أبديت بعض الكلام .. وفيـه عنـدي كـلام=عساااي ما انحّد في عمري واقولـه لأحـد

[فيصل المسعودي]

الـــشـــاعــــر/

مـــرزوق الـــروقـــي

أبطيت ما أبديت مافي خاطـري مـن كـلام=لـو بيـن الاضـلاع هـمٍ مايعـدّه عــدد
سكّـت لأن الكـلام يهـجّ بـاب الـمـلام=واليوم طالت بـي اوجاعـي وطـال الأمـد
اليا انجلا الليـل الاظلـم حـل بعـده ظـلام=كـن الظـلام متسيّـد عالـمـي لـلأبـد
ورحى المواجـع ليـا دقـت جـروحٍ قـدام=قامـت سنينـي تناولهـا جـروحٍ جــدد
واليا تقضّبت فـي حبـل الرجـا مااستقـام=امّا فلت مـن يـدي والا غـدا مـن مسـد
صحيت مـن صدمـةٍ منهـا يفيـق النيـام=في غفلتي مادريت الاّ بـ.. (( قم ياولـد ))
ووقفت والمـوت مابيـن اللحـم والعظـام=يفتك وانا اطلـب مـدد لكـن مابـه مـدد
ناديت من حولي وصوتي صـدح فالزحـام=وصـداه عـوّد علـي يقـول مافيـه احـد
ربعي مضوا دون عوده .. لو حشمت الحشام=واصحابي اقفوا بعد .. واحبابي اقفـوا بعـد
والغيث عيّـا يحـول مـن بطـون الغمـام=لو .. لوّح البرق فـي وجهـه ودنّ الرعـد
أمشي واشوف التساؤل في عيـون الأنـام=ليه الزمـان انقلـب والكـون جـنّ وقعـد
ليه انقتل حلم مـن يحلـم بعيـش السـلام=اليا سلم من حميّـد .. ماسلـم مـن حمـد
بين المحـن والـزلازل والحمـم والحطـام=ذنوب تفعل عمـد .. وذنـوب شبـه العَمَـد
وطى الكبير الصغير وقيـل حسـب النظـام=ووطت بلد في بلـد .. قالـوا سياسـة بلـد
وانا أرى والله اعلـم .. والنـوازل جسـام=نص البلاوي بدت من تحـت راس الحسـد
كلن يبا الـزود عنـده لـو يجـي بالحـرام=ياخـذ ويمنـاه .. مغلولـه ليـا جـا يمـد
اضعاف الانفس هل الروغـات روس اللئـام=تناقـص ايامهـم واحوالهـم فـي نـكـد
لا شافوا ابن الكرام اللـي بلـغ لـه مـرام=كلن جذب من قصـي الـروح ونّـة كمـد
أبديت بعض الكلام .. وفيـه عنـدي كـلام=عساااي ما انحّد في عمري واقولـه لأحـد

منقوول

[/عبد العزيز الجذع/]

الله عليك.


رائعة يالرائع.

صح لسان الشار المبدع/ مرزوق الروقي.

والف شكر يالغالي.

[عــ الد ـــيـــ لبحي ـــد]

صح لسان القايل وبيض الله وجه الناقل





تحياتي : عيد الدلبحي

[عبدالله الجـــذع]

الله اكبر الله اكبر

مرزوق الروقي
شاعر استوطن الابداع والجمال
قصيده قمه فالجمال والروعه
وآتيه من احساس مليء وصادق

صح لسان شاعرنا المتميز مرزوق

الف شكر لك يالمميز فيصل

محبك

.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهد النفيعي]

مشكور ياخالي على النقل قصيده ولا اروع

[فيصل المسعودي]

المشاركة الأصلية كتبت بواسطة /عبد العزيز الجذع/

الله عليك.


رائعة يالرائع.

صح لسان الشار المبدع/ مرزوق الروقي.

والف شكر يالغالي.

هلا بالغالي

الروعة والإبداع تتجلى بحضورك المشرف

شكراً لك

تحياتي

[فيصل المسعودي]

المشاركة الأصلية كتبت بواسطة عــ الد ـــيـــ لبحي ـــد

صح لسان القايل وبيض الله وجه الناقل





تحياتي : عيد الدلبحي

ووجهك يالغالي

شكراً لمرورك الكريم وردك الطيب

تحياتي

[فيصل المسعودي]

المشاركة الأصلية كتبت بواسطة عبدالله الجـــذع

الله اكبر الله اكبر

مرزوق الروقي
شاعر استوطن الابداع والجمال
قصيده قمه فالجمال والروعه
وآتيه من احساس مليء وصادق

صح لسان شاعرنا المتميز مرزوق

الف شكر لك يالمميز فيصل

محبك

.

عزالله انك صدقت ياغالي

إحساسه في هالقصيدة إحساس شاعر صادق

شكراً لتواجدك المميز دائماً ياغالي

دام تواصلك وحضورك المشرف

محبك

[فيصل المسعودي]

المشاركة الأصلية كتبت بواسطة فهد النفيعي

مشكور ياخالي على النقل قصيده ولا اروع

الروعه تكمن في مرورك يالبناخي

شكراً لك

تحياتي

[محمد العتيبي]

صح لسان الشاعر مرزوق العتيبي ..

وتسلم يداك يابومنيف ..

تحيتي لك ..
...

التوقيع

للتواصل عبر twitter تويتر al_bargawy@