بشار طوّل والضحايا تزايد

[نايف العبيد العتيبي]

بشار طوّل والضحايا تزايد = متى يفوز الشعب ويطيح بشاّر
ونقرأ سقوط الطاغية بالجرايد = والكل يفرح انتهى حزب الإشرار
والخير ياتي عقب كرب وشدايد = ولله حكمة في تدابير الأقدار
يالله يامجري السحاب الرعايد = انت الذي تِطلع من الليف جمّار
وانت الذي تحيي الهشيم البدايد = وانت الذي تعلم خفيات الأسرار
تفزع لشعبٍ مالقى له عضايد = في كل يوم وليلة يذوق الإمرار
رمشه على صوت القنابل سهايد = يرقد دقيقة واكثر الليل سهّار
من طاغية قلبه ملته الحقايد = انجس من الخنزير واخبث من الفار
خاين مغولي للعصابات قايد = طغى ياربي بالبلد واشعل النار
والشام شعبٍ للكرامة حفايد = عزيز ماينذل لو صار ماصار
واحفظ بلادي من شرور المكايد = وادم علينا الأمن والخير مدرار
وسلّم أبو متعب سنينٍ مدايد = وانت اللي تقسم للمخاليق الأعمار
واحفظ لنا سلمان واف الوعايد = يمين عبدالله قويٍ به إصرار
أخوان نورة للمعالي روايد = بهم تماري المملكة كل الأقطار
تمت وصلوا عد نبت الحصايد = على نبيٍ جاله الوحي بالغار

[أبن حشيان]

نايف العبيد العتيبي




صح لسانك يالبطل وابشرك ان بشار راح ينتهي نهايه سيه


وقرب يومه والاقتصاص منه والله ينصر الشعب السوري

الاعزل والمنكوب والتي لاحول له ولاقوه


سجل عنك اعجابي وتقديري

[نايف العبيد العتيبي]

عبدالعزيز

صح بدنك وشاكر حضورك ومرورك
والله لايهينك يالغالي

تحيتي

[عزارم]

صح لسانك ياطيب

[راعي القوافي]

الله يعجل باجله قريب ان شاء الله