( رشيد الزلامي Xxx زيد بن سلمي ).. عندما يعترف الخصم بتاريخ خصمه !

[نادر العش]

..


السلام عليكم ورحمة الله وبركاته


مساء الخير عموما ً



عندما لايكون الشعر ( أقصد شعر المحاورة ) كهذه الرديـِّة بين هذين الشاعرين فلا تتعب نظرك أو سمعك وذهنك في متابعته ..


(دائما ً أقول أن المحاورة الكتابية تكون أفضل من المسموعة أو المرئية , لأنك تقرأ الأبيات وحدها , ولأن جمال الصوت قد يغطي على ضعف الأبيات ويوحي لك بأنها قوية وهي العكس تماما ً ,, وكذلك حركات الشاعر أمام الميكرفون قد توهم المشاهد بأنها قوية وهي العكس تماماً )



..

أترككم مع الأبيات :








رشيد الزلامي :

مرحبا في حلة العتبان ترحيب الكرامة=وأثني الترحيب والتقدير للديرة وأهلها
المطيري مايفارقنا ليا يوم القيامة=مير وين يروح عن بقعا ليا ساقت جملها

زيد بن سلمي :

البقا بك والشجاعة خير من درب الرخامة=كل نفسٍ ياطويل العمر تجزى من عملها
المطيري سالمه لن كان ودّك بالسلامة=وإن بغيت الثانية جعلك قوي وتحتملها

رشيد الزلامي :

ماعلينا من هذاك الشيخ لو يكرب حزامه=لو يركّب راس ذيب ولو يركّب راس بلها
علمنا جاكم وصرّْ العلم بجناح العمامة=لاتعاندنا ترى شارون عاندنا وأكلها

زيد بن سلمي :

الجبل ما أحد ٍ يشيله والبحر تسعين قامة=العلوم اللي تونّس خاطرك سولف وقلها
أعرف البحرين عاصمته يابو زيد المنامة=والعرب ماضيّعت قانونها إلا من جهلها

رشيد الزلامي :

الجبل لو كان راسي ماتحرك من تهامة=لين صار آخر محطة منطقة قرية نزلها
فيك شي من الظفر لكن تأخذك الغشامة=طامعٍ لك في علوم كبار لا لك ولا أنت بـ لها

زيد بن سلمي :

الجبل شال الجبال ولا على الطيّب ملامة=الرقاب العوج يابو زيد تعرف من عدلها
الجهل مانتبعه والمجد نرقا في سنامه=والعيون اللي تدوّر كحل جاها من كحلها

رشيد الزلامي :

عزتي للي على شطّ البحر بنّا خيامه=لين شالته الهبوب وروّحت على عذلها
أنت خابرنا على درب الخطر سقنا الجهامة=وأصبحت لاتكظم الجرَّة ولايهدر فحلها

زيد بن سلمي :

عزتي للمحرم اللي في الحرم ضيع حرامه=كانت البيبان مفتوحة ولا أدري من قفلها
يوم سقتوها لقيتوا محرم النايم منامه=ميبس الأرياق ينصى القوم نصو ولا ختلها

رشيد الزلامي :

أنت ماعندك خبر يوم إنها جابت توامه=ماكفلتوها لكن الله يعافي من كفلها

(إنتهى)..






وهنا إنتهى صرف المعاني بين أحدي عمالقة الشعر .. لله درهما فمن لايتلذذ بهذه المحاورة فلا مشكلة في أن يدع الشعر وأهله.!







وأخيرا ً ..













نــــــ العش ــــــــــادر






.

آخر تعديل نادر العش يوم 15-May-2007 في 06:43 PM.

[حمد بن جوباح]

.
..

وعليكم السلام ورحمة الله وبركاته

مساء النور والسرور

ذوقك رائع جدا

ولا تطوّل علينا بمثل هالإختيارات الجزله



.
.
.














تحياتي لكـ ،،

[مرزوق حمدان العتيبي]

..
,

ارحب يانادر العش ....
عوايدك ماتجيب الا السمين ....
محاوره تكتب بماء الذهب .... ودرس بالمجان لمن اراد
ان ينهل من مدرسة رشيد
...

صح لسان ابو جميل
وصح لسان ابو ممدوح
.....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابوبجاد الرويس]

مشكور يا الذيب

ولاهنت على نقل المحاورة الرائعه

[الـــقـــرم]

مـــشــــــكووووور ويـعطيـك الـعافيـة على هـالمحـاور الـجزلـة

ومــا بـغيــت ترجعلنــا يا الـقطـوع

لـكـن بنمشيها لك المره ذي بس

ولا تحرمنــا مـن جديدك الـنـادر
.........................................
تحياتي // الـــقــرم ..,

[الهاوي990]

مشكور وماقصرت والله لايهينك
ولاتطول علينا بكل شي حلو

آخر تعديل الهاوي990 يوم 16-May-2007 في 02:32 PM.

[محمد الزايدي]

سلمت يا نادر العش
ولاتطول علينا

[فالح الكرنافـ]

مشكور على المحاوره

وييضـ اللهـ وجهكـ

واللهـ يعطيكـ العافيهـ

[مدسم الشوارب]

ارحب يانادر العش

مشكور وماقصرت والله لايهينك
ولا طول علينا بكل شي حلو

[ابو براك]

مشكور ياخوي نادر العش
وصح لسان الشاعرين
والله يعطيك العافيه على الذوق الرائع