يا مطير ياللي تشربون الوزاني

[ابن صنهوت]

عمار القلاع من قبيلة العوالي من الروقه عرف بالكرم والشهامه وذاع صيته وله عواني من المهالكه من قبيلة مطير وكان بينه وبينهم زيارات وهالمره راح عمار لعانيه وقاله المهلكي ترا لك عواني مقصر معهم ولازم نعرفك عليهم لانهم يقربون لعانيه المهلكي قال عمار خير ان شاء الله , المهم خذه واحد منهم عشان يعرفه على عوانيه الاخرين ويوم جاهم قالوا لاحنا عوانن لك ولاشي حنا اخوان عوانيك من ابوهم ما حنا بعيال الروقيه ولاتلحقنا العنوه ولا استقبلوه ولا كرموه المهم رجع هو وخويه المطيري ويوم جو مع عبله الضاهر ان ماخانتني الذاكره انها عبلة اللعبا الزبده انها حول اديار الحروب ومطير الياهم يشوفون هاك البيت هم شافوه الصبح ولا وصلوه الا الضهر من كبره زمالهم من بعيد يوم جوه اليا مغار راعية البيت وقلطتهم وسوتلهم صحفت رز واليها تعرف المطيري وهي تنشده قالت خويك وشنهو قال هذا عمار القلاع واليها تسمعبه وتسمع بقصيده وهي تجيهم قالت يا عتيبي الضيف في سلمكم يثور من دون اذن معازيبه والا لازم يسمحوله قال لا لازم يرخصوله قالت ترى مالكم رخصه تمشون الين تعشون الليله المهم عيت عليهم ولا جا رجالها وسوت العشا ذبحتلهم وقلطته عليهم قالت(( [حياكم الله على صحن ابن دبيان اللي اليا حضر ملاه وان غاب وصانا علاه )) *عز الله انها مره ماعلي من الحكي * المهم يوم تعشوا وسروا وعمار ينشد خويه البيت هذا منهو بيته والحرمه منهي قال هذا بيت عبيدالله الحربي وهذي فالحه وعمار القلاع يقول هذه القصيده واعذروني على الاطاله

ياليـت مالـي فالنحاييـن عـانـي=ولا جيتهم من نقرة الشـام طـراش
ماينفـع العانـي عريـض الاذانـي=عانية لو زارة على بخـل وبـلاش
لقيتلـي بـومٍ علـيـه امتـدانـي=رجالهم مايبهـج الضيـف بفـراش
ماكيفـوا صـدري بكيـف الاوانـي=ولا حط لي عصبٍ بعد يبرد الجـاش
ولا منهـم الـي بالعزيمـة نوانـي=تراكـت الواجـب مربيـة الادبـاش
تخارعوا مثـل الحجـل والسمانـي=ألحوم وملاحم لحومي علـى مـاش
ياليـت مسفـر فوقهـم ماحـدانـي=ولا جيتهم مـن يـم شـداد غبـاش
قصرٍ عن الـي ينهضـون المبانـي=واصحونهم يلقى بها عصب واعراش
مذخور نامي مـن طـوال اليمانـي=والكـل منهـم للمواجيـب شـواش
لطـم الحريـب مقربيـن الاوزانـي=وكسابة الناموس مع كـل هـواش
ربـعٍ تشافونـي وكـلٍ عطـانـي=وعاضو بعيد الدار من ربع الادبـاش
ومن عندهم تنصـب بتيـل اليمانـي=تنطحـي حـيٍ مرابيـة خشخـاش
عهدي بها يـوم الشتـا هالزمانـي=واليوم طال الغـرس ماعـاد ينـاش
علوهم يرعـى السهـل والطمانـي=واد العقيق أليا اتقـب نبـت الأرواش
إليا عج مرباعـة مـن القحويانـي=وأسقاه نو الصيف والطرف برشـاش
وياهل الحرايـر ساهجـات البطانـي=ودو عبيد الله من البيـض معـراش
بيضٍ تنشر كبر ضلـع احلبنانـي=والا الحجيج اللي لباب الحرم نـاش
غنابها الـي فـي جبـال اقحطانـي=وسمع بها الي في جبل ضلع وأرقاش
وخصوا بها الي منزله في البيانـي=وعن فالحة حلو بها بخنق الشـاش
ويحط مع حذفيـن تجـرت كبانـي=كسوة معيض وزودهـن الـــ كـرداش
توضع لهم مع سمنهم بالرغاني=والها لبيبان النحايين حواش
ويامطير يالـي تشربـون الوزانـي=ماني لكـم ياباقـي الحـي محـاش
ياهل المقاهي والصحـون الرزانـي=عليكم البيضا عنه عـد الارمـاش

.وسلامتكم

[ابن المحايا]

صح لسانه



ونعم والله بـــــــــــــــ(حرب)



لاهنت على النقل المميز يابن صنهوت

[غالب الذيابي]

صح لسان القلاع العالي ، قصيدة لها موقف

والشاعر وانا اخوك لاشك انه يعد ما واجه

حصل النعم الحربي وهذا من طيب حظه

لكن قناعتي في مطير لا تتغير من ناحية الكرم ، ولايمثلم شخص

أو شخصين تعكس موقفهم القصيدة .. تقبل مروري.

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[القلاع]

ابن صنهوت لاهنت على الإيراد الطيب

[ابن صنهوت]

المشاركة الأصلية كتبت بواسطة ابن المحايا

صح لسانه



ونعم والله بـــــــــــــــ(حرب)



لاهنت على النقل المميز يابن صنهوت

ابن المحايا لاهنت على المرور

[ابن صنهوت]

المشاركة الأصلية كتبت بواسطة غالب الذيابي

صح لسان القلاع العالي ، قصيدة لها موقف

والشاعر وانا اخوك لاشك انه يعد ما واجه

حصل النعم الحربي وهذا من طيب حظه

لكن قناعتي في مطير لا تتغير من ناحية الكرم ، ولايمثلم شخص

أو شخصين تعكس موقفهم القصيدة .. تقبل مروري.

لاهنت يا غالب واخر بيتين بينت حق مطير

[ابن صنهوت]

المشاركة الأصلية كتبت بواسطة القلاع

ابن صنهوت لاهنت على الإيراد الطيب

لاهنت على المرور

[يوسف العازمي]

ياهل المقاهي والصحون الرزاني
عليكم البيضا عنه عد الارماش

^^ واااضح ان القصيدة لآ تعني ألا الشخص المذكور ولا تمثل مطير آبداا




تسلم يا بن صنهوت على الموضووع الجميل ..

و عمار القلاع العاالي رجل معروف راعي كرم و مواقف نبيلة

و نرجو المزيد من قصاايد عمار لآ هنت

[الجزل]

تسلم يمينك ياابن صنهوت


على نقل قصة و قصيييدة عماار القلاع الله يرحمه



و نتمنى منك تورد لناا القصيدة التي مطلعها :

ليا تقهوى المهلكي ما يبى زاد && بريةَ فنجالها من مناشية
و الدرب يوطيك المزابير الأنضاد && واد المحاني تنحره مع علاويه

مع قصتها علماَ ان القلاع له العديد مع القصص

و من الرجاال الذي تفتخر بهم عتيبه

تقبل تحياااتي

الجزل

["الباشق"]

عزالله انه كريم


لا هنت ياراعي المغاتير


تحياتي