قصائد هجاء

[غالب الذيابي]

من أشهر ظرفاء الشعر النبطي في عصرنا الراهن، ترددت
سجالا تهما الشعرية على الألسنة وتداولها الناس لما تميزا
به من أساليب بديعة وقوية صيغت في قالب من الازدراء والتهكم
والمؤسسين لمدرسة السخرية هما الأول ضيدان بن صبحان
اللزيزي العجمي (الشايب)والثاني سعد بن عبدا لله بن حسين
الهتلاني العجمي (الشاب)توفي شاباً في الثلاثينات1991
جراء(السرطان ).عاذنا الله منه. والشاعرين أبناء عمومه وهم
من سكان دولة الكويت،ورغم فارق العمر بينهما إلا أن صداقة
حميمة جمعت بينهما على عكس ما يبدو في سجالا تهما.هنا
بعض من سجالات ضيدان وسعد ، وهي السجالات المباحة،
وان كانت على شكل هجاء إلا أنها بدافع المحبة والتسلية.

ذات يوم زار ضيدان صديقه سعد الذي تأخر في تقديم القهوه فقال ضيدان

جاك المسير مالقى منك ترحيـب=لاجبت له قهوة ولامـن قدوعـي
ياليتنـي دورت غيـرك معازيـب=جيتك جويع ورحت منّك بجوعـي
الظاهر انك ما تعرف المواجيـب=لاشك طبعك يختلف عن طبوعـي
حنّا لاجانا الضيف ننفض له الجيب=ونجيب له من كل شكـلٍ ونوعـي
عاداتنا والرزق من عالـم الغيـب=هذا وأنا ابخل واحدٍ من ربوعـي

وعندما احضر سعد القهوة والتمر(القدوع) رد غاضبا

اقدع عسى يقدع على راسك الذيب=في خايعٍ مابه من النـاس دوعـي
متعطـلٍ بالبـر) قبلـي) تناقيـب=من ليلة الجمعة ليـوم الربوعـي
ومروّك ناسٍ غايب عنهم الطيـب=وخلوك وحدك في مكانٍ يروعـي
ثم جاك ذيبٍ ماسنونـه بتركيـب=ذيبٍ ولد ذيبٍ وشـرس قطوعـي
سوّى بك سواةٍ على غير ترتيـب=يجزع لها قلب الشجاع البتوعـي
مرحوم ياعودٍ كسا راسه الشيـب=هنديته تـذرف عليـه الدموعـي

وقال سعد مازحا لاثارة ضيدان

تواجهت انا وابليس قبل امس بالدكان=وباشر علـي بــ.. بـارد يـوم لاقانـي
وقام يتشره قال ما شفت لي ضيدان=انا ما نسيته وش بلا العفن ينسانـي

فوجد ضيدان فرصه لدحض هذه الاكذوبة

ترى الناس قد شافوك تمشي من الشيطان=وكانه صحيحٍ يا سعـد فانـت غلطانـي
وانا سامع انـه طالـب منـك العنـوان=وانا خايفن يا العفـن تعطيـه عنوانـي

وكان ضيدان يتحين الفرصة على صديقه وحدث ان زاره في خيمته
الصغيرة على حد وصفه في إحدى ليالي الشتاء فبادره ساخرا بقوله

يومين ،، غيري يا سعد ما حدن جاك=متكرسع(ن) في خيمةٍ لك صغيره
ابي تغني لي وانا باسمـع غنـاك=وترى الغنا ماهوب بس لسميـره

وبالطبع كان اول ما رد به سعد بيالة شاي مُره ثم قال

العلقم اللي لونه احمر عطينـاك=مكثـر شايـه ولا فيـه شيـره
خذ لك بياله وانقلع عنـي هنـاك=ما عندنا لك يا اسود الوجه غيره
واللي تسبه قبل يوميـن غـداك=والبارحه عشاك يبغـى الستيـره
وعيا يفكه مـن بلاويـك فكـاك=يوم ابتلش بك يا ردي البصيـره
وانا اتذكر قبل عاميـن زرنـاك=يوم انت تطلع بالثياب القصيـره
وقفت عند الباب وتحـك علبـاك=اثرك على خبري ولا رحت ديره
واقولها فـ.. وجهك ولا حن بنقفاك=ماحـن بللغيـاب ناتـي بسيـره

وذات مره عرض سعد مشروعا خطر للغايه على صديقه وهذه
الرديه تعد الاشهر فيما يتناقله الناس اذ يقول

ضيدان ما ودك نشكل عصابـه=نحتل بعض بنوكها والمحـلات
أما يجي لي والك قدر ومهابـه=والا تبيتنـا بيـات الشريـفـات
والرجل ودك يشتهر في شبابـه=بالطيب والا بالعلـوم الرديـات
ولا يهتني ف اكله ولا في شرابه=يإلين تطلع صورتـه بالمجـلات

اما الشايب ضيدان فكان لا بد ان يكون له موقف مخالف
ازاء تهور صديقه فقال

لا تحسب انا يا سعد وسط غابـه=اللي تراوى لك تراهن عمـارات
وموضوعك اللي جبت كله غرابه=لظاهر انه سابـع المستحيـلات
واخاف لا تنبح عليـك الكلابـه=م هات نسلم من مخاليبها هـات
يا بوك ما عمري دخلت النيابـه=من العمر ما بقي كثر مـا فـات
وان كان تبغى الراي قبل يغدابـه=من واحد جرب جميع الحيـالات
خل الخطب للي يعرف الخطابـه=نهارنا شمس وفالليـل لمبـات

قصيده تحمل أماني جميله لضيدان

ياليتني تاجر وبيتـي علـى الطـاش=ومساهم فـي نفـط بحـر الشمالـي
واشري من اللي تنطح السحب بالكاش=ماهمنـي لـو قالـو السعـر غالـي
وعندي سعد يعمل مقهـوي وفـراش=وليا بغيـت امشـي يطـرّف نعالـي
رجلٍ نعرفـه زيـن ماهـو بغشـاش=وليـا طلبتـه حاجتـاً جابهـا لـي!

سعد في قمة الغضب

البارحه فكري من الهـم منـداش=من واحد طـرّش كتابـه وجالـي
والله مالي خلق نمزح مع الـلاش=اللي تمنى الخير له والعنا.. لـي
وقد قلت له دعواك بترد بهـواش=وأرسل مكاتيبك على احد بدالـي
او اعتذر ما دام الاوضاع تنّـاش=والا..قلبـنـا الاولات التـوالـي
ياصعب فهّامك وتفهيـم الادبـاش=وبيّن عليك انك تكـتّ الدحالـي!
ربعك يعرفونك:كميّـخ وعمـاش=وجهك ماهوب من الوجيه الطوالي

جاء ضيدان الى صديقه سعد وقد ظن ان لدية ثروة مخبئة في احد البنوك فبادره ضيدان

عطنا من اللي ياسعد ربي عطـاك=عندك فلوس في البنـوك و نايمـه
وانا رفيقك دايـمٍ و امشـي وراك=وما ادري متى تمطر سماك الغايمه

فرد سعد

اللي عطاني خير بالشحذه بلاك=هذي عطايا الله وذي قسايمـه
يومك حسود وتو مابيـن رداك=ما عندنا لك ما يفطر صايمـة

ضيدان

أظن من زارك ببيتك ما نساك=ولا أظن مثلك تنسـي قدايمـه
يا رجل فكر زين والرب يهداك=عزم ترى الرجال من عزايمـه

سعد

تعش عندي جعل ما تاكل عشاك=عسى تعشاك الطيـور الحايمـه
واللي لنا جابك عسى يقطع مداك=واللي يبي فرقاك محـدٍ لايمـه

ضيدان

لا تحسب انا قاعدين في رجاك=وعاد الجمل يمشي على قوايمه
يا لله يالمعبود جارك ودخلاك=خسارة في ذا الصبي تمايمـه

في احدى المقاهي دار هذا الحوار بينهما، يقول ضيدان .

تطلب لي الشاهي وتطلب لك حليب=وانـا علـى الحليـب كبـدي ذايبـه
انا احمد الله يوم ما انت بلي نسيـب=يقطـع صبـيٍ مـا يقـدر شايبـه

سعـد

قم اطلب لنفسك ترى مانت بغريب=لاني بطالب لك ولانـي جايبـه
تبغى الكفيا يوم طريت المشيـب=اتعبتنـي مثـل الوزيـر ونايبـه

ضـيـدان

في خوة الطيب انا مالي نصيب=ومن خوة الرديان نفسي طايبه
قد كان ظني فيك لعله يطيـب=لـ.. اريا بها مخطي وفيها صايبه

سعد

كل يبي يرمي رفيقه في القليـب=وابليـس نـوخ عندنـا ركايـبـه
علمته الممشى سبقني في الخبيب=اللـي علومـه كلبوهـا خايـبـه

وذات ليلة تخلف ضيدان عن مناسبة عشاء اقامها المحامي ثامر الجدعي
للصديقين ضيدان وسعد بمنزله بمنطقة هدية بالكويت وبعد ايام جاء
ضيدان يشكي لصاحبة سعد المرض وكبر السن

فقال سعد

ان مت ياضيدان مانـي بباكيـك=وان مت انا ليّاك تبكـي عليـه
مانت بكفو ياعود لامت نرثيـك=ماخبر منك الا الشقـا والاذيـه
نسيت يوم اتعبتني فـي ترجيـك=العصر يوم ان العشا في هديـه
تبغى المحامي يالردي يتصل فيك=ويش انت حتى ما تجي بالوصية
عود(ن) معقد والتعاسه تباريـك=ومؤهـلات معالجينـك رديـه
ياخف نفسك قبل تثقل مخابيـك=واليـوم حتـى ماتـرد التحيـة
جاتك وانا راعى البيوت التماتيك=فيها اعتزي ولا اتعزى المطيـه
نقطع مداد(ن) من طرفنا يغذيـك=يومـك بطـول ونيتـك قلبيـه

ضيدان

رجل ليا جيته من الخيـر يعطيـك=ورجل ليـا جيتـه يقـول الحذيـة
وهذي سنة ماشفت منك ولا شيـك=قصدي سلف ماهوب قصدي عطيـة
وأنا احسب انك طيب الراس وأثريك=وأثريك شيطان(ن) بثـوب اجوديـة
باشب لك نار(ن) قويـه واباشويـك=واقلبـك فيهـا ســواة الشـويـة
اشتك على أستاذك وبلـغ محاميـك=حان اللزوم ان كـان فيهـم حميـه
وان كـان فيهـم طيّبٍ مايخليـك=والسالفـة تحتـاج فزعـه قـويـه

سعد

ما يشبع الا في الولايم والافراح=ذا المسلم اللي صار بطنه فضيحة
ومدري معاه الجن تاكل والاشباح=وألا شفاح أهل الكبود الصحيحة
ويحضر عند الناس والقدر ما فاح=لين العشا عنه الستـارة نزيحـه
وما همته نسبة دسمها والأمـلاح=وعيا من الدكتور يقبـل نصيحـة
والمشكلة ما هوب للضان ذبـاح=استاذكم ياللي السنتكـم فصيحـة
ولا دل من راية ولا سمع نصاح=جعله يطيح وينثبر فـي مطيحـة

ضيدان

ابـو حميـدن بيتعشـى ويرتـاح=ما كل ليـلٍ عنـد ربعـه ذبيحـة
في بيت من هو للمواجيب نطـاح=محمد(ن) منصى الوجيه الفليحـة
الحر ياتي به مـن البعـد ملـواح=والعود يجذبنا مـن البعـد ريحـه
ودنياك يابن حسين ما جات به راح=وعزي لكم ياهل النفوس الشحيحة
والعود يطرح له ثمانين ما طـاح=ما هوب مثلك عاجز في نطيحـة

ضيدان

هنيتكـم مـن قلـب ياللـي تنامـون=وانا قزت مـن لـذه النـوم عينـي
متـى مـن الغالـي يجينـا تليفـون=وحنا على حسب الطلـب جاهزينـي
واشوف حالي صار من دون في دون=والله ما ادري يا سعـد ويـش فينـي
في مجلسن ما فيـه حاقـد وملعـون=ولا فيـه نمامـن بقلـبـه دفيـنـي
لارمي بحالـي مـن علـو البلكـون=ويجيك علمي والخبـر لـك يبينـي

سعد

انا اشهد ان للحب تاثير الافيـون=وانا احمد الله يوم حن سالمينـى
اشوف لي ناسن من الحب يبكون=الله يعافـيـهـم ولا يبتلـيـنـي
يالربـع شايبنـا تولـع ومفتـون=والوجد يومي به يسار ويمينـي
يحب ذا الشايب وهو ماله سنون=اعيش وكبار العجايـب تجينـي
ويوم العرب بدو ٍ وقبل يتحضرون=كم ليلةٍ نبّـّح كـلاب القطينـي
على كلام اللي صفاته يعرفـون=وعقال مـن شيباننـا الاولينـي
لكن هـداه الله وجا كنـه متكـون=وقبل امس علمي به ثقيلٍ رزيني
واليوم جاب مطمةٍ كونها كـون=الحب واللـي جنـن العاقلينـي

ضيدان

البارحه قمت اتمشى على القـار=حفيان والحفيان محـدن يشيلـه
كله سبايب صاحبي طافي النـار=اللي لا واعد صاحبه ما يجي له
حلو اللسان وقلبه انجس من الفار=واروغ من اللي يسبقه راس ذيله
لا يقدر الشايب ولا يكرم الجـار=واللي يبي منه الفرج عزتى لـه

سعد

يالربع انا ضيدان خلانـي احتـار=والله مـدري وينـني باغـدي لـه
احيان يبلشني مع سبق الاصـرار=واحيان ياتي بالف حيلـه وحيلـه
و دايم معي يعمل شعابيث وشجار=ضيـع دليلـي ضيـع الله دليلـه
وابغي شهادة من محبين الاشعـار=انها مشت بـه للمشاكـل رجيلـه
وبـارد رد يعتبـره آخـر انـذار=وبامزح معه ذا الليل مزحه ثقيلـه
واما عبر ما يلتفت سبع الابحـار=والا قعد من دون هـاف وفنيلـه
يا بو حميد النار ما تاكـل النـار=والرجل ودك ما يعـذرب زميلـه
والله عليـم بالخفايـا والاسـرار=مهما تكون كثـار والا .. قليلـه
ويا طول ماني حاشمك وانت هذار=واقول يا نفس اصبري وامهلي له
ويا رجل قد دمي من الظلم فـوار=وترى باحط امن القصيره طويلـة
ولا زيد ينفعـك النـدم والتعـذار=لا لامس المشخـاط راس الفتيلـة

وهناك قصيدة كتبها الشاعر سعد رحمه الله لم استدل عليها، وهي بمناسبة
دخول ضيدان المستشفى ، وهي على عكس ردياتهم السائدة اذ كان يدعو الله
لصديقة بالشفاء ، وبالفعل البس الله ضيدان ثوب الصحة وانتقل بعدها بايام
سعد الى الرفيق الاعلى، ولم يكتب ضيدان العجمي في رفيق دربه قصيدة رثاء
لان سعد طلب منه ذلك. والشاعر ضيدان الى عام 2008م حيٍ يرزق في الكويت.


والسلام عليكم

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

آخر تعديل غالب الذيابي يوم 17-Dec-2010 في 10:52 PM.

[الصويت الثبيتي العتيبي]

وشكرا على النقل الطيب

[عبدالله الجـــذع]

الله

مداعبات رائعه جدا من الشعراء اعلاه

وسعه بال لكل منهما تفوق الوصف


الف شكر ياغالب

على ماتقدمه من تميز

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالله عوض]

قصائد جميله بين الشاعرين

مشكوور على الطرح الجميل

يا غالب

تقبل تحياتي

×عبدالله الغضباني×

[علي الدعجاني]

الله يرحم من مات ويطول عمر الحي

رديات ساخره والقلوب صحاح

لاهنت ياغالب

[المـرشدي]

الله

مداعبات رائعه جدا من الشعراء اعلاه

وسعه بال لكل منهما تفوق الوصف


الف شكر ياغالب

على ماتقدمه من تميز

[غالب الذيابي]

المشاركة الأصلية كتبت بواسطة الصويت الثبيتي العتيبي

وشكرا على النقل الطيب

عفوا.. شكرا للمرور

[غالب الذيابي]

المشاركة الأصلية كتبت بواسطة عبدالله الجـــذع

الله

مداعبات رائعه جدا من الشعراء اعلاه

وسعه بال لكل منهما تفوق الوصف


الف شكر ياغالب

على ماتقدمه من تميز

محبك

العفو ياعبد الله ..شرفت الله لايهينك.
:
:
:

[محمد الذيابـــي]

,,


مشكوور يابو سلمان على القصص الجميله,,

التوقيع

التوقيع محمد الذيابـــي

[غالب الذيابي]

المشاركة الأصلية كتبت بواسطة عبدالله عوض

قصائد جميله بين الشاعرين

مشكوور على الطرح الجميل

يا غالب

تقبل تحياتي

×عبدالله الغضباني×

العفو ياخوي ... شرفني مرورك.. تقبل التقدير..