دكتور غيبني عن الوعي دكتور

[عبدالله الجـــذع]

بسم الله الرحمن الرحيم
السلام عليكم ورحمه الله وبركاته

وانا اتصفح جريده الرياض وجدت هذا
النص الرآئع والقريب الى القلب للشاعر نشمي بن مقعد العتيبي
اتمنى يروق لكم كما راق لي

.:.[ُاِرٌَبَِعُ دُِقٌاُِيٌٍِقٌٍِ صٍُِمٌُِِتٍُِ].:.

بعد غياب اسنين وايام وشهور=وفي ساعة ليت القدر ما جلبها
صدفه تقابلنا على باب دكتور=لحظة تساوي عمر شخص كتبها
اربع دقايق صمت واحساس واشعور=ونظرات شوقن عارفين سببها
كن الحياة مترجمة حير واسطور=لو تامر ابروحي لنفذ طلبها
يا مصورين الوضع ساقيه مستور=الصوره اللي نادره من كسبها
والدمعه اللي كنها ماس بلور=من عين ذيك اللي عريب نسبها
فيها سؤال لقب ينزف ومكسور=واجابته ماضي السنين وتعبها
وشتت ذهول الوضع كلمات دستور=خوف الطبيب لحاجة ماحسبها
اقفت وانا واقف من الوضع مبهور=بيدينها ثمرة زواج نكبها
انا اعرف انك يا تلع الجيد مجبور=حسبي على من بالظليمة غصبها
كنت ابني أحلامي عمارات وقصور=غير السنين اللي شقاها غلبها
دكتور غيبني عن الوعي دكتور=لو ساعتين اتى الحياة وتعبها

محبكم
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابو فايح]

قصيده محزنه الله يعينه

لاهنت يابو عابد على االنقل

[عبدالله الجـــذع]

جدا


لاهنت يالغالي على المرور

محبك

.,

[البريماني]

جدا


لاهنت يالغالي على المرور

محبك

[محمد العتيبي]

عبد الله الجذع

الف شكر على هذه القصيده الرائعه
التي امتعتنا بقرائتها

صح لسان الشاعر نشمي العتيبي

تحيتي
...

التوقيع

للتواصل عبر twitter تويتر al_bargawy@

[ابو محمد الدعجاني]

ابك انت وين هيظتنا بهالليل يا عبدالله بهالقصيده الجزله صح السان شاعرها وناقلها




بعد غياب اسنيـن وايـام وشهـور
وفي ساعة ليت القدر مـا جلبهـا
صدفه تقابلنا علـى بـاب دكتـور
لحظة تساوي عمر شخـص كتبهـا
اربع دقايق صمت واحساس واشعور
ونظرات شوقـن عارفيـن سببهـا
كن الحياة مترجمة حيـر واسطـور
لو تامـر ابروحـي لنفـذ طلبهـا


الله واكبر عليك يانشمي

[عبدالله الجـــذع]

هلا والله

الغالين منور المتصفح بوجودكم


محبكم

.,

[نشمي مقعد نايف العتيبي]

الغالي عبدالله الجذع

حيه طيبه وشاكرا لك

للاخوه ردودكم

لاهنتوا

اخوكم نشي مقعد نايف العتيبي

[محمد الذيابـــي]

,’


صح لسانك يانشمي.


تقبل مروري .


,’

التوقيع

التوقيع محمد الذيابـــي