الود وعهوده

[هتاش الهروال]

الناس قالو ترى غاليك = يمك يشيرويبى العوده
قلت الغلا مابها تشكيك = حنّان ومودهن يوده
مير البلا مالقضيه هيك = عقده بالاسباب معقوده
ماهيب بيدي ولايديك = عملت مكيد وهذا كوده
لوما بدى للعرب خافيك = قلت الغلا مابها تشكيك
حاضرك عندي مثل ماضيك = ذكراك لوغبت موجوده
دايم حياتي على طاريك = وإن جات سيرتك محموده
طالبك تسمع قصيدي فيك = وعطني على القول مردوده
وأقول يفداك من نسيك = يامنتهى الزين وحدوده
مالي بهاذي ولاهاذيك = فيك الغلا ناثراّ جوده
ابي ازعل الناس لين ارضيك = واحفظ لك الود وعهوده
وانا سمعت الخبر وانبيك = انك ابلاماي محسوده

[هتاش الهروال]

الرجاء من المشرفين حذف القصيدة وذلك لعدم تننسيق القصيدة بالشكل المطلوب

[مروي العطاشا]

القصيدة طالعة تمام وصح لسانك

[نمر العتيبي]

القصيده تنسيقها ممتاز
وقصيده رائعه وصح لسانك
مع اطيب التحايا