تكفون ياعيال العم اخوكم متوهق بالحيل

[عتيبي للنخاع]

السلام عليكم ورحمة الله وبركاته


مساكم الله بالخير جميع ......


تكفون ياولاد العم الوالد الله يحفظه طلب مني اجيب له قصايد عتيبه الاولين

والشعر الزين القديم حتى لو ماهو لعتيبه ....... رحت للتسجيلات واحضرت قصايد

لشعار الوقت الحالي وحقت شاعر المليون .... وحنا في السياره شغل السيدي

ولا قعدت 5 دقايق الا السيدي مع الدريشه .. وقال لاابوهم لاابو من علمهم القصيد

وعطاني كلمتين في السياره ..


تكفون ابا عشرين او 30 قصيده قديمه جدا ويكون صوت بدوي حتى لو ماهو شيله

واذا فيه قصيد من قصايد المعارك والحماسيه فاكون شاكر يقدر هالشعر مره


طبعاً الوالد عمره تقريب 67 سنه واكيد بتعرفون نوعية القصيد اللي يحبه

انتظركم وانتظر فزعتكم

[ولدعساف]

ياخوك دور ديوان بندر بن سرور وعبدالله بن عون وبديوي الوقداني وتركي بن حميد وشليويح العطاوي ياكثر شعرا عتيبه وغيرهم من القبائل الاخرى كاراكان بن حثلين وسلمان الشريم وبن رشيد

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[طـيـر شـلـوى]

من دور على شي لقاهـ

قصيدة :::. معركة طلال لـ / شليويح بن ماعز [ رحمه الله ].:::

هي اللي تصلح له

فيه بندر بن سرور [ وديوانه الجديد [[ بندريات ]] ]

وغيرهـ الكثير ومثل ماقال إبن عساف !

[(مہودع دنہيأهہ)]

حياك الله ياولد العم والله يخليك شايبك ويطول بعمره وعز الله ما ينلام يوم كسر الشرطان حقت شعراء جيل ألفين لأن نصهم والله يبابون فالخلا .إلا من رحم الله



وإن كان تبا قصايد كتابيه.عان عندك في هذه القسم موضوع مثبت وأسمعه(لمن يريد دواوين شعراء عتيبه الموجوده بهذا القسم)روح يم الموضوع وتلقى طلبك وإن كان إنك تبها صوتيه فعندك(متنبي العرب الثاني بديوي الوقداني والشيخ تركي بن حميد وفي شريطه تلقى قصايد حربيه يوم حدرو عتيبه يم نجد وفيه شريط مخلد القثامي رحمة الله عليه وفيها قصايد عن بعض حروب عتيبه وتناسب شايبك إن شاء الله وفيه شرطان بندر بن سرور )واما شعراء عتيبه الأولين مالهم أشرطه مسجله لهم لاكن تلقها كتبيه .




تقبل مروري:أخوووك

[برقاء والسماء زرقاء]

المشاركة الأصلية كتبت بواسطة طـيـر شـلـوى

من دور على شي لقاهـ

قصيدة :::. معركة طلال لـ / شليويح بن ماعز [ رحمه الله ].:::

هي اللي تصلح له

فيه بندر بن سرور [ وديوانه الجديد [[ بندريات ]] ]

وغيرهـ الكثير ومثل ماقال إبن عساف !

وتناسبة بعد قصيدة فندي بن عزارم المقاطي التي رد بها على قصيدة شليويح العطاوي وهي موجودة صوتية وكتابية

[برقاء والسماء زرقاء]

عليك بكديميس العصيمي تلقى شرطانه فالتسجيلات حقة المحاورة قصايد إكشن’’’’’’’’ههه