قصة وقصيدة للشاعر /حمود الغبيوي ( رائعة )

[أبو طالع العتيبي]

بسم الله الرحمن الرحيم

لشاعر /حمود بن بندر الغبيوي جار يقال له الشاعر/عبدالله الرشيدي وفي احد الايام في وقت صلاه الفجر حب الشاعر احمود تنبيه جاره لموعد الصلاه فرن على جاره الجرس وما كان من جار الشاعر الى ارسل ابيات في الصباح الي جاره ومضمونها :







يالى علينا تدنـون الجـرس دنـي
حنا نعرف طريـق النـار والجنـه
قبلك ترى مكبرات الصوت صحنـي
كم نايم مـن لذيـذ النـوم صحنـه
ديني حنيفي وانا سني وابن سنـي
وجدود جدانا ماتـو علـى السنـه
ولولا العباده ما خلق الانس والجني
مير الشياطين بعض الخلق يغونـه
وسود اليالي تراها تخلـف الظنـي
كم عاقلن ظن فيها وخلفـت ظنـه
وابغا السموحه الى جاك الخطاء مني
وجاك الخبر والجرس بعدين لا دنه
ويحفظك ربن عيونه ما ينـا منـي
يعلم بغيب الصـدور ومـا يخفنـه





فرد عليه الشاعر حمود بن بندر الغبيوي بهالابيات







سبعة بيوت بخط الجـار وصلنـي
وبريحة المسـك والعنبـر مزجنـه
من شان قم صل يقصد في ويغنـي
واللي يكنه تبين لو ضحـك سنـه
يلغز بلغـز وكـن اللغـز يجهلنـي
ويقول عود ليالـي الدهـر جابنـه
يعني مخرف قليل الفهـم ومسنـي
ولا ينتواخذ كبير قـد بلـغ سنـه
والعقل والمعرفـه للقلـب يملنـي
خمسين عمري وسـت ماوراهنـه
ولافيه شك يعبرلـي عـن السنـي
ولا هوب منهم على ما يقصده ضنه
وفعل فعلته شريـف مـا يخجلنـي
حق فعلتـه لوجـه الله بـلا منـه
نبغى النوافـل لحسناتـه يزيدنـي
لو هـو تقـدم دقايـق مايضرنـه
والقصـد والله نيبـل ويتحملـنـي
لو قال حاذور بابي تقتـرب منـه
أسأل عن الجار لو هو ما سأل عني
واجب علينا نزور الجـار ونحنـه
وعليه مازعل لك الله لو يزعلنـي
رجل المواجب ما يعرض الى جنـه
وحقي على الجار بالحسنا يعاملنـي
وكلمات حلوات يرضني ويرضنـه




وسلاااااااامتكم

[عبدالله عوض]

مشكوور على طرحك المتميز اخوووي ولاهنت

تحياااتي لك