الشيخ

[الشاعر فهد رحيم النفيعي]

الشيخ

الشيخ إله مرسى ومبنا وميقاف = معروف قدره يا كريم السبالي
من بيت عرف وللمواقيف عراف = كريم وافي من عدود الرجالي
وليا حكم لابد أبه عدل وأنصاف = رجل يميز بين حرّم وحلالي
وليا دعاه الوقت لابد ينشاف = يبدي ويظهر مثل نور الهلالي
يشيل حمله دائماً فوق الأكتاف = ويصبر على هب الصبا والعوالي
يسل سيف العز ماهو بخواف = في سرعته يشبه لبرق وخيالي
أعلوم صدق(ن) ما هي أرباع ونصاف = في القمة العلياء وبين العلالي
معروف فالميدان في كل محراف = يشتال حمله مثل ذيك الجمالي
لدمعة المسكين والحزن كفاف = ويصرف من امواله جنيه وريالي
وعن الخطية والملاقيف عفاف = وافي مع الوافين في كل حالي
وليا نصاه الظيف بالفعل مضياف =يقرب الجزلة وصفر الدلالي
لابد لا جاه الخبر رد الأسلاف = يزحف على العدوان فأول وتالي
يحط ربعه بين قلبه ولأطراف = مثل السحابة فوق ربعه ظلالي
هذا مثل ماني بالناس حذاف = يشهد على قولي عظيم الجلالي
واختامها صلاة في كل مشراف = على نبي(ن) منزله دوم عالي

بقلم / فهد رحيم النفيعي

[فهد الشيباني]

صح السانك يافهد .. مبدع يالذيب ..

التوقيع

.. ارسم لنفسك حدود الخطوه المنظومه واحذر احذر لاتزل اقدامك وتاكلها الحياه الفانيه في ناظري معدومه كان ماحددت قمه للهدف تاصلها

[مرزوق حمدان العتيبي]

..
.

ياسلام عليك يافهد جزاله
صح الله لسانكـــ ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الشاعر فهد رحيم النفيعي]

شبل شيبان

مرزوق حمدان العتيبي

اشكركم عالمرور

تحيتي لكم