يا وجودي وجد من طاح من فوق السناام

[سلطان بن بشيّـر]

للتواصل

يا وجودي وجد من طاح من فوق السنام=وانكسر له خمسة ضلوع وافهم يا فهيم
ويا وجودي كل ما لاح براق الغمام=وجد من شاف الهوايل وهو توه فطيم
مأستراح القلب والعين عيت لا تنام=ولفرج عند الولي محيي العظم الرميم
تايهن ما بين نور المحبه والظلام=والحق الاهات ونات واذب الخريم
يا وليف الروح بعدك على الدنيا السلام=من سبايب بعدك المر شف حالي سقيم
كل ما ادله واتسلى واقول اني تمام=تجلب اوجاع المحبين يالليل البهيم
والله اني مثل من صام وافطر عقب صام=ما قوى جوع المواصيل لا هب النسيم
وانت يالي تلحق القلب في حبه ملام=والمثل قد قال (جاهل عنى العاشق غشيم)
لا تحسب اني تجاهلت هرجك يالغلام=كيف ابا اجهل وانت هرجك يوّقع فالصميم
مير كانك تجهل الحب وبحور الغرام=عزتي لك والله انك خبل وامك عقيم
المحبه مثل ضرب الفشق وسط الزحام=والهوى وادي وكلن مع الوادي يهيم
والسعيد الي حظوظه تبلغه المرام=والتعيس الي على اطلال ودموع وجحيم
والله اني من رجالن تضيم ولا تضام=مير جور الوقت خيّم على صدر الحليم
معك امانه من محاكيك يا سرب الحمام=كان ودك يم داره ترف وتستقيم
وصله مني تحيات واشواق وسلام=وذكره في بيت شعرن كتبته من قديم
ما تهون العشره الا على عيال الحرام=ولا يخون العهد غير اللئيم ابن اللئيم

[الرجل الشامخ]

قمه الأبداع يا سلطان

صح السانك مليون ولا هنت على القصيده


تقبل تحياتي

[حمدان العضياني]

مــــا تــهــون الـعـشــره الا عــلـــى عــيـــال الــحـــرام
ولا يــخـــون الـعــهــد غــيـــر الـلـئــيــم ابــــــن الـلـئــيــم






الله الله الله

صح لسانك يابن بشير لو لم تقل الاهذا البيت لكتفيت به ان تكون شاعراً عملاقاً


صح لسانك صح لسانك مراراًوتكراراً وننتظرالابداع القادم

آخر تعديل حمدان العضياني يوم 21-Sep-2012 في 10:39 PM.

[راعي عمره]

صح لسانك يالامير مليون ضرب مليون
مبد ع الله لا يهينك

[راعي القوافي]

صح لسانك واعتلا شانك يابن بشير