ديوان الشاعر شقير الجذع

[@لافي الاسعدي@]

السلام عليكم ورحمة الله وبركاته
جبت الكم بعض قصايد الشاعر شقير الجذع العتيبي


*****************

********************************* ******
في مدح الشيخ تركي بن عمر بن ربيعان
يالله المعبود يامنشـى السحايـب
يـا الـه كـل الامـه تلتجيـبـه
ياعزيز الجـاه عـلام الغوايـب
من دعاك ادعات مخلص تستجيبه
تاصل الطيب وقضـاي النوايـب
والردي تقطع من الجبعه نصيبـه
في حياته ذوقـه مـر الغلايـب
وفي مماته جعل رحمتك تعذيبـه
الرجال اصناف والدنيـا عجايـب
والعلوم اطـوال القصـه غريبـه
واللـوازم عرفتنـا كـل خايـب
وعرفتنا وقفـت الطيـب وطيبـه
والفخر للي ليا جـات الصعايـب
ما يصـد وفعـل غيـره يستنيبـه
مثل تركي ذخر حماي الركايـب
شيخنا اللـي فالمواقـف نعتزيبـه
شيخ روق عمر حـلال النشايـب
يطلق المسجون ويفلـش صليبـه
حاضرن ذكره لو ان الراس غايب
مثل نجم سهيل كلـن يقتـدي بـه
من شبابه لين مات العـام شايـب
كـل شيخـان القبايـل تلتجيـبـه
ويوم مات معقبن عطب الضرايب
تركي اللـي للخفيفـه والصعيبـه
مثل ضلعن ماتزعزعـه الهبايـب
والحجا يامن به اللي يحتجي بـه
مزبن المضيوم تنصـاه النجايـب
من حداه الوقـت نصـاه النجيبـه
مزبنن للطيبيـن عـن المصايـب
نايـد الاجنـاب ولا مـن عتيبـه
من بلي بمصيبـةٍ ولهـا سبايـب
عنّد ولا جتبهـا القـدره غصيبـه
اجنبي ولا مـن الربـع القرايـب
يزبنه عند اللـزوم وينتخـي بـه
تركى اللي لو شري بالدم رايـب
نصرت المظلوم من فعله وطيبـه
ماص مفراص يخلص صلب ذايب
الصخور تذوب منهـو لا تذيبـه
معدنه فـولاذ وفعولـه غرايـب
ذخر شيخانٍ مضاربهـم عطيبـه
كم جريح وكم قتيل وكم صوايـب
وكم شعيبن قد شبع طيـره وذيبـه
من يدين مروية عـدل الذرايـب
جب شلفا بسرة القلب تغـدي بـه
مثل معتق وانشدوا هاك الجذايـب
وغيرها اللي في طلال وفي شعيبه
يوم جاء للملـح دخـان ولهايـب
ثم ساقوا بالجمـل سـاد الذويبـه
وقعتن تودع سواد الراس شايـب
والمنع مرفوع مازولن يحكي بـه
************************************************** ************************
أعو ي عو ى ذيب ٍ حد و ه الشو ا و ي
لا ياغـزال ٍ فـي محـل ٍ خـلاوي
عليك من خلـي وصـوف ٍ قليـلات
محجر ورمش ٍ فوق الأوجان ضاوي
وعنق ومخاذع وإلتفـات ٍ بصـدات
وصفك ووصفه يا غـزال متسـاوي
ويمتاز عنك بعدة أوصـاف حلـوات
يفرق بعيـن ٍ مثـل عيـن النـداوي
وعليه من شيهانـة الشـط أشـارات
سـود ٍ عيونـه يخلفـن الهـقـاوي
ويثر بصـدر مولـع القلـب دقـات
عليه يكوينـي مـن الحـب كـاوي
كي المريض اللي بعـد كيتـه مـات
فقيـر مـن فقـده بشوفـه غنـاوي
يسيـر فـي حبـه ليـال ٍ طويـلات
مريض لو يفحـص علـيّ المـداوي
يصعب عليـه ويشتبـه فالأشاعـات
ولو قلت أباخذ فحص قلب وكـلاوي
مابان لـو منـه المعاليـق خطـرات
جرح ٍ لجا والله علـى الكـل قـاوي
عــلاّم بالبـيّـن وبالمستـكـنـات
الحب نقـص بكـل قلـب ٍ شقـاوي
ودواه ما يـورد علـى الصيدليـات
مالـه عـلاج ولا طبيـب ٍ يـداوي
إلا أنت يا راع العيـون الكحيـلات
يا غصن ريحان ٍ على الحوض راوي
يعدل عليه من المدي عشـر مـرات
عليه سـاق العيـن مـاش ٍ نحـاوي
ريّـان عـوده والزماليـق غضّـات
مالـه حلـيٍّ بالحضـر والـبـداوي
ولا بالقرى يوجـد ولا بالجزيـرات
إلا عليـه مـن الغزيّـل مـهـاوي
خشف ٍ من أصوات المصاليع حذرات
وساعة ماشوفه كن جـوي خـلاوي
كني ورى البيبـان دونـي خفـارات
أعوي عوى ذيب ٍ حـدوه الشـواوي
مفلس وجار ٍ له من الجوع لوعـات
********************** **********************************************
لا ياغزال ٍ في محل ٍ خلاوي
= عليك من خلي وصوف ٍ قليلات
محجر ورمش ٍ فوق الأوجان ضاوي
= وعنق ومخاذع وإلتفات ٍ بصدات
وصفك ووصفه يا غزال متساوي
= ويمتاز عنك بعدة أوصاف حلوات
يفرق بعين ٍ مثل عين النداوي
= وعليه من شيهانة الشط أشارات
سود ٍ عيونه يخلفن الهقاوي
= ويثر بصدر مولع القلب دقات
عليه يكويني من الحب كاوي
= كي المريض اللي بعد كيته مات
فقير من فقده بشوفه غناوي
= يسير في حبه ليال ٍ طويلات
مريض لو يفحص عليّ المداوي
= يصعب عليه ويشتبه فالأشاعات
ولو قلت أباخذ فحص قلب وكلاوي
= مابان لو منه المعاليق خطرات
جرح ٍ لجا والله على الكل قاوي =
علاّم بالبيـّـن وبالمستكنات
الحب نقص بكل قلب ٍ شقاوي =
ودواه ما يورد على الصيدليات
ماله علاج ولا طبيب ٍ يداوي =
إلا أنت يا راع العيون الكحيلات
يا غصن ريحان ٍ على الحوض راوي
= يعدل عليه من المدي عشر مرات
عليه ساق العين ماش ٍ نحاوي
= ريـّـان عوده والزماليق عضـّـات
ماله حليٍّ بالحضر والبداوي =
ولا بالقرى يوجد ولا بالجزيرات
إلا عليه من الغزيـّـل مهاوي =
خشف ٍ من أصوات المصاليع حذرات
وساعة ماشوفه كن جوي خلاوي
= كني ورى البيبان دوني خفارات
أعوي عوى ذيب ٍ حدوه الشواوي
= مفلس وجار ٍ له من الجوع لوعات
************************************************** ******
قلبي اللي كل ما قلت أظنـّـه يستريح
= تله الهاجوس تلة مغادرت المطار
أعلن الكبتن للإقلاع بلسان ٍ فصيح
= ثم شلعها شلعة اللي جفل جول الطيار
واكب الجول المواكب وصقـّـاره يصيح
= وقام يبدي في طويل الرجوم مع القصار
ايتنهت من غبونه وجايله فحيح
= من غروب الشمس والجو غطاه الغبار
والسبايب منك يا راعي الوصف المليح
= بْـعدكم ليل ٍ بعيني وروياكم نهار
ساعة ٍ فيها ماشوفك تقول إني طريح =
مثل طرح المعركة قدم من يد العيار
ولو كتمت اللي بقلبي قعد معيه يسيح
= ما جداي ألاّ أصفق الكف الأيمن باليسار
منك قلبي ياشقر الراس صوّان وقديح
= كل ما يقدح براس القديح يشب نار
بس أخفـّـي كل مابي وأنا قلبي جريح
= جرح حب ٍ بين الأضلاع من فوق الستار
والله إني منك يا صاحبي علم ٍ صحيح
= أشتكي لك مير ما خذت له عين اعتبار
تجرح القلب المولع وفي طبّـه شحيح
= والسبايب عينك اللي لها الفكر استدار
إن ذكرتك من غرامك قعدت آقف واطيح
= وإن حكي لي في مجالك عليك الدم فار
فار لك بالحب دمي من القلب النصيح
= ولو ليالي خيرتني تخيرتك خيار
أنت فيك من العسل ذوق ومن المسك ريح
= وفيك ريح العود الأزرق وريح من البهار
وأنت خدك مثل برق الحيا يلمح لميح
= وأنت في عينك تواصيف لعيون الحرار
وأنت لولا الجسم يفرق مع اللبس المليح
= صرت ظبي ٍ كل ما يسمع الصوت استدار
ما يبيحك خالق الناس لو تا تستبيح
= وأنت تبنَ الذنب فوقك مثل بنيَ الجدار
مذنب ٍ فالناس ياللي على متنك سريح
= يوم تذلق روسها كنه أذيال المهار
************************************************** ****************
ابانصح صديقي يشترى و ضح قبل المو ت : قصيدة موجهه للشاعرغازي بن جري العقيلي المطيري

ابنصح صديقي يشترى وضح قبل الموت
يشوف الربيع ليـا نبـت ويتمتـع بـه

يشوف الربيع وللمغاتير يرمـي صـوت
ليا هايف المرقاب فالعصـر يطلـع بـه

عـن القصـر ابـاه يـداوي المـروت
لعلـه ليـا شـم النسيـم يتولـع بـه

ليا شاف له وضح تلامع كمـا الياقـوت
من الجال الاقصى مايلاتن علـى دعبـه

تكسر على الحيران مثل الفهود سكـوت
ليا جر صوته جرة الصوت تقـرع بـه

على الصوت ممشاهن مثل لابسين البوت
مثل مشيت الطابـور لمعلـق الجعبـه

على قعدة ملحه تشوت المضامي شـوت
تبى مشرعٍ قـدم الادبـاش تشـرع بـه

جذبهن شريك اعقولهن بالغنا والصـوت
تداحم على ورك الرحـول وتسمـع بـه

ليا صاح لو ان الحوار الصغيـر يمـوت
تخليه يقعـد فالخـلا مـا تشـوع بـه

ليا صكهن ريـعٍ وبايـن وراه خبـوت
معشى القفر راعيهن العصر يطمـع بـه

مراجل هل الطالات ماجابهـا سربـوت
ابا انصحك بالصعبات ياراعي الصعبـه

ترى العمر سجه والليالي سوات الحوت
وترى الوقت يقضي يا العقيلي كما اللعبه

تغانم وسج اقدام رجليـك قبـل يفـوت
شبـاب تدنيـه الليالـي وتراجـع بـه

وانا مانصحتك خايفٍ ماتحصـل قـوت
لكن الشجيع ليـا شراهـا تشجـع بـه

ابـا فالربيـع يوصلنـك ديـار بخّـوت
وقت المصيف يسندٍ بـك ليـا الشعبـه

وانا احبها حب العواجي عقـاب النـوت
وعسى مبغض البل يبغضه حامي الكعبه
*****************************
الله مـن حـبٍ تكنـه ضلـوعـي :: حتـى تـوزع فالشراييـن توزيـع

الله مـن حـبٍ تكـنـه ضلـوعـي
حتـى تـوزع فالشراييـن توزيـع
عليك يـا زاهـي ثـلاث الردوعـي
أعوي عوا ذيب ٍ وقفله علـى ريـع
ذيب ٍ يجر الصوت من عقب جوعـي
وياخذ مع البيـدا هذيـب ومذاويـع
جايع ولا حوله مـن النـزل دوعـي
ويجر له صوت ٍ يشيـب المراضيـع
وعليك من بين الحواجـب دموعـي
هجّـال وسمـيٍ امزونـه مصاليـع
قطعـت فيّـه يالغـزال القطـوعـي
أشريك وأنت تبيعني بأرخص البيـع
وعذبت قلبي يا حسيـن الطبوعـي
وحبك شربته مـع نسيـم الذعاذيـع
ما ارخي لهرج الناس دونك سموعي
لو عذّلوني عنك لااسمـع ولا اطيـع
ليا غاب عنّـي ليلـة ٍ بالسبوعـي
كنّه تمـزّع بشـرة القلـب تمزيـع
ما عاد أفـرّق سبتهـا والربوعـي
يصيبني سجّه عن الـدرب وأضيـع
خشف ٍ معي ياللهوا طـار شوعـي
وخلاّ لذيـذ النـوم عنـدي تقاطيـع
إليـا ذكرتـه والخلايـق هجوعـي
أفـز فـزّة غافـيٍ عقـب تـرويـع
للبيض نوع ولشقر الـراس نوعـي
زين الوصوف وكامـلات التطابيـع
من جفّـل الغـزلان فيهـا ربوعـي
وفيها وصوف من الحرار المواقيـع
لا هو متيـن ولا قصيـر الدروعـي
ولا هي من الحدب الطوال النعانيـع
ولا هو نحيف ولا بمشيـه يتوعـي
عليه وصـف مجـدّلات المصاريـع
يابن جري قلبي معه صـار طوعـي
وشرّع له أبواب الهوا الخمس تشريع
واحد منه قلبـي تقـول مخلوعـي
كنّه ينشعنـي مـن الخمـر تنشيـع
وثاني بقى نومي على راس كوعـي
أفتـح مشاريـع ٍ وأقفـل مشاريـع
في غبة ٍ تغـرق طويـل البتوعـي
يصعب على من طب فيها المطاليـع
وثالث بديت وعنه صعب ٍ رجوعـي
يابن جري تصعب علـيّ المراجيـع
ورابع بقى وقتي نـزول وطلوعـي
يضرب بي الهاجس وساع المخاويع
وخامس ملك ما يملكنّـه ضلوعـي
لا هوب لا سلفه ولا هـوب توديـع
ولا هوب غصب ولا رضايه وطوعي
الحـب قسمـه والمناهـج تناويـع
هذا الخبـر والله عليـه السنوعـي
وأبغى الحلول من الرجـال البواتيـع
اللي على الصعبات مثـل الدروعـي
رحامـة ٍ وقـت القطاعـة قواطيـع
اللـي مواقفهـم سـواة الرجوعـي
مودع هشيم القاع خضـر ٍ مهانيـع
وأخص فيها اللي له العسر طوعـي
غازي له العسـرات دايـم مطاويـع
رفيقي اللـي فـيّ دايـم جزوعـي
ياجب لي أشرحله جميع المواضيـع
عسـاه يلقـا حـل بأيـات نوعـي
وألاّ يقنعنـي عـن الحـب تقنـيـع
**************************************************
اليوم انـا قلبـي علـى خـف وجنـاح
مـا عـاد يبغـى مصـر شطـه ونيلـه

حتيـش لـو يطلـع بمنجـى وتـفـاح
وحتيـش لـو فيـه العمايـر طويـلـه

دارٍ ابهـا المشهـور مصـري وفــلاح
مـا حـدٍ يعـد اصلـه ولا لـه قبيلـه

ربـعٍ تضيـف ضيفهـا رجـل وجنـاح
واطيبهـم اللـي جـاب ديـكٍ يشيـلـه

اشتالـه البركـان والصـبـح منـبـاح
وعـوض مبانيهـا الرفيـعـه نثيـلـه

ويصبح صحن صاحي من النزل صحصاح
وينجابـه اللـي خالقـة يعتنـي لــه

ينجابـه اللـي فيـه يأمـر بالاصـلاح
ومـن لايخـاف الله عسـى الله يزيلـه

دارٍ انساهـا لبسهـا شـرب وشـبـاح
واللـي يحاكيـهـا تـقـف وتحكيـلـه

يمشـن والاسـلاب مـن قـدم فـتـاح
وانـا دخـيـل الله منـجـي دخيـلـه

ماجيـت لـه ياسيـد البيـض سـواح
ولـولاك والله يـا الغضـي ماعنيـلـه

ولو قلت لـك مرتـاح مانـي بمرتـاح
يعلـم بـه اللـي كـل هــمٍ يزيـلـه

وصبرت لاجـل دواك ياضبـي الابـراح
هـذي مـن السفـره ثلاثـيـن ليـلـه

اقعد من المغـرب ليـا نـور الاصبـاح
القلـب كنـه فـوق حامـي المليـلـه

قلبـي قفـل ولـه الهواجيـس بمفتـاح
ليـا صـدر هاجـوس الاخـر يجيـلـه

صبرت صبر ايـوب ليـن الصبـر راح
راح الكثـيـر ولا بـقـى الا قلـيـلـه

قلبـي كمـا طيـرٍ دعيـلـه بـمـرواح
هـواه نجـد وجلستـي ويـش هيـلـه

وجـداه يـا شمـة ذعاذيـع الاريــاح
فـي نجـد غـب مـروحٍ سـال سيلـه

مـن الحجـاز ليـا شـروره والاسيـاح
مـا بـه شعيـبٍ مـاتـدارج مسيـلـه

ديـرة مكسـرة الجنـابـي والارمــاح
مـاهـو بــدار مصلحـيـن البليـلـه

دارٍ بهـا عشنـا شريفيـن وصـحـاح
مـا قيـل ذي جربـا وهـذي عليـلـه

يازينهـا لـو عيشهـا صعـب وكفـاح
وياحلوهـا لـو شربـهـا حنضليـلـه

وياما حلـى فيهـا ولـد بـاش سـراح
سجـه ومـع بعـض الرجـال تعليلـه

في مجلـسٍ هرجـه سواليـف ومـزاح
والنـار تشـعـم والمسـيـر يجيـلـه

والكبش جابه من هل المـرح الاشحـاح
من ضان ربـاط العصـا فـي صميلـه

وقال اقلطـوا ياعيـال عـن الشبطـاح
ورمى الشـوا بيـن الحطـب والنثيلـه

لا من طيـر النبـت غـب النبـا نـاح
هـذي طـرات العـمـر والله وكيـلـه

ويازيـن فيهـا جلسـتٍ قبـل الامـراح
صـافٍ قمرهـا غـب نـو المخيـلـه

فالعبلـه اللـي رملهـا تقـل مسـبـاح
ابيـض كمـا اللولـو والاحمـر مثيلـه

يعطيـك بألوانـه تشاكـيـل وألـمـاح
مثـل الخـرز ومشـاركـه دق نيـلـه

ارضٍ عليهـا مشـي الاقـدام يـرتـاح
سجـتٍ قـدم بالنعـل ماتحتـري لــه

ليا ذعذع الغربـي وريـح النفـل فـاح
سقـوى سقـى الله سجـت فيـه ليلـه

بأطـراف قطعانـن تمرجـح تمـرجـاح
ترعـى فـالارض قفـرٍ خـلا مولفيلـه

يقهر لـه المقهـور سرحـه ومـرواح
وتكسر على صـوت الحـوار وعويلـه

وتـرازمٍ لفـواق مــن ذود مـصـلاح
ودرهـم بمحـلابـه ونـفـذ شليـلـه

وقرب لهن ماعون ليـن الرغـو سـاح
مــا كـنـه الا بالوقـايـا يسـيـلـه

اثن البطون السداس مجهـم ومضيـاح
ومـن لا كسبهـن ساعـتـه عزتيـلـه

حتيـش لـو يكسـب ملاييـن الاربـاح
تعبـان قلـب وراس يـومـه وليـلـه

يتعـب وتاكلـهـا قليلـيـن الافــلاح
نـاسٍ تجـي بعـده وتنسـى جميـلـه

ومرقـد العمـر الفنـا ويـن مــاراح
فراشـه الطـيـن وغـطـاه النثيـلـه

وتطلع ملايكـة العمـل بيـض الالـواح
وتخسر بهـا اعمـال اليديـن البخيلـه

ويخسر بها اللي يعمـل الجـرم منـزاح
تــوه بــدا ولا ليـالـه طـويـلـه

مثل البهيـم ليـا شبـع فالحيـا صـاح
لمتـلـى بطـنـه تـزايـد صهيـلـه

وليا غـاب بطنـه صـار للحـق نفـاح
مايكـتـب الا الناقـصـه والفشيـلـه

لاخايـفٍ ربــه ولا طــاع نـصـاح
يلعـبـه الشيـطـان بـيـا وسيـلـه

نـذل يبـى بالجـرم شهـرة ومــداح
يرضـى شياطينـه ويـزعـل كفيـلـه

وهذاك حظـه لـو صعـد للعـلا طـاح
جـزاه نـار مـا عمـل تحتـري لــه
************************************************** *********



شف قلبي يا بن هـادي ثـلاثٍ بينـات
يتزيـد شوقهـن يـوم يبـدي حلهـن

هن هوايا والرياجيل كلـن لـه صفـات
ولو غفل عنهن قصير النظر راح إلهـن

دايمٍ في موج فكري يا مطلق حاضـرات
ولو حصلي وحّده قلـت ابيهـن كلهـن

اتشرف بأسمهـن حاضـرات وغايبـات
وستعـز بعزهـن واستظـل بظلـهـن

اسمهن عز الفتـى فالحيـاة وفالممـات
ولا ينال اعجابهن ليـن يتعـب خلفهـن

ولو عطني يابن هادي وعد ومعاهـدات
فيه ناس اصحاب غيري وفيه اعدا لهـن

هينـات ليـنـات عّـجـابٍ قاسـيـات
ولو صفلي بعض الاوقـات مايصفلهـن

بينهـن وبيـن الايـام سـو مفاهمـات
الشدايد ريف هن والرخـا ضـد إلهـن

الشدايد تثبت اصحابهـن علمـن ثبـات
والرخى يمكن اصحاب الرخى تاصلهـن

يعشقن ارجال ورجال عنهـم شايمـات
ولا يعيش بجوهن كـود مـن يعملهـن

ومن عشقهن بعض الايام يمكن ما يبات
والمتاعب من سلوم الرجال ارضى لهـن

ولو رضي الرجل بوحده نفـن الباقيـات
ولو رضي ثنتين وحده بقـت ترطنلهـن

واصبحن بعشـق معشوقهـن ناقصـات
ومن مشى ممشى زمنهن بقى عمٍ إلهـن

خالهن من جدهـن بالوصـول مـرددات
ما نقول فلان ابوهـن ولا خـال إلهـن

وبينهن وبين بعض الرجال مطاوحـات
ان سكن مساكنهن وأن بقى جار إلهـن

رجل يرضن به ورجال عنـه محرمـات
ما يودن له رسالـة ولا يرسـل إلهـن

ما يساهم باسمهن لو تصير مساهمـات
والردي لو زاد ماله ماهو شـف إلهـن

شفهن ذربين الايمان حصـن الواجبـات
مودعين قلوب الاعـداء تمـوت بغلهـن

في هواهـن يطلبـن القلـوب الطيبـات
وان لفاهن قلب مخلص بقـى ملفلهـن

فالقلوب وقمة الـروس دايـم ساكنـات
وبهـن الله عـز روس وروس ذلـهـن

ومن ملكهن كلهن فـاز وهنـه فايـزات
واصبحن عزٍ لراسه وهـو عـز إلهـن

بس تشروط لـه الصـادره والـواردات
ومن رضى بشروطهـن لازم يركنلهـن

شرط هن سهر الليالي ونطح الموجبـات
والفروض الخمس من شرطهن وافطنلهن

اسمهن في جسمهن ثـلاث المعجـزات
وان عرفت احلولهن يابن هادي حلهـن

اسمهن بالداء والشيـن والكـا كامـلات
والكمال لمن رفع ذكرهـن تـاج إلهـن

الاسامي تختلف بالحـروف المجمـلات
انتبـه والحـرف الاول هـذا رمزإلهـن

من خلقهن ربهـن يعشقـن وعاشقـات
قلب يعشقهن وبعض القلـوب اتملهـن

ومن حصانة حبهن للرجـال محصنـات
الله الـلـي دل عشاقـهـن ودلـهــن

وكم عشيرٍ عاشرنه وتال العمـر مـات
ولو بكن له عوج الايام ما يبكـن لهـن

الليـال بغلبهـن يضحكـن ومعجبـات
مايبـن لهـن غليـبـه ولا ياونلـهـن

الليـال بحكـم خـلاق هنـه ماشيـات
ان مشن في صفهن وان مشن عكسلهن

ونوب سترٍ للخوامل ونـوب مفضحـات
الوفا من طبعهن والشرف بـاب إلهـن

اسمهن تحكيبه الناس من سبع اللغـات
ولو تتقت روسهن ما تقى صيت إلهـن

كل رجمن للشرف في حجـاه موايقـات
مـا يريـدن التقـا والبيانـه اجولهـن

مترفـاتٍ مطربـاتٍ عفـافٍ طـاهـرات
سعد من حظه ملكهن وصـار اخولهـن

يابن هادي ويش رايك بهـذا المترفـات
قل يسعـن معهـن الرِجـل ولا خلهـن

وان ومرت بدربهن يازبـون الموجفـات
لا تحط اعلان باسمـي قبـل تعلنلهـن

لا تحملنـي عنـاهـن دون موافـقـات
وان عطنك علـم قلـي خبـرك وقلهـن

خلها كلمـة عدالـه بـدون مجامـلات
ولا تصالحهن مع اللي ماهـو كفوإلهـن

قلتهـا يـومٍ قلبـك لبيـب للـوصـات
تفهم المعنى وتسكب طرف عـدّ إلهـن

ساكـنٍ باطـراف عـدٍ يجـنـه واردات
ان لفن لك عـم ولا تجـي لاف إلهـن

حط بالك للمجابيـل وأنسـى الرايحـات
وان عصاك الوقت شد الحبـال وتلهـن

مايجـن الا بشـد الحبـال المحكمـات
والليالـي كـل ماترتـخـي يرخلـهـن

وتم معناهن بذكر الرسول مـع الصـلاة
وباسم خـلاقٍ خلقهـن وزيـن دلهـن
************************************************** *************************

منقول

وصلى الله وسلم

اخوكم (لافي الاسعدي)

الموضوع مكرر
الاخ الغزيز / لافي الاسعدي
شكرا لك على هذا المجهود الرائع ..

ولكن عزيزي لو أطلعت على دواوين شعراء عتيبه المثبته بأعلى
القسم لوجدت ديوان الشاعر الكبير / شقير الجذع
واضفت للديوان باقي القصائد ..
فلذا سنضطر لغلق الموضوع
المراقب
http://www.otaibah.net/m/showthread.php?t=4599
...

[عبدالرحمن الهيلوم]

صح السان الشاعر
ومشكوووووووووور ع النقل يالغالي