أخواني اقدم لكم بعضا من قصائد الشاعر الكبير قبلان مهنا الشيباني آملا ان تحوز على رضاكم .
هذه القصيده في مزاين عتيبه والتي ألقاها الشاعر الكبير قبلان مهنا الشيباني في حفلة العقيلي .
سبحانـك اللهُم حمـداً وتكبيـر=ورضاك غأيـة جمعنـا واشتياقـه
جمعٍ من العارض أليا غربي النير=أدنى فعول الرجل حَمـاي ساقـه
لشيوخنـا وضيوفنـا والجماهيـر=سلام مثـل الـذوَب حلـوٍ مذاقـه
وإن كان للتعبيـر بالشعـر تأثيـر=بيني وبين الشعر عرف وصداقـه
أصادق الشَرد صعـاب الأباكيـر=ولآني بصادقهن على غيـر فاقـه
ألا بليلٍ فيه جمع ومحـاضيـر=صيدٍ ثميـن وللعـوارف إشَفاقـه
لو كان ما خلا كديميس وشقيـر=ورشيد وبن عون منهـن أذواقـه
وأمثالهم – ندَر فحـول الشواعيـر=كلٍ حجـز قسمـه وجـود وثاقـه
ليلٍ جمعنا ليـل بهجـة وأساريـر=إخوان وأبنا عمَ وأصـل ورفاقـه
برقـا وروق متيهيـن الخواويـر=في كبد نجـد أم الخـدود الرقاقـه
حنا عتيبة وضعنا في الملأ غيـر=لنا مع أفضل سلم عهـد وعلاقـه
طابورنا ماهوب مثـل الطوابيـر=حرزٍ منيـع ويستحيـل إختراقـه
ورجالنا في حَـر والآ زمَهَريـر=ما فيه طأيل للمراجـل مـا واقـه
من غير نقصٍ في القبايل وتقصير=كلٍ نقـل حملـه وفوقـه وساقـه
في مملكة رقط السبـاع الكواسيـر=آل السعود أقصى الكمال وغلاقـه
سادة سلاطين الـدول والمشاهيـر=ليا هاج موج وفي الأمور إصطفاقه
للديـن عـز ونقمـةٍ للخنـازيـر=من قول فيصل مـا لفقتـه إلفاقـه
الله يديم الستـر والأمـن والخيـر=ويحلا المزاين بيـن ناقـه وناقـه
سفن الصحاري شايحات المشاوير=المستديـرة والطنـوب الدقـاقـه
أمـا مكاسـر نيـل وإلا مغاتيـر=وإلا شمعليـات فيهـن شعـاقـه
خدود وعرانين ومهـادل محاديـر=وأرقـاب فيهـا للأمـام انَطلاقـه
فج النحـور مفهقـات المحاصيـر=تمشي سنود وكـن فيهـا إنفهاقـه
ستر الوجيه ومغَنيات المعـا سيـر=نوماس صبيان الظفـر والحماقـه
الأحمريـن أثمانهـا بالقناطـيـر=قدام نبـع الزيـت يبـدأ إندفاقـه
وختامها حمـداً وشكـراً وتكبيـر=وأزكـى صـلاةٍ للنبـي ورفاقـه
قصيده للشاعر / قبلان مهنا الشيباني ، تعبر عن ما فيها .......
أسهل وسيله تمشي طالـب الشهـره=مع قافلـة مـا يسمـى بالنجوميـه
يشيل وجهه ويلبس وجه ابن فهـره=ويخوض الاعلام في رخصه عموميه
ويقدمه مخرج التلفـاز فـي سهـره=شاعر ولو نسبته واحد علـى ميـه
ليا استقبل النور والكرسي ورا ظهره=بحلق عيونه وقـال رمـوز وهميـه
اصراخ والعان كنه معجـزة دهـره=والا رميـزان فـي حفلـة تميميـه
والشعر يا خيبتـه والشعـر ياقهـره=كلن دنـع فيـه مالـه ذات اهميـه
"الشعر ميدان إله فارس وإله مهـره=عونية الوصـف وتوصـف قثاميـه"
يقطف ويختار من ورده ومن زهـره=قطف البخاري ومسلم وابـن تيميـه
وجهة نظر شاعر مـا دور الشهـره=يخـاف مـن شهـرة فيهـا مذميـه
هذه قصيده للشاعر قبلان بن مهنا الشيباني بمناسبة زيارة الامير فيصل بن سلطان بن جهجاه بن حميد الى دولة الكويت القاها الشاعر امام الجمهور في حفل اقامته قبيلة عتيبه.
يقول الشاعر
في ربوع كويت جابر حاظـره ومنـوّل=في رحاب ديار اخو مريم عظيـم الهيبـه
في بلدنا مرّخصت حمّر النعـم وتمـوّل=كل من يشكي عليهـا قـلّ مالـه جيبـه
الحكم فيهـا صباحـي والنظـام أمّـدول=شعبها شعبٍ وفي مافيـه شـك وريبـه
مرحبابك يالاميـر ابـن الاميـر الاول=يبن من قاد السرايـا واعتـزى بعتيبـه
يوم صوكات القبايـل والزمـان يهـوّل=يصبح الرجـال فـي بيتـه ولا يمسيبـه
من حجاز قريش تركـي بالقبيلـه حـوّل=مابقـا مخلـوق هـاك العـام مايدريبـه
زاحت الهيلا جمـوع العالـم المتجـوّل=فوق سرد الصافنات ونجد يقنـب ذيبـه
ذيبه اللي بالعطا و المنـع كانـه مخـوّل=حاميـاّ حـدّه وعـدّه وجبلـه وشعيبـه
طوّعت برقا وروق فحول شـولٍ شـوّل=وأذعنت وأصغت لاخو شرعا وسفّت خيبه
لين ابن مقرن ظهر من غيبتـه ماطـوّل=وأخظعت شبه الجزيره والحجاز وطيبـه
يفرظ الدين الحنيـف ويغنـي المتسـوّل=رحمةٍ للمسلميـن وعزّهـم مـن طيبـه
قصيده تعبر عن نفسها
ياللي توجهتـو لباريـس وجنيـف=عواصم الخضره والأزهار والورد
أنا ليا غـادرت هـدلان والسيـف=يممـت للقبلـه ونـاحـرت داورد
بين الهضاب النايفـات المشانيـف=مداهل الزلبـات والكنـس الحـرد
يوم السعد من جامد الزند والسيـف=ومضمرات الجيش ومع العنا السرد
عفوه مرذين الركـاب المواجيـف=سطوة عتيبه زاحت الجمع والفـرد
حتى ركد وانزاح شبح المخاويـف=وعم السلام وخالطه ناسـم البـرد
فديار نجد اليوم عقب السنه ريـف=تفجـرت فيـه الينابيـع لـلـورد
في ولية أل سعود أسود المواقيـف=حماة الوطن والدين بسيوفه الجـرد
ترسانة الأسلام زانت على الكيـف=في وصفها يحتار بشار بـن بـرد
ريف الكبود اليا احتما واهج الصيف=ياللي تبا المصياف ناحر لهـا وارد
قصيد للشاعر قبلان عندما شاهد صورة الأمير ماجد بن ضاوي بن فهيد وطيب الله ثراه في احد الكتب .
يامزع قلبي من علاوي عروقه=يوم اتذّكر مرمسات السنينـي
وين الشجيع اللي تخلّـى طروقـه=في الماقف الغصّاب هيف السميني
صديق أبوي اليا بدا مايعوقه=والياه من بّد الجماعه عويني
قبرٍ يضمه يمطر الغيث فوقه=مع الانبياء والامه الصالحيني
قصيده للشاعر قبلان مهنا الشيباني ورد من الشاعر منيف القرفاني الشيباني عليه
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامبرمج الهاتف الجـوال برمجلـي=خمسة قرايص على الشاشه وحررها
اذكر فلاوّل سلام المولـه الوجلـي=واختص من لابته حمرٍ نواضرهـا
وعبيد فالذاكره ومنيـف فالسجلـي=ومطنخ الربع غايبهـا وحاضرهـا
هي ليلـةٍ وحّـده فيهـا تبرهجلـي=عقلان ذاهبتي اللي كنـت ادورهـا
اقمارها صاطعه وانوارهـا تجلـي=خنـادس الليـل للسامـر تنورهـا
لقيت من بيعهم ماهـوب بالاجلـي=وتجارة الاصل ماثوقه مصادرهـا
فاحت مبهاهيرهم والكل يزعجلـي=احلى الفناجيـل بالغالـي مبهرهـا
لين اضمحلت مشاركتي وانا خجلي=مال الرديه نصيبٍ مـع نوادرهـا
ماني بخيـال فالنمـرا ولا رجلـي=نزحت والقوم ترمي من ذخايرهـا
وهـــــــــــــــــذا رد منيف القرفاني
يامرحبا ياضيـا نجـمٍ توهجلـي=لولاه الاجرام عينـي ماتساهرهـا
ياهاجس الشعر بلّـه لوتهرجلـي=مقدار منقا لبـو غانـم جواهرهـا
لوكان من حسبتي ماهوب ناتجلـي=مع دربه الا هشيطٍ مـا نسعرهـا
نقّاحجرها الكريم وحصها المجلـي=واللي بقا لو جمعته مـا يسايرهـا
تسعٍ لفني وانا في ردهـن عجلـي=ما فيهن الهينه من طيب شاعرهـا
يامرحبا صدق ماقلته من الدجلـي=والك البقا مرخت المرهش عبايرها
شاعر محافل وترخي منزلك لجلي=لا يابعد خمـةٍ ترفـع مناخرهـا
اللي فالاضوا تلامع كنها الحجلـي=زيفها الاعلام ولا مـا تذامرهـا
هذه ابيات قالها الشاعر قبلان بن مهنا لشيباني بعد ماسمع فوز فنجال بن سلطان فالمزاين
من لا قنا وضحٍ مثل وضح فنجال=يلـزم حـدوده ويتحلّـب نياقـه
ما لاحقٍ وجهه من اللوم مثقـال=في منعزل مهوب في هوش ساقه
أمّا جمال الشيل وثنات الاحمال=تعرف ليا جا فالامور أنصفاقه
للمرجله رجال وللابل وبّال=ثنتين أبو خالد عشقهٍ عشاقه
المال عبدٍ له ماهو عبد للمال=يمناه في الانفاق فيها طلاقه
والمدح في غير النشاما غثا بال=يحسب على الرجال جهل وحماقه
« آخـــر الـــمـــشـــاركــــات »
15-Apr-2009, 08:28 AM
ديوان الشاعر / قبلان بن مهنا الشيباني
العرض العادي
