السلام عليكم ورحمة الله وبركاته
انقل لكم هذه القصيده للشاعر ضاوي العصيمي وقصيده للشاعر محمد بن فطيس المري والقصيدتين بينهن تشابه كبير فالفكره ان لم تكن تطايق وكثر التسأول حول القصيدتين ومن الشاعر اللذي بناء على الفكره اولا ووردني معلومات ان الشاعر ضاوي العصيمي قد القاها في برنامج قبل تسع سنوات تقريبا وكان مقدم البرنامج حمد بن فطيس والد محمد
وبلا شك انهم شعراء كبار ولكن فكرة القصيده تعتبر ملك للشاعر واتمنى ان توضح الحقيقه واكرر انهم شعراء قادرين على كتابة اروع القصايد ولكن كثر التسأول ونريد الاجابه .
قصيدة الشاعر ضاوي العصيمي
يوم ابتدت لعبة الدكتور بعيوني = وحضر جهازه وادواته مبريها
سألت ربي ذليل (ن) شاحب(ن) لوني =يالله وداعتك بعيوني تعافيها
اخاف من ليزره لا يخترق نوني = ولا خطاء يرخي المشرط ويعميها
ولا فضول الطبيب يبيح مكنوني = يقعد يفتش ويلقى صورة(ن) فيها
صوره عزيزه مثبتها لمضنوني = داخل عيوني عن الدنيا مخبيها
للي الا حل ذكره جنت جنوني =اومي بيمناي للجوزاء واناديها
خل(ن) غيابه شقاي ومنبع حزوني = شرايده صورة(ن) لا يمكن اصخيها
اعنف يا دكتور همي واعمق طعوني = ان كان وسوس لك الشيطان تخفيها
والا تعبث بها وتخييب ظنوني = والا على غفله الاسرار تفشيها
ويدري بها عالم(ن) منزالهم دوني =اضعوف الانفس قريبات(ن) حراويها
سري وداعتك وانت اليوم ماموني = مهنتك معنى الامانه وانت راعيها
استر ما واجهت يا دكتور بعيوني = تكسب جميله وانا ماني بناسيها
قصيدة الشاعر محمد بن فطيس المري
يامومن الريف انا جيتك زبون= جيتك على مدح اكثر الناس وعنيـــــــــت
جيت وتعالى الله عما يشركون=لولاه يامومن لطبك ما هتـــــــديــــــــت
اراضي بحكم الله علي مهما يكون= عالج اعيوني ولو بعد طبك عميـــت
والا قنصة اثبت مع الي يثبتـــــــون= واشوف طيري كل ما وميت ودعيت
ياكثر مايضرب خوي الطابلـــــــون= من كثر ما كلتها مطباة وكليـــــــت
ودي اشوف الي علي يعرضون= وبعض اليالي ودي اســـــري دون ليـت
واشوف ناسا في القفا مايرحمون= اما وقفت لصـــــــاحبي ولا مــشيــت
من دون نضاره ولاهم يحزنون= ياكثر ما كســـرت كشمـــــات وشـريت
لاكن يادكتور جعلك ماتهون= ابغيك كلمت راس دامــــك مــــــــا بديـــت
اسمع ولا ابغي الي وزانك يسمعون= ربي كتب يكشف لك اسراري وجيت
صورت عديل الروح عندك في العيون= واخاف تقطعه بموسـك ما وعيت
ولا عليك امر اطوها تحت الجفون= وعقبه لو تقطع عيونـــي مـا شكيت
هي راس مالي والعرب ما يدركون= اني على باب الممات وما حـكيـــــت
ياقوي قلبي يوم قفنا الطعون= الي على ذاك الموادع ما بكـــــــــــيــــت
يا صبر صبري والعواذل يحسبون= اني ذهلت من الهوى ولا ســــــليـت
اسكت عساهم من اسكاتي يسكتون= وانا عن الي في ضميري مـا انتهيـت
ادور الفرحه مع الي يسهرون= لاذكروني اخذت فنـــــــــــجال وسـريـت
اخذت من وقتك يادكتور العيون= عالج عيوني ولو بعد طـــــبك عـمــيت
استر علي والي معك لايفطنون= انت الوحيد الي بعــــد ربـــــي دريت
« آخـــر الـــمـــشـــاركــــات »
02-Apr-2009, 05:27 AM
ضاوي العصيمي و بن فطيس
العرض العادي
