محاوره قمه(حبيب العازمي+محمدالمسعودي)

[عبداللةالعتيبي]

بسم الله الرحمن الرحيم
السلام عليكم ورحمة الله وبركاته
أطرح بين أيديكم محاوره قديمه نوعا ما جرت بين الشاعرين حبيب العازمي والشاعر محمد المسعودي:::

محمدالمسعودي

مرحبا في محل الطيب والإحترام
أدعـي القـوم وأوفيهـا مواجيبهـا
العتيبي يخيل الشرق ويلـد شـام
من علو الجبال اللي عوى ذيبها


حبيب العازمي

والبقا يارفيعيـن البخـت والمقـام
كـل قـومٍ تبـى تقضـي مطاليبـهـا
والعتيبي ماشال البندق بلا حزام
وإن رمى بندقه يعرف مضاريبها


محمدالمسعودي

إنتـعـلـم وتاتينا كـثـيـر الــعــلام
تطـلـع الطيبـيـن وينـذكـر طيبـهـا
مابقي مع نصايب جدّك الاّ العظام
مـار لاتنقـل البنـدق وترمـي بـهـا


حبيب العازمي

هبت النود فوق الناس والطير حـام
يوم بعـض الطيور اخطت مخاليبهـا
جدكم يا هذيـل أهـل الجبـل للرحـام
مابقـى الاّ ضيـوفٍ مــع معازيبـهـا


محمدالمسعودي

مايحرّك جناح الصقر صوت الحمام
مــار نـيـتــك لاتـخـلــف هنـاديـبـهـا
جدنـا حافـظٍ عهـده وصـان النـظـام
وأنت وين الصلاه اللي تصلـي بهـا


حبيب العازمي

هيضتنـي لحونـك يـا حمـام السـلام
تزعج الصوت والجنحان تومي بها
مايجيـه الـمـلام ولا يجيـنـا الـمـلام
وأكثر الناس تدري محـد يـدري بهـا


محمدالمسعودي

عشت ماحسن كلامك يا حَسِين الكلام
يدك يطلع لها ميسمك من جيبهـا
والله إنـه سـرى فـي لـيل كـلـه ظــلام
لـو هواجيسك العذبه تغني بـهـا


حبيب العازمي

وقّعت فالكتوف و وقّعـت فالسنـام
وأنت عينك تحيمرها وتغضي بها
فيه نص حـلال وفيـه نـص حـرام
وأصبـح الشـك دايــر ودهـا جيبهـا


محمدالمسعودي

ملْحَمه فيك وموثّـق علاهـا اللحـام
روس شابت وروسٍ ماطلع شيبها
أدري إنك على جور الدهـر ماتنـام
مابـقـي مــن سنـتـك إلاّ عراقيبـهـا


حبيب العازمي

لو تخوض المعارك ما عطوك الوسام
لحـيـتك مـاتـعـدّى روس اشانيـبهـا
يوم نبني القصـور أنتـه تبنـي الخيـام
العلـوم الثقيله مـاانـت ضـاري بـهـا


محمدالمسعودي

مااشري الباعه اللي حايره ماتسام
كـل تاجـر يبيـع ابهـا ويشـري بهـا
يـوم تبنـي قصورك يا عـريب العمام
البـيـوت المشـيّـد ويــن اطانيـبـهـا ...

[العفريت]

بيض الله وجهك لا عدمناك

تحياتي

[عبداللةالعتيبي]

المشاركة الأصلية كتبت بواسطة العفريت

بيض الله وجهك لا عدمناك

تحياتي

وجهك أبيض ولاهنت.

[البتّار]

محاورة قمة فعلا وشاعرين كبيرين ..لاهنت يبو عابد على الاختيار ننتظر جديدك