رجم النايف*** +زبن القاضي***__بدون ردود

[عمرالروقي]

سلام واستعداد والهجمه من الجيش الحمر=اللي على هتلر وحكم المانيه شر عملـه
يازبن جاك العلم مافيها مطير ولا مفـر=النار تاكل بعضها لن مالقـت ماتاكلـه
يا مرحبا يا قايد الجيش الحمر واخذ الحذر=قدمك جيوش يزلزلون الأرض تحتك زلزلة
يا رجم ما تقدر تشبّ النار في غبّة بحـر=وحكمك على نفسك هذا يا رجم لازم تقبله
ترى الوطيس المحتمي شاره لساعات الصفر=يامطير عان الحرب وابواب الحساني مقفلـه
وان رجّع التاريخ نفسـه للزمـان المعتبـر=شوف العظام اللي بساحات الوغا متجلجلـه
إرحم مطير ولا تناديهم علـى قصـم الظهـر=لا تبلش المطران ما ناقـص عليهـم بهذلـه
صدقت فيما قلت يشهد كشب وأطراف الحفـر=اللي سرى منه المطيري ما التفت , على إقبِله
فاللي مضى لو تنشد الكرزان والروقي عمر=يمديك يالقاضي تشيب من الفعول الاولـه
حنا مطلّقت النسا يازبن مـن زود الظفـر=واللي سرى تعرفه في وقعة طلال المخذله
نشدتهم قالولي المطران فـي يـوم الحشـر=سروا تحت جنح الظلام من الفعول المذهلـة
لا ينطبق فيك الحديث ( اللي ليا خاصم فجر)=أنا احسب إنّك تعرف التاريخ واثرك تجهله
كد قالها راع الحصان اللي مع الوادي حـدر=برتو بهم ياهل الصفوف اللي غدت متحلحله
حنا سلاطين العرب - طال الزمن ولا قصر=عبر السنيـن المقفيـه ولاّ السنيـن المقبلـه
ذكّرتني راع الحصان اللي نقل حمله جبـر=حاول يعيّي مار قالوله شلـه يعنـي شلـه
رمح العتيبي يا مطيري ما يموج عن النحر=يا كمّ مطيري(ن) عتيبة ضيّعوا مستقبلـه
هذا فلم والمخرج عتيبي من عتيبه ظهر=والفلم والاخراج والتمثيل وعتيبه هله
لولا البحر يمكن ننزحكم ورى دوحة قطر=حتى هديب الشام يمكن مايمرك محمله
انته علامك يا مطيري ما انت راضي بالقدر ؟=اللي كتبه إلك القدر ما ينجحد مار اقبله
خيّل خيال الصيف وأمطر وطلعت بنت المطر = وطمْعـَت تشدّد ضلع ثابت ما تغيّر منزله
لو ساندك مرزوق والشاعر وصل وابو نجر=لاتنفعل بالهرج وتجيـب الحقيقـه مهملـه
وانا ادري ان البرتكانه تنتهي عقب العصر=في سوقكم ياهل حلبان وسوقكم ياهل الجلـه
اللي حزامه من عتيبة فالملاقا مـا انكسـر=واللي حزامه من مطير , الصبح وانثاه أرملة
حنا ليا منّا لقانـا مطيـري عيونـه حمـر=مع أضيق أبواب العـذاب نطلعـه وندخلـه
ثوب العتيبي فاللقا امّـا انفصـخ ولاّ شمـر=واللي مع عتيبه لبس له ثوب ويـن مفصلّـه
وليا لقيت اللون الاحمر في عيوني 0 تحتضر=لين العظام تصير في وسـط القبـر متـحلله
نلبس ثياب العزّ وثويبك مصبّغ بالشجـر=ليا لبسته مشكله وليا فصختـه مشكلـة
أنا ليا شفت الوجيه أعرفك يا وجه الفقر=وجه الفقر واضح وهذا كل ما في المسألة
الصيف ماخلاّ ولا زملاً يغطيـه الوبـر=الاّ بعيرن تدّرج رجله بوسـط السلسلـه
يومن وجهك يازبن نسخه من وجيه الدهر=العز ماتلقاه لو ينبت على الـراس نخلـه
لعربي ما تفهمـه عسـاك تفهـم يـا بـرذر=وان ما فهمت اللهجتين اقفت عليك المقبلـة
لو إن قلبك يا مطيري صار من صمّ الحجـر=أقوى حصاة (ن) من جبال المهد تفجرها عتلة

[عمرالروقي]

نرجوا من الاخوه الكرام الحضور
التوقف عن طرح محاورات جديده
حتى انتهاء المحاوره المباشره
0000000000000000000
ولكم منا ارق التحيا العطره
0000000000000000000

[مرزوق حمدان العتيبي]

..
.

يعطيك العافيه يابو ممدوح ..
فعلا كانت محاوره قمه في كل شي...
... صح لسانك يابو نهار ويابو جزاء ...
... وشكر خاص للاعضاء على تشجيعكم الحماسي
واخلاقهم العاليه ... وهو ليس بمستغرب ..
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فهيد الايدا المورقي]

محاوره جميله صحت السنت الشعار

يعطيهم العافيه

ومشكور ياعمر الروقي على التنسق

تحياتي للجميع

التوقيع

حسابي في تويتر faheed_1234

[> الحزيمي <]

سلام عليكم ورحمة الله وبركاته


اخواني المشرفين مرزوق العتيبي وعمر الروقي المحاوره كانت رائعه في كل شئ بس انا عندي اقترح اتمنى يجد الترحيب عندكم وهو ليش ما تكون المحاوره يوم الاربعاء الساعه 9 ليلا ويتم اختيار شاعرين وعشوائيا حتى نقف عند ابداعات الشعار الحقيقيه ونرى قدراتهم الفعليه في النقض والفتل حتى نستفيد نحن (العليميه)


وتقبلوا فائق الأحترام والتقدير


اخوكم > مشعل الحزيمي<

[نايف الحميدي]

محاوره رائعه


صح لسان شعارها



اخوكم

التوقيع

[ابن حطاب]

صح لسانك با الرجم عزالله انك مصيبه


ولا يهونون الربع





تحياتي لك



ابن حطاب

[راع العليا]

محاوره من العيار الثقيل

صح لسان الشعار وهذا ان دل على شي دل على قوه شاعريتهم بالنقض والفتل وسبك البيوت

تحياتي لكم ومودتي
لاتحرمونا من جديدكم
اخوكم راع العليا

[**الواصلي**]

السلام عليكم ورحمةالله وبركاته

اول مشاركه لي في هذا المنتدي الطيب الذي يمثل قبيلة عتيبه التي نكن لها كل التقدير والاحترام
والحقيقه احب ان اشكر القائمين على هذا المنتدى
وصح لســــــــان شاعري هذه المحاوره الرائعه
واتمنى لمنتداكم التقدم والرقي
اخـــــــــوكم: **الواصلي**

[سهم العضيان]

الله الله محاوره جميله
ومبدع ومصيبه يا زبن ماشاءالله عليك ولايهون رجم
ولا تقطعونا يامشرفين من المحاورات الطيبه

آخر تعديل سهم العضيان يوم 11-May-2007 في 03:12 PM.