ذباحة الحايل لطامة العايل ألا ياويل قلبي

[شمر هلي وأحب عتيبة]

السلام عليكم ورحمة الله وبركاته .. وبعد :

هلا والله بأنسابي عتيبة يعلم الله أني أنضريت من بعض أفراد قبيلتكم طبعا قليل لكن سبحان اللي خل قدركم عندي عالي فوق وغصب علي أحبكم ما أدري ليش الغلا ذا جاء وكيف أنه جاء .

ياعتيبة أنا ناسبتكم تارك بنات شمر من غلاكم وكان زواجي بعيد عن الديرة بمسافة كبيرة وما حضر من جماعتي ألا القليل وغضبت منهم وللأسف أنا ما أعرف أقول الشعر ولا أعرف أوزنه لكن أضطريت أن أتكلم بقصيدة لكم عليها أخاطب ربعي وأتشره عليهم لعدم حضورهم الزواج طبعا ربعي أن شاء الله أنهم مو برديين وشرحولي ظروفهم اللي منعتهم لكن الأن أبي أسرد بعض أبيات شعري اللي لا قلت قبله ولا راح أقول بعده لأني لاأفقه بالشعر والشطر أو البيت اللي مكانه نقاط معناه أن الكلام خاص ماودي أحد يطلع عليه .

ياشينه موقف قدام الأجناب ** ليلة زواجي محد ( ن ) مجيبي

دعيت ربعي وجميع الأصحاب ** ربعي هجروني ألا القريبي

......................................... ** .........................................

......................................... ** ........................................

......................................... ** ...........................................

......................................... ** .........................................

لاني بمذنب ولا ني أبو كاب ** ولا ني بمخطي ومسوي عيبي

شرابت الدم عتيبة الأنساب ** .............................................

صغير عتيبة للقوم غــلاب ** وعدو عتيبة مجروح صويبي

أبعذر اللي حسب لنا حساب ** أرسل أعذاره والله يثبي

وأبعذر اللي وضعه غلاب ** وأبعذر اللي حضوره صعيبي .

[عمر الدغيلبي]

تسلم يالشمري وغلاك نابع من طيبك وطيب معدنك وأصلك

وونعم فيك وفي ربعك شمر الطنايا وماعليك زود يابن الأجواد

وصح لسانك وحياك الله في منتدى أنسابك عتيبه

واعتبر نفسك في محلك وبين ربعك واخوانك

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[شغموم عتيبة]

حياك الله يالشمري

وعتيبة تتشرف بمصاهرتك لهم

ووفقك الله وجمع بينكم على العز والطاعة

والله يرزقكم بالذرية الصالحة

وقبلولك لأعتذار الذين لم يحضروا يدل على طيب ذاتك

وانت من قبيلة نعدها من اعز واقرب القبائل لنا

ولا يسعني الا ان اشكرك على مشاعرك الطيبة

وصح لسانك على هالابيات الجميلة


ومرحبا تراحيب المطر بالطنايا

تقبل مروري

[حمـد المقاطي]

حياك الله يا الشمري

وأنت بين ربعك وأخوانك

و من قبيلة عزيزة علينا

أخوك حمد المقاطي

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[شامخ الراي]

حياك الله يالشمري
وموفق إن شاء الله

[ابن بريم المقاطي]

ماحبيت الا الي يحبك وهذا طبعكم يا شمر..

[عبدالعزيز البرقاوي]

حياااك الله ياولد الطنايا بين هلك وربعك

[ابو سعد الدلبحي]

الله يوفقك ويرزقك من واسع فضله



ويرزقك الذرية الصالحه



ربعك ما هم رديين لكن كل وعذره والظروف تحكم الناس

[عبدالرحمن الهيلوم]

تسلم يالشمري وغلاك نابع من طيبك وطيب معدنك وأصلك

وونعم فيك وفي ربعك شمر الطنايا وماعليك زود يابن الأجواد

وصح لسانك وحياك الله في منتدى أنسابك عتيبه

واعتبر نفسك في محلك وبين ربعك واخوانك

[ابوزعبه]

ربعك كبار الصحون وساع الطعون ولاكن لهم ضروفهم ومشكور علي القصيده