القرقاح والعير في طاروق معناه غير من يزودنا بالتفسير

[قاسي العتيبي]

السلام عليكم ورحمة الله وبركاته
لازلت مواصل في تزويدكم بمحاورات الشعراء العمالقة إليكم هذا الطاروق..
فلاح القرقاح
في حلة عيال مفلح مرحبا بالرجال
اللي على كل طالة تبذل جهودها
أحدن يحب القمر وأحدن يحب الهلال
وأحدن يبا نقصها وأحدن يبا زودها

عبدالله العير
تبقون يا أصحابنا الغالين في كل حال
من شاعرن كل هرجة يعرف حدودها
خلك على ماتبا والعلم أظنه شمال
مزنة هل الخير قامت ترجف رعودها

فلاح القرقاح
يالعير بين النشاما مايضيق المجال
والقوم معروف حاويها ومردودها
بعض الرياجيل لامكسب ولا رأس مال
الحقد في قلوبها والغل في كبودها

عبدالله العير
إن طعتني خل لك كبدن تشيل الجبال
وارتاح في شجرة ن ماينهزع عودها
لو ألتفت فالجمال وفي عيال الجمال
ماجبت للحمل شامخها ومفرودها

فلاح القرقاح
بعض العلوم الثقال الموجعة ماتشال
يلحق ضررها عظام الناس وجلودها
اللي يحب الغضب والتفرقة والجدال
يقرب من أمات تاج يشم بارودها

عبدالله العير
اللي يبرك ذلوله فوق جحر النمال
خله لعله يشيل النمل بعضودها
الدلة الطيبة تعجبك بين الدلال
تقطع ضرم كل كبدن تزرق لهودها

فلاح القرقاح
إن كان مافاد خشم السيف خشم الريال
يقدر يسوق الجمال الصهب ويقودها
يوم اعتمدنا النوايا الواضحة والجلال
ضاقت علينا ذياب الضلع وقرودها

عبدالله العير
يابو محمد ليا عينت رزق ن حلال
دور لنا حجة ن ماتثبت شهودها
اليوم ماكل رأس يحط فوقه عقال
أزريت فالناس طاردها ومطرودها

فلاح القرقاح
الطيب اللي ثبت طيبه على كل حال
والخيب اللي يدينه تلطم خدودها
من طاوع ابليس والحيلات والاحتيال
ماتوه ألا رجال ن تقدح زنودها

عبدالله العير
اللي يبا يارد الجمة بليا حبال
لايعترض للعرب يشحذ من ورودها

[حمدان العضياني]

كبير ياقاسي

الله الله طاروق فن وذوق

[فهد الزهراني]

هلا ياقاسي

اختيار ينم عن ذائقة فريدة اهنئك على الاختبار الرائع

رحم الله العير وحفظ لنا الشاعر العلم القرقاح

وبما انكم اهل الشعر والمعاني اترك لكم النقاش حول التفسير مع اني اعتقد مبدئيا ان القرقاح يعدد صعوباته في الساحة ويمكن الطاروق على بداياته والله اعلم.

[قاسي العتيبي]

المشاركة الأصلية كتبت بواسطة حمدان العضياني

كبير ياقاسي

الله الله طاروق فن وذوق

حمدان العضياني شرفتني بمرورك ومتابعتك والكبير الله سبحانه وتعالى

[قاسي العتيبي]

المشاركة الأصلية كتبت بواسطة فهد الزهراني

هلا ياقاسي

اختيار ينم عن ذائقة فريدة اهنئك على الاختبار الرائع

رحم الله العير وحفظ لنا الشاعر العلم القرقاح

وبما انكم اهل الشعر والمعاني اترك لكم النقاش حول التفسير مع اني اعتقد مبدئيا ان القرقاح يعدد صعوباته في الساحة ويمكن الطاروق على بداياته والله اعلم.

فهد الزهراني لاهنت على مرورك ومتابعتك
بالنسبة للمحاورة ليست في بدايات القرقاح كما تفضلت هاذي قبل وفاة العير بشهر تقريباً وأنا أعتقد أنها آخر حفلة جمعتهم سوا رحم الله الميت وأطال الله بعمر الحي
وتفسيرك للمعنى قد يدور في الناحية التي ذكرتها.
تحياتي وشكري لك