جيتي مثل ضحكه طفل في ضحى العيد // ورحتي مثل دمعه على خد شايب !

[عبدالله الجـــذع]

السلام عليكم

شامخه اضعها بين ايديكم

مالـ.. آلحياه / سلوم بدو وتقاليد=آيامها .. فيها : الفرح والمصايب
تعبت منها يوم ضاقت بي البيد=وعن باقي الرحله / عقلت الركايب
هذا مكاني / كن في رجلي القيد=يا جايب الأخبار .. ويش انت جايب ؟
يا مسافره .. كم قلت لك ماني بعيد=عن :- القبور المظلمه والنصايب
شوفي عروقي كيف ابأهداء وابهيد=مافيه عرق الا من الشوق : ذايب
لو جت لي الدنيا على مثل ما آريد=حرام / ما أسمع فيك مخطي وصايب
أبيك .. وآخر ما حسبت ؟ المناقيد=لو خاطر ٍ يضماك ماهو بـ.. طايب
ورده وحولك شوك يا شيخة الغيد=الا .. ومن دونك ( كبار النوايب )
الشوف يوصل لك ماتوصل لك الآيد=ويوم اني اقصر عنك مانيب هايب
ما اخشى على يمناي شوك العناقيد=لكن .. آحنّك من نسيم الهبايب !
كم قلتها فـ.. أذنك مرار وتراديد=يكفيني اللي صار لي من عجايب
وانتي تركتي لـ.. الغياب / المقاليد=غبتي .. وطيفك معي ماهوب غايب
تفوح : من بين الضلوع ( التناهيد )=ويبين في وجهي .. وداع الحبايب
جيتي مثل ضحكة طفل في ضحى العيد=ورحتي : مثل دمعه على خد شايب !

المبدع مشعان البرآق

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالمجيد النفيعي]

ماشالله

جزل ولاتجيب الا جزل يالجذع

ومشعان البراق وش نقول يكفي إنه مشعان البراق

الله لايغيّر عليه ويكفيه شر الحاسدين

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[عبدالمجيد النفيعي]

ما اخشى على يمناي شوك العناقيـد=
لكن .. آحنّك من نسيـم الهبايـب ! =
كم قلتها ف.. أذنك مـرار وتراديـد=
يكفيني اللي صار لي مـن عجايـب=
وانتي تركتي ل.. الغيـاب / المقاليـد=
غبتي .. وطيفك معي ماهوب غايـب =

أنا أقول الثلاث الابيات ذي تكفي عن القصيده كلها

[بدر الكريزي]

رائعة من روائع الرائع مشعان البراق

تحتار تقتبس اي بيت

كل بيت يقول ( الزود عندي )

صح لسااانه


و لا هنت يا عبدالله على الاختيار الجميل ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[@ـايل]

وعليكم السلام ..

لاهنت ياعبدالله والله يعافيك ..

وصح لسان الشاعر / مشعان البراق ..

......

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[عبدالله الجـــذع]

عبدالمجيد منور يالغالي

حياك الله لاهنت على المرور الجميل


لاعدمتك ياكحيلان



محبك

.,

[عبدالله الجـــذع]

هلا يابدر حياك الله

منور يالغالي كعادتك

محبك

.

[عبدالله الجـــذع]

هايل حياك ربك يالغالي

منور يابعدي

لاخلا ولاعدم

محبك

.

[ابو محمد الدعجاني]

اخوي عبدالله مايشدني فيك غير انتقاءاتك العذبه .

صح السان الشاعر والناقل .

لك اطيب التحايا والود,

[خلف الروقي]

صح لسان الشاعر



والله يعطيك العاااااااافية