الـــــــــــــذود

[محمد النخيش]

بسم الله الرحمن الرحيم


تواصلا مع هذا القسم إليكم هذه القصيده أمل أن تحوز على رضاكم

أنا ليا منه دخل بالي الضيق=والصدر ضيق من جميع النواحي
وتفككن أبواب كانن مغاليق=وقامت تلاعبها هبوب الرياحي
دقيت سلف اللي يهوم الشواهيق=جيبٍ على قطع الصعيبات صاحي
وسقته لروضٍ بان فيه الزماليق=عشبه ليا جاء حزة عصير فاحي
ترعى به اللي يتعبن الملاحيق=ذودن سموح ولاضرا بالمراحي
مالملموه أهل العقول المطافيق=في حكمة رجالٍ بعاد الشباحي
يزهونها لاحلق الصوت تحليق=من حولهنه والطبايع املاحي
ويزهن صوته باستجابه وتوفيق=وتقبل لصوته مثل زرق الرماحي
ذودن ذهب ماحط جوف الصناديق=وراعيه ذكره شاع بأجمل وشاحي
من صبح ربه عندهن فكة الريق=وإليا حصل مجلاس قومن اصحاحي
ومن حولهم ضو ودلالٍ مدانيق=فنجالهن لعماسة الرأس ماحي
وسوالفن تشرح صدورن مخانيق=مثايلن لأهل النمايم اتناحي
وإليا انتهى المجلاس فالذود تحديق=عيونهم مابين حيل ولقاحي
وتقود ذوده بأمر صوته بتدقيق=على هوى الراعي تجيب النجاحي
ولهن عشية طيحة الشمس تبريق=بصوتٍ يناديهن بوصفن سماحي
وصفن تسمون به وقوف ومحاليق=إليا ذكرته بالهن فانشراحي
آدابهن بأجابة الإسم توثيق=حقيقةٍ ماجت خيال ومزاحي
هذاه شفي يالقلوب المشافيق=يزيل همي كالطبيب الجراحي

وسلامتكم

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[ابو فايح]

صح لسان مليون كتبت فابدعت يابو غازي

التوقيع

عالم تويتر abofayeh@

[محمد النخيش]

المشاركة الأصلية كتبت بواسطة ابو فايح

صح لسان مليون كتبت فابدعت يابو غازي

صح بدنك يابو فايح والابداع تواجدك ومرورك الكريم لاهنت لاهنت

[الزعيم الهلالي]

صح الله لسااااااااانك

قصيدة رائعه من روائعك

الله يعطيك العافية

لك تحياتي

[محمد النخيش]

المشاركة الأصلية كتبت بواسطة الزعيم الهلالي

صح الله لسااااااااانك

قصيدة رائعه من روائعك

الله يعطيك العافية

لك تحياتي

صح بدنك والاروع وجودك


لاهنت

[طارق النفيعي]

صح لسانك ملايين

أبدغت يـ أبو غازي

في أنتظار جديدك

التوقيع

أخوكم : طارق النفيعي

[محمد النخيش]

المشاركة الأصلية كتبت بواسطة طارق النفيعي

صح لسانك ملايين

أبدغت يـ أبو غازي

في أنتظار جديدك

طارق النفيعي ارحب ارحب


الابداع وجودك لاهنت وصح بدنك

[@ـايل]

ياسلااام عليك يابو غازي ..

دره ثمينه من دررك الثمينه ..صح لسانك حتى ترضى ..

لاهنت ونتمنى المزيد .. وسجّل اعجابي بالدره ..

..

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[محمد النخيش]

المشاركة الأصلية كتبت بواسطة هايل العتيبـــي

ياسلااام عليك يابو غازي ..

دره ثمينه من دررك الثمينه ..صح لسانك حتى ترضى ..

لاهنت ونتمنى المزيد .. وسجّل اعجابي بالدره ..

..

ارحب ارحب ملايين الله يسلمك وشهادتك اكبر فخر

لاهنت لاهنت

[عبد الله@العتيبي@@]

صح السانك يابو غازي