قصيدة للفارس ضيف الله بن تركي بن حميد

[المقرن]

ضيف الله بن تركي بن حميد سمي بالعفار لشجاعته يلحق الخيال ويخطفه من على جواده ويعفره في التراب ثم يقتله أو يمن عليه...

يالله ياللي نطلبه دائم الدوم = يامخلف النيه بنقص العزايم
النفس ماتقبل من الزاد مطعوم= من شافني كني عن الزاد صائم
البارحة عيني قزت عن كرى النوم =يوم الثريا قابلت للنعايم
تخالفت بالقلب قالات وهموم = يوم الشكالة ماتهم البهايم
بالليل اهوجس لي بقالات وعزوم =للروح خلاق وللعمر سايم
ذولاً نصالحهم وناس لنا قوم = واكوان يشبع غبها كلحايم
لما سكنا نجد من غير معلوم = بصولات بها صافي الجو غايم
يانجد ماوالله نزلناك بسلوم= ولا انت بورث جدودنا والقدايم
يانجد خذنا فيك حق ومرسوم= وصفا جنابك عقب نطل العمايم
خذناك عقب مدارك العمر والسوم = سوم يخسر لابسات اللثايم
كم خايع بين الحفيفين ما سوم = كل يبيه واصلين الكظايم
عاداتنا نرعى الخطر دايم الدوم = يرعى دبشنا فيه والحظ قايم
نرعى بربع كنهم دولة الروم = مركاضهم بالضيق يجلا اللوايم
لاصاح صياح الضحا جن حثلوم = الخيل بالفرسان عجل همايم
يازين سجتنا علىالفطر الكوم = يوم بلاش ويوم جبنا الغنايم
لو الخيال مسرح من ضحااليوم = امطر وسيلة دم روس العدايم

[ابن مشيب]

بيض الله وجهك ورحم الله العفار ورحم اموات المسلمين , ومشكور ياخوي المقرن على هذة القصيدة لهذا البطل.


تحياتي.

[المقرن]

وبيض الله وجهك يابن مشبب فلا شكر على واجبنا تجاه هذه القبيلة وذكر امجادها وفرسانها وشعراءها 0000مع فائق التحية

[اخوحصه]

بيض الله وجهك اخوي المقرن على هذا الحفظ والعادات الطيبه والسمات الحسنه ولا اقول غير الله يرحم العفار واموات المسلمين اجمعين والسلام ختام

[محمد العتيبي]

الله يرحمه ويغفر له .. ومشكور ماقصرت ..

التوقيع

للتواصل عبر twitter تويتر al_bargawy@