الشلفاء وذياب بن غانم ,, وبرغش تبكيه 70 بنت!!!!

[عقاب الحويماني]

السلام عليكم ورحمة الله وبركاته

هذه قصه هلاليه يعني على وقت ابو زيد الهلالي

أنه في أحد الايام كان الفارس ابو زيد الهلالي رايح يقنص ومر على قبيلة (الزناتا) وهي قبيله معروفه على وقت ابوزيد وكانت هذه القبيله(الزناتا) عندهم مصيبه ألحقت الضرر بالزناتا وحلها يحتاج لرجال في قمة الفروسيه وابلغو ابو زيد بهذه المصيبه وقال إعتبروها محلوله لكن لي طلب قال شيخ القبيله حلها وابشر بلي تبي المهم حلها أبو زيد ورجع للقبيله لتلبية طلبه وسألوه وش طلبك فقال إنه عندما دخل القبيله رأى بنت في قمة الجمال وسأل عنها وكانت بنت أمير القبيله فأريد الزوج منها ولكنهم رفضو لانها بنت شيخ وابو زيد كان أسمر البشره وقالو أطلب غير ذا الطلب فرفض كل شي عرضوه له وقال لاأرضى بغير بنت الشيخ تكون زوجه لي فرفضو بقوه وأبلغهم إذا مالبيتو طلبي سوف أغزيكم بربعي فضحكو وقالو كيف تغزي قبيله عظيمه ك(الزناتا) وقال إذا غزيتكم رايح تدرون إني غازيكم بالصيد لان الجهه الي رايح نجيكم معها كل الصيد الي فيها رايح يجيكم وهذي تعتبر ميزه وماريه لغزو ابو زيد المهم رجع ابو زيد لربعه وبلغهم إنه بيغزي (الزناتا) وطلب منهم يغزي معه سبعين فارس ويجلس ذياب بن غانم عند الابل أو يغزي معه ذياب لوحده ويجلس سبعين فارس عند الابل ,وقال ذياب بن غانم يابو زيد أنا بجلس عند الابل وانت أخذ الفريس السبعين معك ,غزى أبو زيد وربعه وكان من ضمنهم فارس يقال له برغش كان فارس محبوب وشديد الجمال, وجلس ذياب عند الابل وحفر حفره ويجلس يدرب حصانه كيف يعدي من فوق الحفره ,وابو زيد وربعه يوم وصلو(الزناتا) الى هم حافرين خندق على الديره ككمين للفريس المهم ذبحو ربع أبو زيد بسبه الخندق وذبح الفارس برغش فأرسل أبو زيد أحد رجاله لذياب بن غانم يستفزع به فذهب الرجل في طلب ذياب بن غانم وكان لذياب أخت وفي عادات العرب قديما" يأخذون النساء وكان من ضمن النساء إخت ذياب كحافز وتشجيع للقبيله ويوم وصل الرجال لذياب أبلغه بالقصه وان الفارس برغش قتل وسبعين بنت بكت عليه من ضمنهم إختك ياذياب ومن الغيره في ذياب زعل على الرجال وحذفه بالشلفاء واخطت الرجال وكسرت حصاه وكما هو معروف بأن شلفاء ذياب ماتخطي دايم تطيح بدسم , ضحك الرجل وقال آفا ياذياب شلفاك دايم تطيح بدسم وذا المره أخطت ياذياب قال ذياب ماأخطت إرفع الحصاه ويوم رفع الحصاه إلا الشلفاء ذابحه حيه(أفعى) تحت الحصاه , ضحك ذياب وقال لرجال عطني الشلفاء وعطاهياه اخذ الشلفاء ذياب ولحق ربعه ومن حسن حظه كان مدرب جواده كيف يتجاوز الحفره والخندق وصل ذياب وعلى طول تجاوز الخندق وتجاوزه أبو زيد من بعده وصار بينهم وبين القبيله صولات وجولات وهزمو (الزناتا) واخذو حلالهم وستيسرو الرجال والنساء وتزوج أبو زيد من محبوبته ,,,,,,,,,,,,,, وسلامتكم.


تحياتي
أخـــــــــــــــــــــوكم/ عقاب الحويماني

[عبدالله العريدي]

اخوي عقاب

بيض الله و جهك على القصة الرائعة

تحياتي لك

أبو خالد الروقي

[عقاب الحويماني]

أخوي/ أبوخالد الروقي

بيض الله وجهك واشكرك على المرور يالغالي

ولاهنت




تحياتي

أخـــــــــــــــوك/عقاب الحويماني

[ابن نميان]

بيض الله وجهك

يالحويماني

على هالقصة

ولك كل التقدير
والاحترام

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[عقاب الحويماني]

أخوي / ابن نميان

لك مني كل التقدير والاحترام على المرور ولاهنت









تحياتي

أخـــــــــــــــوك/عقاب الحويماني

[% المفرجي %]

مشكور اخوي عقاب الحويماني على هذه القصه الرائعه رغم اني وجدت اختلاف بسيط جدا بين روايتك ورواية بعض شيابنا

[السيف الابتر]

مشكور اخوي عقاب على هالقصه الرائعه

[عقاب الحويماني]

أخوي / المفرجي

أخوي / السيق الابتر


لاهنتو على المرور ولافيكم حيله وفالكم الطيب اليوم ودوم


لاهنتو يالغالين


تحياتي أخوكم/ عقاب الحويماني

[الناقد الشعبي]

خيرانشالله
قصة عجيبة والاعجب راويهاااااا

[ابن كشب1397]

ومن الغيره في ذياب زعل على الرجال وحذفه بالشلفاء واخطت الرجال وكسرت حصاه وكما هو معروف بأن شلفاء ذياب ماتخطي دايم تطيح بدسم , ضحك الرجل وقال آفا ياذياب شلفاك دايم تطيح بدسم وذا المره أخطت ياذياب قال ذياب ماأخطت إرفع الحصاه ويوم رفع الحصاه إلا الشلفاء ذابحه حيه(أفعى) تحت الحصاه



يعطيك العافية على هذه القصة الجميلة واذكر بيت لحبيب العازمي في محاورة مع الرياحي حيث يقول:

شلفا ذياب بن غانم ماتوقع الا في لحم = واظنك يالرياحي من مستحقينها