 |
|
|
 |
 |
 |
18-Feb-2003, 09:11 PM
|
رقم المشاركة : 1 | |||||
|
الذيب والحضري
مساكم الله بالخير عندي سالفة صارت بالشمال بمنطقة تبوك والسالفة ماهــــي
مبطية من حول 6سنوات هذا واحد حضري ضابط بسلاح الحدود وكتب بجريــــدة عكاظ كاد أن يأكلني الذئب ولكن ....؟؟ مقالة بنص عريض و مضمون المقالة إن الرجال كان عنده معسكر رماية بالبر وطلع بالليل وانتم بكرامة يقضي حاجتـــه ومعه الأبريق ويقول يوم إنه جالس والإ الذيب مقابله وجه بوجه ويقول إن الذيـب ما تحرك وإن الرجال لقى عصا بجنبه (شوف إشلون الإخراج) و يضرب الذيب بها إلا الذيب هو ميت وراح الجيب وطلع مسدسه ويسولف على المعسكر عن الذيــب اللي ذبحه ولين شق الفجر والسالفة ماغير الضابط فلان ذبح الذيب المهم ومــن ضمن الضباط اللي يعرفون الحضري هذا زين واحد عتيبي ويـــوم انـــه شــاف :الجريدة ما قدر يمسك نفسه وينشدهذه القصيدة ســـــــــلام منـــــــي وترحيــــــــب = أقولـــــها فــــــــي قصـــــــيده ونعمين ياصايد الذيـــــــــــــــــــــب = قريتــــها فـــــي الجريـــــــــــده والله ما نعلم الغيـــــــــــــــــــــــــب = تنشر عكـــــــــاظ الوكيـــــــــده ومن دون شك ولا ريــــــــــــــــــــب = الذيب جـــــــــا من يصيـــــــــــده معسكر رمايه وتدريــــــــــــــــــــب = ويدور اللــــــــــي بيـــــــــــــــده وضربه بين التلابيــــــــــــــــــــــــب = بعصى وما هــــــــــي حديــــــده وجاب المسدس من الجيــــــــــــــــب = وأشعل علــــــــــيه الوقيــــــــده ولين القمر قرب يغيـــــــــــــــــــــب = يسولف بقصـــــــــة فريــــــــــده وغيره يخاف الدباديــــــــــــــــــــب = لو جاه تسمـــــــــع رعيـــــــــــده يا ذيـــــــــب كب التلاعيــــــــــــــب = كب المكـــــــــر والمكيــــــــــــده الغدر يا المفترس عيــــــــــــــــــــب = تهجم والابريـــــــــق بيـــــــــــــده بطعم العشا ظنك يخــــــــــــــيــــب = لو هو بديــــــــــرة بعــــــيـــــــده يا ذيب لو سبته يســـــيـــــــــــــــب = يا ذيب موتـــــــــك فقـــــــــيـــده خابرك تضرب عراقيــــــــــــــــــــب = وسريع وقـــــــــت الشريـــــــــده ويا ذيب حد المخاليـــــــــــــــــــــب = وركب سنـــــــــون جديــــــــــــده والا إشتريلك مشاعيـــــــــــــــــــب = وإنت تقـــــــــتل أبو سيد سيـــده ماني مدور عذاريـــــــــــــــــــــــب = كلام قالـــــــــه واعيــــــــــــــــده ولاني مدور مطاليــــــــــــــــــــــب = شاعر وشعـــــــــره رصيــــــــــده وسلامتكم |
|||||
|
 |
 |
 |
|
|
|
|
|
07-Apr-2007, 01:01 AM
|
رقم المشاركة : 2 | |||||
|
تقبلوا خالص تحياتي
أخوكم []مساكم الله بالخير اجمعين[/ |
|||||
|
|
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
