الأسبوع الماضي في حفل شفاء زابن بن ميشع العضياني
إلتقى حبيب العازمي وعلي العضياني في لقاء من نوع خاص
حفل بجميع الأساليب الشعريه وخصوصا أسلوب المرواغه الشعريه
أترككم مع الطاروق وسأوافيكم ببقية طواريق الحفله لاحقا
علي العضياني
عليك يالروقي حبيب من العام = من ربعك العضيان شرهه ثقيله
العام جبت العيد باقي له أيام = في مبتدأ العشر الليال الفضيله
حبيب العازمي
كان انها شرهه على شرع ونظام= هذا عقالي يا قضاة القبيله
ياللي تحلم ويش تفسير الأحلام = اللي بدون عقال ما من عقيله
علي العضياني
يا راعي المعدال اقولك قدام = ما يفرض القاضي عليكم تشيله
ترى الحكومه يوم تنفيذ الأحكام = تجازي الهندي بسبة كفيله
حبيب العازمي
وإن كان هذا الرجل مخطي وظلام= إليا رحمته وإن تركته فشيله
أقدر الشيبان وأرفق بالأيتام = وأظنها صارت عريضه طويله
علي العضياني
نهايتك يمكن تجي مثل صدام = يالادمي ما تصنع المستحيله
حتى أيش لو إنك تدبلج بالأفلام = إليا ركبك الحق مافيه حيله
حبيب العازمي
صدام هز الغرب والشرق واالشام = ولا إنتهى صدام بأهون وسيله
الحق يرضيني وأنا رجل مقدام = ماني من اللي يستلف من زميله
علي العضياني
ريس ومحكومن في حقه بالإعدام = في يوم عيد النحر واعزتي له
قدام تأخذك الروابع والاوهام = يمنى الكريم ولا اليمين البخيله
حبيب العازمي
وش رأيك إنا نعطي الشارع العام = اللي يشيل المازده والتريله
أظاهر إنك معك بندق بلا حزام = ولاتثور إلا بقدح الفتيله
علي العضياني
معروف قسمك يوم توزيع الأقسام =معنا السيوف الصارمات الصقيله
ياللي علينا مختلف تالي الأيام= ندعي لعل البأس ربي يزيله
حبيب العازمي
قسمي تعرفه يوم طير العشاء حام = يومن قسمك فالمحاني نخيله
| التوقيع |
|
عالم تويتر
abofayeh@ |
« آخـــر الـــمـــشـــاركــــات »
22-Jun-2010, 08:15 PM
حبيب العازمي وعلي العضياني ( لقاء من نوع خاص )
العرض الشجري