قصائد بعض شعراء عتيبه في الشيخ طويق بن طويق

[ابو يزيد الحافي]

السلام عليكم ورحمة الله وبركاته
مساء الخير

قصيدة اهداء من الشاعر/ فلاح المورقي
إلى الشيخ/ طويق بن مقعد بن طويق بمناسبة شراء ابل من فواز الميموني

تباشروا للفوز فرصه وتحقيق = وابن طويق إليا تقدم يحسمه
أقبل له بذود مع البدو ما سيق = وضح ما ترهى وسم ماهوب وسمه
ما هيب في حاجه قلائد وتحليق =يسدها زين من الله قسمه
منقية تجلي عن الضايق الضيق=وتضفي على وجيه المعنين بسمه
سند الغوارب والظهور المفاهيق=مرسومة فيها الضلاعين رسمه
ونحورها بالوصف من دون تدقيق=تشيل من متعا في الجسم جسمه
واليا توحت للغنا والطواريق =تدجر على الهوبال مع كل نسمه
حلال شيخ فارق فالمطاليق=يفرق بمداته وفعله وقسمه
اسم على مسمى ومرسى شواهيق=ومكارمه تندا ويمناه دسمه
لا قالوا مسمى على الشامخ طويق=قلنا طويق اللي مسمى على اسمه

أيضا قصيده أخرى موجهه للشيخ طويق بن طويق
للشاعر ناهس غلاب العتيبي

سلام الله سلاما من ضمير الشاعر الحساس=سلاما من ضمير الشاعر الحساس واحساسه
على طويق بن مقعد ابو مقعد عريب الساس=ابومقعد رفيع المنزله والطيب في راسه
كسب كل المراجل والكرم والجود والنوماس=رفع راية بني عمه مع الأجناب بحساسه
لبست من البتواضع ياطويل العمر خير لباس=ورفعك الله وقدرك صار عالي فوق بلباسه
الك سمعه وصيتك شاع ذكره مع جميع الناس=ابومقعد ليا جات المواقف طيبا ساسه
نسبك أغلى من الياقوت والمرجان والألماس=خوالك غير وأعمامك يابومقعد هل رياسه
تراك السابح الماهر في بحر الطيب والغطاس=سواتك ياطويل العمر تبغى درس ودراسه
يابومقعد من فعولك مع العربان شاش الراس=اماري واتباهى وافتخربك وانت نوماسه
ألا ياطويق انته جزل في الميقاف والمجلاس=تهون الكايده عنده يدبرها بمجلاسه
كريم اكرم كرم من حاتم الطائي وابن دواس=يمد المده الجزله لو أنها تلفظ أنفاسه
شجيع اشجع شجاعه من شجاعة حاملين الطاس=نهار الكون ياخذ من ذراعه ماضعف باسه

أيضا قصيده أخرى موجهه للشيخ طويق بن طويق
للشاعر فيحان عسكر الحافي

ياطويق سوق الوضح والحض قايم=شرف عتيبه يابعيد المراميس
لاجاء نهارا فيه حذف العمايم=مركزهن الأول وفالك نواميس
لا ياأهل الخمسين رحتوا قسايم=من يوم جتكم وضح من يرخص الكيس
طويق ذخر اللي يجل اللوايم=فكاكت العلياء من اعتا الفراريس
معدلين الشلف والجو غايم=بيومن به ارياق الفراريس يبيس
يالفحها الكم مثل لفح السمايم=منها اهل الأنظار راحوا معابيس
مرق الغوارب فاهقات السنايم=ماني بشبهن سواء بالا قاويس
خرع الاذاني والسبال اللثايم=لثايم اللي يلبسن اللوابيس
اعراض الخدود انحورهن ضخايم=بيبان قصر اللي يفك المحابيس
ماقلتها ابغى من وراها غنايم=لا والذي نجا من الغبه ادريس
ياكود تقدير لرجال الحشايم=من حشمته جاته ركابي كراديس
ركاب شعر من خفي الصمايم=اسوقها من حشمتله بلا قيس

	وأتمنى له التوفيق وعقبال المراكز الأولى

[محمد الذيابـــي]

صح لساااااااااااااااانه

التوقيع

التوقيع محمد الذيابـــي

[ابو يزيد الحافي]

المشاركة الأصلية كتبت بواسطة محمد الذيابـــي

صح لساااااااااااااااانه

شكرا على مرورك ولاهنت يابن ذايب