الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 16-Jan-2011, 08:40 PM رقم المشاركة : 1
معلومات العضو
المزيني.
عضو نشيط
إحصائية العضو





التوقيت


المزيني. غير متواجد حالياً

افتراضي مجاراة الشاعر :ابراهيم الحبيرتي للشاعر : ساجي التويجري

الشاعر ساجي التويجري الحربي يقول فيه قصيدة له



ياليل يـا لغـز بـك الفكـر يحتـار=يا حاضر سرك عن االنـاس غايـب
يا كثر ما يخفي ظلامك من اسـرار=من غاص با عماقك يشوف العجايب
جبّـار وحنيّـن ووافـي وغــدار=افراح واحـزان ونعيـم ومصايـب
احدٍ عليه ارحم مـن الوالـد البـار=واحدٍ شباب ويصبح الصبـح شايـب
يا ملتقى الخلان في كـل الاقطـار=يامـا بستـرك يلتقـون الحبـايـب
وكم واحدٍ سـاري للأحبـاب زوار=-اليـا سلـم كسبـان لـو رد خايـب
وياما تحت ظلك بغيـرون الأشـرار=على حلال النـاس سـرق ونهايـب
ويا ما من العبرات في وقت الاسحار=يهّلهـا عبـدٍ مـن الذنـب تـايـب
وياما سرى فيك المنافـق بالأخبـار=وحوّل سكونك فـي دقيقـه طلايـب
ياما حلا جوك ويا كثـر الاخطـار=فيك الصفا واحيان فيـك الشوايـب
سبحان من بامـره تدابيـر الاقـدار=ربٍ خلق بك من جميـع الغرايـب
يا ليل يا لغـز بـك الفكـر يحتـار=يا حاضر سرك عن االنـاس غايـب




كما جاراه الشاعر / ابراهيم الحبيرتي الحربي في قصيدة له فيقول






ياصبح ياجالي دجى الليـل بنـوار=أنته على قتـل الضـلام السبايـب
ياصبح لو تبطي وتفقدك الازهـار=تموت وتصلـي عليهـا الهبايـب
لولاك كان الطير بالوكـر ماطـار=و لولاك مـاودا ولاهـو بجايـب
ولولاك مايمشي على الارض تجار=ولولاك كلٍ بالفقـر صـار ذايـب
ياصبح لوجينـا نوصفـك نحتـار=أنته هبه مـن عنـد رب الوهايـب
نظيف صافي ماتدنسـك الاشـرار=لاصار يفرحبك عجوزن وشايـب
أحدٍ معك جهز دلالـن علـى نـار=من طيب راسه يحتريله صحايـب
وأحدٍ معك قضا ثلاثيـن مشـوار=وأحدٍ معك فرحان طيـب وطايـب
وأحدٍ معك شلع من إديـار لديـار=يبغى معك يصل الديـار العشايـب
وأحدٍ معك ياصبـح وراد لابيـار=وأحدٍ معك لسوق سـاق الجلايـب
وأحدٍ معك ياصبح قصاص الاثـار=مغدي حلاله في جبـال وشعايـب
وأحدٍ معك ياصبح عساسالامطـار=امخايـلٍ بـرقٍ تسوقـه سحايـب
وأحدٍ نشب بالليـل والليـل غـدار=من بعد جيته زحت عنـه النشايـب
ياماحلا معـك التبـادل بالاخبـار=في حضرت اللي يحزمون العصايب
يامصدر الارزاق لو سرك إجهـار=يقوملك مـن هـو بدنيـاه خايـب
ياصبح لاتقبل من الغايـب أعـذار=لاجيتنا ميـت ولا رحـت لايـب
غايب ولكن يحزن القلـب لاصـار=محروم عن تقسيم الارزاق غايـب
ياصبح ياجالي دجى الليـل بنـوار=أنته على قتـل الضـلام السبايـب















رد مع اقتباس
غير مقروء 19-Jan-2011, 08:09 PM رقم المشاركة : 2
معلومات العضو
الحــربــي
عضو
إحصائية العضو





التوقيت


الحــربــي غير متواجد حالياً

افتراضي

الف شكر لك يالمزيني ولاهنت وبيض الله وجهك















رد مع اقتباس
غير مقروء 20-Jan-2011, 11:55 PM رقم المشاركة : 3
معلومات العضو
خالد بن مورق

رابطة محبي الهيلا


الصورة الرمزية خالد بن مورق

إحصائية العضو





التوقيت


خالد بن مورق غير متواجد حالياً

إرسال رسالة عبر مراسل ICQ إلى خالد بن مورق
افتراضي

صح السان الشاعرين لاهنت على النقل















رد مع اقتباس
غير مقروء 22-Jan-2011, 02:53 PM رقم المشاركة : 4
معلومات العضو
حربي الحربي
عضو

الصورة الرمزية حربي الحربي

إحصائية العضو





التوقيت


حربي الحربي غير متواجد حالياً

افتراضي

الله الله شعاار مافيهم هرجه

الله لايهينك يالمزيني على النقل الراائع



وصح السان الشاعرالمبدع ساجي التويجري .. والسان الشاعر المبدع ابراهيم الحبيرتي















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »01:23 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي