـا




حبيب:



لو تخوض المعارك ما عطوك الوسام *** لحـيـتك مـاتـعـدّى روس اشانيـبهـا

يوم نبني القصـور أنتـه تبنـي الخيـام *** العلـوم الثقيله مـاانـت ضـاري بـهـا




محمد:



مااشري الباعه اللي حايره ماتسام *** كـل تاجـر يبيـع ابهـا ويشـري بهـا

يـوم تبنـي قصورك يا عـريب العمام *** البـيـوت المشـيّـد ويــن اطانيـبـهـا .

[سلطان الذبياني]

يعطيـــــــك العافيه على النقل

دمـت .. بوٍد

[الفراهيدي]

الله يعطيك العافية

على النقل المميز

في انتظااار جديدك لا هنت

التوقيع

AL-frahedi@hotmail.com

[عبدالله المطرفي الهذلي]

المشاركة الأصلية كتبت بواسطة سلطان الذبياني

يعطيـــــــك العافيه على النقل

دمـت .. بوٍد

مرورك شرفني طال عمرك .

تحياتي .

[روح جاي]

يعطيك العافيه على المحاوره

[عبدالله المطرفي الهذلي]

المشاركة الأصلية كتبت بواسطة الفراهيدي

الله يعطيك العافية

على النقل المميز

في انتظااار جديدك لا هنت

الله يعافيك طال عمرك .

تحيااااااااتي .