شيلة(( البارحه))للشيخ تركي بن حميد امير عتيبه وهي من اداء عايض المشعلي

[رايد الهديبي]

بسم الله الرحمن الرحيم


السلام عليكم ورحمة الله وبركاته


اليوم جايب لكم شيله في غايه الروعه


لمبدع وصاحب الصوت العذب


شاعر المحاوره المعرف :عايض المشعلي القحطاني


وهي من كلمات امير عتيبه الشيخ :تركي بن حميد


اليكم مقطع الصوت





اليكم المقطع من اليوتيوب

الــبارحة جــفــني عــن الـــنوم سهران = كنّي عليل(ن) مسهره بعض الأضراس
عــلى جـواد(ن) ضالع(ن) غبّ الأكوان = فــــــــيها اخــــــتــلط حــــبل هو الـيّاس
جــنـدرتها من صوف سالك(ن) وريمان = وانـــــا لـــهـا عـــن لذة النوم حـــرّاس
مــانــي مجــنـدرها على زود الاثمــــان = إلا لــــيـوم(ن) فيه الاريـــــاق يـبـّـــاس
لا جــا نهــارن(ن) فيه روغات الاذهان = بـاغـــي عـلـــيها بــاوّل الخـــيل نوماس
عرج(ن) إلى ما طبـّــحن خلف الاظعان = والســـوق مــابـيـــن الأجاويد مقـــياس
ياعـبـيــد قيـّـس ماعلى الروح ضـمـّـان = رزقك مع اجلك خط ّ في طلح قرطـــاس
ما خـط ّ لك ما فات شوف(ن) بالاعيان = وبـعــض الأوادم مـامــعـــه ميز وقياس
لا حاســــــد(ن) يمـنع ولا يرزق انسان = إلا بـتــدبـيـر الصـــمـد والـــي الــنـــاس
ثــم أنصح الــباقي تــرى القصر خربان = ما اعتزّ قصر(ن) ما يوثـّـق على ساس

[/poem]

في الختام تقبلو


تحياتي اخوكم : رايد الهديبي

[عبدالرحمن الهيلوم]

بيض الله وجهك

والله يرحم الامير

[البريماني]

الله يرحــم الاميــــــــر ويسكنــه الجــنه


بيض الله وجهكــ يارائد

[روح جاي]

الامير الفارس تركي بن حميد عسى الله يرحمه ويدخله جناته

قصيده رائعه كعاده قصايد الامير تركي بن حميد

صوت عذب وشيله رائعه من الشاعر عايض القحطاني

يعطيك العافيه يالهديبي

[سيف الوغى]

الله يرحم أميرنا الفارس تركي بن حميد


صوت جميل من الشاعر عايض المشعلي القحطاني


بيض الله وجهك يارايد على هالمجهود الطيب

[ابن صنهوت]

رحم الله الشيــــــخ اشهد انه جامع كل المراجل
لاهنت يارايد بيض الله وجهك

[عطاالله النفيعي]

الله يرحم شيخنا وبيض الله وجيهكم

[رايد الهديبي]

لاهنتو لاهنتو علي المرور

المتواصل

[اللورد العتيبي]

بيض الله وجهك وماقصرت وطرح رائع لكن أبغى طريقه حفظ مقطع اليوتوب وشكرا لك

[رايد الهديبي]

هههههه والله علمي علمك ياذيب

ويسعدني مرور ك