[ مع السلامة رافقـتك السلامة ] كلمات الشاعر : عبدالله متلع العضياني

[راعي الشوشلية]

السلام عليكم ورحمـة الله وبركاتة


آمل أن اكون وفقت في أختياري لـ القصيدة وهيا كلمات لـ الشاعر المبدع : عبدالله متلع العضياني

وأترككم مع القصيدة ..

معاد يحتاج اشكي الحال للناس =صار العنا في وسط وجهي علامه
بــعــد الامـل عودت مع سكة اليأس =ياحلام عمري رافقتك السلامه
الحب تـأثـيـره على كـل حـــســاس = وانـا انـجرحـت ولا عــليـه مـلامه
جرحي من اللي عينه عيون قرناس = ومن فوق حمر شفاه مرسوم شامه
وابو حجاجن منحني حني الاقواس =وابو رموشن مثل ريش النعامه
في كفه الحنا وفي عنقه الماس = ولا يـلـبـس الا واردات الفـخامـه
الزين فـيها زايد ولا لـه قـياس =فالزين انا اعطـيـها شـهادة زعامه
من بيت عز ولا تظاهر بالافلاس =دلوعـتـن من بـيـت عـز وكـرامـه
طـرتـلي الفرقـا وطـوحـت مـنحـاس = واخذت مع ذكرى الليال انسجامه
قالت علامك ساكت ولالك احساس = عجزت ارد وكـن فيني طرامه
وكتبت مافي داخلي وسـط قرطـاس = وجاوبت بنياحي نياح الحمامه
ماهوب سهل اللي ضرب قلبي بفاس = عليه غـرقـنا سبـوق العـمامـه
ماكـل صدمه عــايره تــوجع الـراس=الا الـولـيـف اللي عليه الندامـه
ياللي جرحت القلب ماعندك احساس = مع السلامه رافقتك السلامه

تحياتي للجميع ..

آخر تعديل راعي الشوشلية يوم 26-Dec-2010 في 08:24 AM.

[أعلامي]

ياللي جرحت القلب ماعندك احساس $ مع السلامه رافقـــتك السلامه

..
.

كلمات في غاية الروعه والجزاله ابحرت بنا وانسجمنا مع القصيدة ..

يعطيك العافيه راعي الشوشلية على النقل وعلى الاختيار الموفق ..

.
.

تقبل ودي وردي

[ابن صنهوت]

صح لسان ابن متلع ولاهنت انا اشهد امك وفقت فالاختيار

[راعي الشوشلية]

المشاركة الأصلية كتبت بواسطة أعلامي

..
.

كلمات في غاية الروعه والجزاله ابحرت بنا وانسجمنا مع القصيدة ..

يعطيك العافيه راعي الشوشلية على النقل وعلى الاختيار الموفق ..

.
.

تقبل ودي وردي

اهلن بك اخي أعلامي في صفحتي وبوركت على حسن الرد والرآي

ولاهنت على المرور .. تحياتي لك

[راعي الشوشلية]

المشاركة الأصلية كتبت بواسطة ابن صنهوت

صح لسان ابن متلع ولاهنت انا اشهد انك وفقت فالاختيار

صح بدنك والله لا يهينك تسلم على الرد وعلى مرورك لصفحتي