نبذه عن ..{ امــارة الــزربــان }..

[نسل عساف]

* مدخل :

زربان ياجاهلً بأفعالهم = أنشد رواسي نجد يامقرود
قدام تطرحك المنايا قدمهم = وتصير في عقد قوي عقود

- شقير بن عقيل -

السلام عليكم ورحمة الله وبركاته . .
أقدم لكم اليوم نبذه بسيطه عن عائلة الزّربَان - وهي أحدى العوائل التي تكوّنت فيها أحدى أمارات عتيبه وتعتبر أمارة الزربان من أقوى أمارات عتيبه
ومفردهم - إبن زريبه - وينطق بإبن المعروفه ثم ( ز مسكونه ~ ر مهمله ~ ي مشددّه ~ ب مفتوحه ~ ه أخيره ) وتنطق غالبا بالعامية بهذا الشكل ( إبن ازريّبه ) وعزوتهم [ أخوان حصّه ]

ومن أمرائهم المشهورين والمعروفين وخلد لهم التاريخ دور في الجزيره العربيه
الأمير/زريبه بن عيد بن محمد بن عساف

ذكر هذا الأمير في رسالة خورشيد باشا الذي ذكر شيوخ عتيبه في الوثيقه التركيه رقم 267رقم50 أصليه 16 وسمي في هذه المذكره أزريبه بن الجذاع ومن أشهر المعارك التي خاضها:-

1-معركة الراغ:
بينهم وبين شيخ العمارات من عنزه الشيخ ميلب بن مجلاد العنزي أنتهت المعركه بقتل الشيخ ميلب في واد الراغ شمال جبال كشب المعروفه


2-معركة الرويليه:
بين الأمير زريبه وقبيلته وبين قبيلة الروله من عنزه وأنتهت المعركه بأزاحة الروله عن هذا الموقع إلى الشمال وقال صمهود العبد عبد بن زريبه:

شرهه على الركنه تقود = ترعا الحموض وطيّبه
في أطرافها مثل الفهود = ازريـب وهــو زريـّبــه
وأن كان عود حك عود= كــــم شــيـخ قوم خيّبه
الشلف عن شرهه تذود = الروس مـنـها مشيّبه

وقال الشاعر مرسان بن مليح الرشيدي يرثي أخيه ويمدح الأمير زريبه:

واخوي ليته ياصعينين مامـات = لوهو على السلّم طريحٍ يشـــالي
خلوه ماعنده مرمي بالأصوات = غير الذياب اللي يجنه عجــــالي
بقعاء كفا الله شرها كل الأوقات = الـها على الغرات دايـــم مدالــي
لــونــهـا يدرابــها كل ماجـــات = كلن زبن عنها الوعر والجبالي
ياعين لاتبكين مــن ميت مــات = كم مات قـدمه من قـروم الرجالي
زريبه مـــــرذ البكار الحفــــيات = قــطـاع نشر مبعدين المـفـالـي
شـدو وقـفـو بــالعبيّه وشرهـات = وخلي أرخيصٍ عقب ماكان غالي

الأمير والفارس المشهور زريب بن زريبه الملقب بالشـاوي
أتصف بالشجاعـه الفايقه حيث كـان يضع الشلفا عند خشم الحصان ويثير قوة الحصان بالوقوف على رجليه ويزيد من صهيله ولايفعلها إلا
في بعض المواقف الصعبه جداً والمخيفه حيث ذهب الأمير زريب والأمير تركي بن حميد لشيخ القحاطين محمد بن هادي "بن قرمله" وكان نزول زريب لنجد بعد نزول تركي بن حميد ببضعة أشهر تقريباً
وكان الأمير تركي بينه وبين أبن هادي عنوه ومعاهده على أن لايغزو أحداً على أحد وبعد وصول زريب لنجد ركب هو أبن حميد لأبن هادي وهم في موقع يسمى عدل شمال النير ونزل بن حميد عن الفرس
وسلم على أبن هادي أما زريب فوضع الشلفا عند خشم الحصان ووقف الحصان على رجليه ثم قال مخاطباً أبن هادي بقوله يالأمير الشايب هذا له عندك عاني يقصد بالشايب تركي بن حميد فأجاب بن هادي
نعم فرد عليه ترا هذا حد البراء بينا وبينك اليوم قال مايرد النقا الا نقي يولدي فعلاً دارت بينهم معركه في صباح اليوم الثاني أنتهت بأزاحت قحطان عن نجد إزاحه كليه حتى وصلوا الحصاه المعروفه
بحصاة قحطان وكان من ضمن غنايم الأمير زريب نجر بن هادي الذي يطلق عليه أسم "صماع" وموجود إلى الوقت الحالي.
ومن ضمن المعارك التي خاضها معركتين مع الدوله العثمانيه بواد الرشا بموقع يسمى هضيبه الضلع أنتصر في الأولى وقتل قايدهم رستم باشا وأخذ زريب سيفه وطربوشه وكان يلبسه وأطلق عليه
راع القوقي حيث كان يقولون البدو لطرابيش الأتراك في ذلك الزمن القواقي.
أما في الوقعه الثانيه التي بعد الأولى بثلاث سنين تقريباً تمكن الأتراك من قتل الأمير زريب ثاراً لقايدهم رستم ودفن في هضيبة الضلع شرق مركز نفي حالياً وقيل فيه من الشعر
رثاء زوجته له:-

ياهضيبة الضلع وداعتك من فيك = الفارس اللي كب ربعه وعداك
أول نهاره محـــــــــتمٍ جال واديك = وأتلى نهاره طايح فــي فيـايـاك
أن كان ضرمانه من البن يسقيك = وأن كان جيعانه من البل عشاك
ياالعين لاتبكين من مات يكفــيك = رستم من الدوله عن الحر كفاك

ويقول الشاعر مطلق الصانع :-

وشيخنا صكوا عليه القواطيع = بين الهضيبه والجبال الطوالي
تحيلوا في الوجيه القواليع = وتهايلوا مثل القليب الهيالي
لاتاكلنه يالذياب المجاويع = لاتاكلن زريب ريف الهشالي
ياكم عشاكن شيوخ مداريع = من فوق قباً كنها أم الغزالي
بالسيف الأملح يشلع الروس تشليع = وأنشافه الضرغام صابه أجفالي
لا حل بالفرسان صاروا مطاويع = مثل الطخاف اليا تقفته العوالي
وماريته بيته على مدلج الريع = يوم الأقصى يدرق في الموالي
وصينيته فيها الجماعه مكاريع = وتبقى بعدهم ساعة التوالي

ويقول منيع الله السرحاني العوفي فرحاً بنزوله من الحجاز لكي يأمن من المخاوف التي مرت عليه في وجود زريب في الحجاز:-

أبشر وهات البشاره يامريشد جاء خبر خير = زريب كب الحجاز وراح يم الشرق ثاير
قوم قيامة هل الشرق وتصافقه الطوابير = الذيب يهرف هلع من هيبته والطير طاير
يارب دونه تشق الديره بليا محافير = سقا الله أبن الزلامي معه يامال السفاير

ويقول الأمير تركي بن حميد:

لا واحسوفي يازريب وربعه = ياليتهم يوم القا حاضرينها
راعي حصانً في المعارك مجرب = وشلفاً يوردها ويروي سنينها

الأمير حباب بن زريبه الملقب (براعي العبيه)

خاض عدة معارك من أشهرها معركة العظيم والمكحول المجاوره لجبل سلمى جنوب حائل التي مع الشمر وهم التمياط الشمري ومثقال الربع وكان معه في تلك المعركه الشيخ علوش بن مسلط بن ربيعان والشيخ صنيتان بن شالح الضيط وعدد لايحصى من قبائل الروقه وكان الأمير حباب أمير الغزو في تلك المعركه التي قتل فيها الشيخ مثقال الربع وعدداً كثير من شمر كما قتل فيها الأمير حباب وعدداً كثير من فرسان الروقه ومنع التمياط ابن ربيعان والضيط في وجهه وقام بعلاج إصاباتهم وشاهد هذه المعركه قول الشيخ سند الربع وهو كان ماسكاً البارق على جثة الربع ويصيح ويقول مثقال ميت ياشمر

عزي لعينك ياحباب = من سرية تتلى الأمير
تسعين عد مهارها = وتسعين سحاق وذخير

وتقول الشاعره العفري الحزيميه الروقيه في رثاء أخوها الذي قتل في تلك الغزوه ومادحةً الشيخ حباب في هذه القصيدة :-

ياراكبن حمراً تلحي ملاحاه = أرق من زل القطايف وبرها
مافوقها الا الخرج والكور تزهاه = واربع ضلافن بالقطايف وسرها
مسراحها من بندر ساهرٍ ماه = من مكه اللي كل طرقي نحرها
ومقيالها من عندنا رس ملحاه = ودوبه يسوي مزهبه ماقهرها
وعقب العشاء بطراف سفوه معشاه = معطن رقاق الحزم معطى وعرها
أنص الهضاب البينات المسماه = يم الجثوم وبين لك حجرها
ثم أنشدو هو ويش علمٍ سمعناه = علمٍ فجر عيني وكبدي فطرها
علمٍ ثبت ياالعين مابه مجاجاه = شيوخ نجد اللي تقافت أسررها
ترى الشمال أخلا وقد طال مرعاه = وتقيل الغزلان محدٍ نشرها
من عقب أخو حصه ترى ماحدن جاه = كم عقله عقبه تعدة حكرها
وقدوره اللي على النار مركاه = يعجب ردي الخال عجت زفرها
والبيت يبنى والرياجيل تملاه = ودايم يداري شرقها مع بحرها
كم سابقن من فعلهم جات معراه = من قو ضرب السيف عرون ظهرها
وياهل النضى ماشفتوا أخوي وخواه = شابت مقاري فاطره مع نحرها
أخوي يفتك الجموع المراكاه = بخبت فرنجٍ مايضيع قطرها
ويطب في كبش المربى ويرزاه = ولاهوب يحسب لثمن في حضرها
وأخوي راع الأزمه ماتعداه = ولانشاوي نجد محدن حكرها
وابا ترجا واحدٍ كنه أياه = فان كان ماجاء العين عامن بصرها

ويقول فهيد الخرينق مخاطباً أحد الأشخاص الذي رفض شراء جواده بقوله:-

ربض نصيبه ماشرا الغوج مني = شحيح في در البكار المغاتير
ماهوب حاميهن اليا طرفني = وطرو حباب منوه بالمحادير
قطعانهم يم الخطر يرتعني = مالوا على خشم العرايس من النير
يازينهن بين الروك يطرخني = اليا عود الزمال شين الطمارير

تقول الشاعره جزعا السيحانيه أم مندل ومنديل المشهورين بالقوه والشجاعه حيث يروى عنهم أنهم حملوا في أحد الأكوان ذلولاً باركه ألى مسافه تزيد عن مائة متر تقريباً فتقول والدتهم رحمها الله هذه الأبيات:-

الله يخليلي حباب = أرعى بذودي في ذراه
اليا شهر مثل العقاب = الطير يرميله عشاه

وكان فيه شمري يدعى الأجارب يبيع فرس شقرا وسامها منه شري بن دهيم الحربي بذود محيسن ولده وذود محيسن يجي ثلاثين وضح ومكمل الثلاثين القعده فقال الشمري نصيبك ومحيسن يبكي وكان سنه صغير بكى لعدم رغبته بيع إبله بالفرس فقال أبوه شري لاتبكي ياورع شقرا شريتها في الشمال لشقرا حباب بن زريبه فالجنوب أما تلحقنيها وأجيبلك أطيب من ذودك ولا أروح أنا وياها وقال هذه الأبيات:

شقرا الأجارب يامحيسن زهتلـي = أسوق فيها الذود لو فيه الأجراس
أبـي ليامـن الطريـح التفتلـي = أقول يامسكين لاتطـوي اليـاس
وتلها نتلن بشتلن بعتلـي = واثني عليها يوم الأرياق يبـاس

وفعلا غزا عليهم ولم يحالفه الحظ في أخذ مايتمناه.



ويقول الشاعر دعسان الصانع في رثاء الأمير حباب بن زريبه:-

هواجس جتني والاسلام هجاع = يشدون ورد الحاج فوق البرودي
بغن لهن من بين الاضلاع مطلاع = وحجرتهن حجر الفرس للقعودي
قامت تقلبني على كل الانواع = قلت اضبري لين اني اخذك قودي
حباب طب بهوشة تبر الاوجاع = تجلي عن الكبد الصدا والسهودي
انا اذكر الله بينهم تقل فراع = في هية والملح مثل الرعودي
من فوق صفرا تاخذ الخد مذياع = الله خلقها درقة للشرودي
لا ارخي لها المصراع واقفن شراع = هجيج صيد مع بطين النفودي
لا هف من راس القنا شبر وذراع = يازينها على شنقها تحودي

ويقول شاعر المعارك مطلق الصانع:-

الغوج صبيته على زبرة الجيش=يومن ولد اللاش يسند يميني
لان أعطبوه مقررين النواحيش=ألي لفك إركابهم محتسيني
واسابقي يدايف العود بالريش=لوهفت بالعرقوب مايحتريني
يضرب بذرعان سلوم النوابيش=وذيله كما ذيل العفر مغتشيني
ون صاح صياح حتون االمغابيش=أمثين ربيٍ على جزلتين
وأبطو علي مريحين الحشاحيش=وحباب طالت طرقته لايجيني

وقد قال الشاعر واشهر من أنجبت الجزيرة العربية : شليويح العطاوي في قصيدته في معركة طلال متحسفاً على عدم حضور حباب للمعركه علماً بانه توفي قبلها بفترة من 5 أشهر إلى 8 أشهر

ليت أبو غالب يشوف فعولنا = في نهارن جات الدعاوي حماوي

الأمير غالب بن حباب بن زريبه

تولى الأمارة بعد مقتل والده وهو في الرابعه عشر من عمره وأول معركه حضرها المعركه التاريخيه المعروفه وقعة( طلال ) وكان أمير الروقه في ذلك الوقت الأمير مسلط بن ربيعان وشاور أمراء القبائل الذين حضروا أخذ رأي كل واحد منهم فشاور غالب وهو أصغر الأمراء بالسن ذلك الوقت وقال رأي فرح به مسلط فرد عليه مسلط بقوله غالب ياولدي ياعوضي فاللي غدا يقصد بااللي غدا والده الأمير حباب بن زريبه -
وأيضا معركة (( إغدده أو الصوّاي أو مثلثه )) شمال عفيف بين الأمير غالب وجماعته الجذعان والسياحين وبين الأمير: حسين بن الجبعاء الدويش وجماعته مطير وقد أسر فيها ابن الجبعاء وبعض فرسانه وقتل عدد غير معروف سواء قصيدة دلت على أن القتلى اثنين من السياحين والجذعان والقصيده توضح ذلك .


يقول زيد بن فرحان السيحاني:

ياركبن من عندنا فوق عاره=يشوق ركاب النجايب هذيبها
ساعة خضار العود مالطموها=لان الضوامي قربت من قليبها
فيها الشماله عن الجمل مانعينها=من خوف يرضع مشة الزار صيبها
ملفاك ابن شالح ومن هاش للخلى=والربعة الي كلها نعتزيبها
أقفت مضاعينك أشريق تبارا=يم الجنوب أمغرب تنتحيبها
مدري بلاك من الجبر قاطعينبك=وألا رعاب في ضميرك مصيبها
وحنا حمينا الدار يوم اللتهابها=وقطعانا ترعى مسارب رطيبها
في راي شيخ لنا قديم مجرب=ذخر حرارٍ فالكرب نلتويبها
بتسعين قبا معتلاها شمالي=ربع أو مخاليف تواما سبيبها
وجونا مداغيش على أوساق ضمر=وأمست شيوخ القوم تشمت نصيبها
لكن تقازحهم بروس أرماحنا=أعذوق تصرم من علاوي عسيبها
وأخذنا ركاب القوم مع قابسونهم=ماسرهم وخر الركايب لهيبها
لعيون شقح ترتع الخوف فالخطر=نطعن لعانا ماسقت من حليبها
وذبحنا اثنين في ثنين بدالهم=وحتيش ياعذراً بكت من حبيبها
وتنشد ألي حاضر من طروشك=بالجمعه ألي جاتنا مع قضيبها

ويقول الشاعر المطيري بعد فك أسرهم:-

لا والله ألا باد شرك إنعالي=وأنا مع العبله من ورا عكليه
وليا سلم حام الثبار التالي=إسلاحنا وإركابنا عاريه

ويقول الرباحي مادحاً الأمير: غالب بن زريبه ويصف كرمه بوضع القدر فوق رؤس الأبل

ياهل الركايب ألي تضالع مناكيف=عن الوعر عطوبها مع بطينه
تلفون غالب مكرم الجار والضيف=وطويلة على المعادي يمينه
مثوثي على روس البكار المشاعيف=وربعه عتيبه بالكرم متعبينه

ويقول الشاعر المعروف شايم الخنتير هذه الأبيات :

يافارق الجذعان هم والسياحين=حنا قيادك والجذع لك هجارا
واعسرنا ونجيتوا العصر بادين=تبون بن إمكيفٍ بالبهارا
وتبون غير البن شرب الدخاخين=وحنا العرب وأنتم يهود النصارا
ألي على غالب من الخيل تسعين=تسعين من غير إملبدات المهارا
تلقا لنا يم الشعابه مراحين=وقت الشراب أو هداد العشارا
وياسرعنا لاشدو البدو عجلين=إليا أقتحم واد الرشا بالشقارا

وقيل في عهده بعد مقتل الشيخ مذكر بن حمد قصيدة للشاعر عادي القسامي منها :

ولا من الزربان لو كان باثنين = حماية الساقة نهار القتالي

الأمير:جدي بن حباب بن زريبه

عاصر عدة معارك وقتل غيلة وغدر على يد دواس الغيداني الحربي ثارا في الغيادين الذي قام الأمير جدي بقتلهم في وسط أبله في آخر الليل مره من المرات وعددهم عشره ولم يسلم منهم إلا دواس الذي قام بقتل الأمير هو ومجموعه من حرب على غدير الطرودي شمال عفيف وهو جالس يتوضأ من الماء لأداء صلاة العصر وبعد وصول خبره لجماعته الجذعان والسياحين ركبت الخيل والجيش وقامو بحصار للمنطقه للبحث عن دواس وظفر به الفارس المعروف مجري بن رجيان الجذع وقتله.

ومن الشعر الذي قيل فيه قصيدة للشاعر والفارس المعروف ملوح البلعا السيحاني:

لاوحسوف القلب يابو مناحي=خلوه في قيفٍ يذري عن البرد
من عاد يرعى هجمتلةٍ شقاحي=عفر قماصيات وأرقابها جرد
تلقالها يم المضيح مداحي=وواد الجرير تفيضه تسرده سرد
إخلافها يثني ليوحى الصياحي=يما هرد بالسيف من دونها هرد
كم رأس قرمٍ تحت الأقدام طاحي=دون اللقاح ألي تصدر من العد
مرحوم ياطير السعد والفلاحي=غدرك راع الغدر ماهوب إلك ند

الأمير : مناحي بن جدي بن زريبه
ولد رحمه الله عام 1303هـ ووفاته عام 1373هـ
حضر وقت السبله مع إبن سعود وأيضاً غزوة نجران والرغامه وقيل فيه من الشعر قول الشاعر شارع السلات القسامي :

ياعد ياللي فالهضاب الشواهيق=عز الله إنك عذب والماء قراحي
يقمح طرقيٍ يمرك على الريق=من يوم عنك أقفت ضعاين مناحي

الأمير:جدي بن مناحي بن زريبه وهو أمير شمل قبيلة الجذعان والسياحين

رئيس مركز الزربان التابع لمحافظة الطائف بمنطقة مكه المكرمه ويعتبر من أشهر شيوخ عتيبه في الوقت الحاضر وتوفي وعمره 78 عام تقريباً رحمه الله.
وقيل فيه العديد من الأشعار ومن أشهرها قصيدة عادي القسامي وهي طويله ومن ضمنها :

نخيت أميرٍ وارثٍ عشر أمارات=ترثة أزريب اللي تورخ معاديه
اللي ذبح ميلب وجلى العمارات=وعوّد لبن هادي وقلع مراسيه

أتمنى أني قدمت مايحوز على رضاكم بموجز بسيط عن أمارة الزربان . . أخوكم نسـل عسـاف

مخرج *

باب الهزيعة عن الزربان مسدود = وكبود الأعداء بنار الغبن محروقه

- الشيخ الشاعر فيحان الشغار -

آخر تعديل نسل عساف يوم 13-Apr-2012 في 06:56 AM.

[سقم المعادين]

ونعم والله بابن زريبه وربعه فرسان نجد
حي هالاسامي والله

[ناصرالجذع]

تاريخ شيوخنا معروف ونعم


والله يرحم الشيخ جدي بن مناحي بن زريبه شيخ شمل الجذعان والسياحين

وتولى الاماره بعده ابنه مناحي بن جدي بن زريبه رئيس مركز الزربان ومن ابرز شيوخ عتيبه في الوقت الحاضر





صوره للشيخ جدي بن مناحي بن زريبه رحمه الله





صوره للشيخ مناحي بن جدي بن زريبه رئيس مركز الزربان حفظه الله

[نسل عساف]

المشاركة الأصلية كتبت بواسطة سقم المعادين

ونعم والله بابن زريبه وربعه فرسان نجد
حي هالاسامي والله

ماعليك زود ياسقم
حياك الله

[(مہودع دنہيأهہ)]

والله ونعم مليوووون بالزربان ولاتسد ماضيهم وحاضرهم يشرف عتيبه كااافه من اولهم لتاليهم والله يبيض وجهك على سرد السيّره العطره لشيوخ الزربان ولاهنت ولاكن ياليت لو تنقل الموضوع للقسم المناسب وهو قسم امراء وفرسان لأن هذه القسم للمواضيع المتعلقه بالانساااب


واكرر شكري:وتقبل مروري



اخوووك

[نسل عساف]

المشاركة الأصلية كتبت بواسطة ناصرالجذع

تاريخ شيوخنا معروف ونعم


والله يرحم الشيخ جدي بن مناحي بن زريبه شيخ شمل الجذعان والسياحين

وتولى الاماره بعده ابنه مناحي بن جدي بن زريبه رئيس مركز الزربان ومن ابرز شيوخ عتيبه في الوقت الحاضر




صوره للشيخ جدي بن مناحي بن زريبه رحمه الله






صوره للشيخ مناحي بن جدي بن زريبه رئيس مركز الزربان حفظه الله

هلا بناصر نسل عساف
الزربان مهما قيل فيهم لن يوفيهم حقهم




الله يرحم أبو مناحي أحد جبال الهيلا
كفو والله في أبو بدر - رئيس مركز الزربان
وفي ابو سلطان - شيخ القبيلة
وفي سعود - رئيس المزيرعه
ذخاير جدي سلايل حباب وزريب اخوك نسل عساف

آخر تعديل نسل عساف يوم 13-Apr-2012 في 10:30 PM.

[فهد الجذع@]

نبذه عن ..{ امــارة الــزربــان }..
لــــــــــــم اشاهد نبذه ولاسطر لوكان عنوان الموضوع غير ذلك افضل


اين تاريخ الزربان من الماضي ينتهي بإبناء الشيخ جدي


تمنيت من الكاتب ان يتحدث بإسهاب ويذكر تاريخ وامارة الزربان بشكل صحيح



وتمنيت ان يذكر معلقة الشاعر شقير الجذع في رثاء الشيخ جدي بن زريبه ومنها

لويذبحون من الغنم عشر وبعير=ماردت الضولات شيخ القبيله
ماردت النادر زبون المخاسير=شيال صعبات الامور الثقيله
شيالها لوحملها من قناطير=لياراح خطو اللاش مثل الحليله

كما تمنيت انك دخلت فاالموضوع وقلت هدفك الواضح من الموضوع
بعنوان خاص بذلك


وآمارة الزربان وتاريخهم معروف



(واختلاف الراي لايفسد في الود قضيه)



اخوك فهد الجذع

آخر تعديل فهد الجذع@ يوم 14-Apr-2012 في 02:58 AM.

[فهيد الايدا المورقي]

والله ونعم في الزربان شيوخ سلايل شيوخ



نسل عساف بيض الله وجهك على النبذه الطيبه عن امارة الزربان



تحيتي

[نسل عساف]

المشاركة الأصلية كتبت بواسطة (مہودع دنہيأهہ)

والله ونعم مليوووون بالزربان ولاتسد ماضيهم وحاضرهم يشرف عتيبه كااافه من اولهم لتاليهم والله يبيض وجهك على سرد السيّره العطره لشيوخ الزربان ولاهنت ولاكن ياليت لو تنقل الموضوع للقسم المناسب وهو قسم امراء وفرسان لأن هذه القسم للمواضيع المتعلقه بالانساااب


واكرر شكري:وتقبل مروري



اخوووك

ماعليك زود بالنيّابة عن أخوان حصّه ، هذآ من طيبك يالثبيتي .....
...... بالمناسبة هو مناسب للأثنين لأني أقدم نبذه عنهم وعن أماراتهم
حياك الله يامودع دنيا

[نسل عساف]

المشاركة الأصلية كتبت بواسطة فهد الجذع@

نبذه عن ..{ امــارة الــزربــان }..
لــــــــــــم اشاهد نبذه ولاسطر لوكان عنوان الموضوع غير ذلك افضل


اين تاريخ الزربان من الماضي ينتهي بإبناء الشيخ جدي


تمنيت من الكاتب ان يتحدث بإسهاب ويذكر تاريخ وامارة الزربان بشكل صحيح



وتمنيت ان يذكر معلقة الشاعر شقير الجذع في رثاء الشيخ جدي بن زريبه ومنها

لويذبحون من الغنم عشر وبعير=ماردت الضولات شيخ القبيله
ماردت النادر زبون المخاسير=شيال صعبات الامور الثقيله
شيالها لوحملها من قناطير=لياراح خطو اللاش مثل الحليله

كما تمنيت انك دخلت فاالموضوع وقلت هدفك الواضح من الموضوع
بعنوان خاص بذلك


وآمارة الزربان وتاريخهم معروف



(واختلاف الراي لايفسد في الود قضيه)



اخوك فهد الجذع

هلا بك ياولد عساف
أخوي الغالي فهد قد أكون أخطأت في عدم اكمال المسيرة بعد وفاة الشيخ جدي - وعدم ذكر تفرع الزربان من الدلحبين من الجذعان ولكن بعد هذا الموضوع تذكرت هالنقطتين وحاولت أعدل ولكن ماقدرت
والزربان تاريخهم من ذهب = وماضيهم مشرف لكل عتيبي
عسانا مانختلف ياصلب جدّي عساف - والله يبعد عنا هالاختلافات قل امين
اخووك نسل عساف