"يدك يطلع لها ميسمك من جيبها " محمد المسعودي وحبيب العازمي

[عبدالله المطرفي الهذلي]

السلام عليكم ورحمة الله وبركاته
هذه محاورة رائعة ومميزة جرت بين عملاقين من عمالقة شعر المحاورة في الجزيرة العربية ودهاة من دهاة هذا الفن وتنشر لأول مرة على الشبكة العنكبوتية
وهي بين الشاعرين محمد المسعودي وحبيب العازمي:


محمد:



مرحبا في محل الطيب والإحترام ***أدعي القـوم وأوفيهـا مواجيبهـا

العتيبي يخيل الشرق ويلـد شـام *** من علو الجبال اللي عوى ذيبها




حبيب:


والبقـا يارفيعيـن البخـت والمقـام *** كـل قـومٍ تبـى تقـضـي مطاليبـهـا

والعتيبي ماشال البندق بلا حـزام *** وإن رمى بندقه يعرف مضاريبها




محمد:



إنتعـلّـم وتآتـيـنـا كـثـيـر الـعــلام *** تطلـع الطيبـيـن وينـذكـر طيبـهـا

مابقي مع نصايب جدّك الاّ العظام *** مـار لاتنقـل البنـدق وترمـي بهـا




حبيب:



هبت النود فـوق الناس والطيـر حام *** يوم بعـض الطيـور اخطـت مخاليبهـا

جدكم يا هذيـل أهـل الجبـل للرحـام *** مابقـى الاّ ضيـوفٍ مـع معازيبـهـا




محمد:



مايحرّك جناح الصقـر صوت الحمام *** مـــا نـيـتـك لاتـخـلــف هنـاديـبـهـا

دنـا حافـظٍ عهـده وصـان النـظـام *** وأنت وين الصلاه اللي تصلـي بهـا




حبيب:



هيضتنـي لحونـك يـا حمـام السـلام *** تزعج الصوت والجنحان تومي بها

مايجيـه الـمـلام ولا يجيـنـا الـمـلام *** وأكثر الناس تدري محد يدري بهـا




محمد:



عشـت مااحسـن كلامـك يا حَسِيـن الكلام *** يـدك يطلـع لهـا ميسمـك مــن جيبـهـا

والله إنـه سـرى فـي ليـل كـلـه ظــلام *** لــو هواجيـسـك العـذبـه تـغـنـي بـهــا




حبيب:



وقّعت فالكتوف و وقّعـت فالسنـام *** وأنت عينك تحيمرها وتغضي بها

فـيـه نـص حـلال وفيـه نـص حــرام *** وأصبح الشـك دايـر ودهـا جيبهـا




محمد:



ملْحَمه فيك وموثّـق علاهـا اللحـام *** روس شابت وروسٍ ماطـلـع شيـبهـا

أدري إنك على جور الدهر ماتنـام *** مابقـي مـن سنـتـك إلاّ عراقيبـهـا




حبيب:



لو تخوض المعارك ما عطوك الوسام *** لحـيـتـك مـاتـعـدّى روس اشانـيـبـهـا

يوم نبني القصور أنتـه تبنـي الخيـام *** العلـوم الثقيلـه مـاانـت ضــاري بـهـا




محمد:



مااشري الباعه اللي حايره ماتسام *** كل تاجـر يبيـع ابهـا ويشـري بهـا

يوم تبني قصورك يا عريب العمام *** البـيــوت المشـيّــد ويــن اطانـيبـهـا


منقول من منتديات عذب القصيد الأدبية حفظاً للحقوق

تقبلوا تحيااااااتي .

[عبدالرحمن الهيلوم]

الله الله
علي الابدااااااااع
شعار كبار جدا
صحت السنتهم
ومشكور يالغالي علي نقل الموضوع

[عبدالله المطرفي الهذلي]

المشاركة الأصلية كتبت بواسطة عبدالرحمن الهيلوم

الله الله
علي الابدااااااااع
شعار كبار جدا
صحت السنتهم
ومشكور يالغالي علي نقل الموضوع

مرورك أسعدني أخوي عبدالرحمن وأتمنى لك التوفيق وللجميع .

تحيااااااتي .

[رعد الروقي]

البـيــوت المشـيّــد ويــن اطانـيبـهـا



بيوت : جمع

المشيّد : مفرد



صح لسان ابو فيصل ولسان الهذلي

[عبدالله المطرفي الهذلي]

المشاركة الأصلية كتبت بواسطة العمــــــدة

البـيــوت المشـيّــد ويــن اطانـيبـهـا



بيوت : جمع

المشيّد : مفرد



صح لسان ابو فيصل ولسان الهذلي

يالعمدة يوجد خطأ مطبعي وهي ( البيوت المشيدة )



شاكر لك على مرورك وعلى تعقيبك .

تحياااااتي .