كديميس العصيمي كراديسنا منهـا الهطيقـا غـدة عرجـود

[أبوضاري]

هذه القصيده الشاعر المرعب /كديميس العصيمي
رد على عدة شعراء تم ذكر أسمائهم في القصيده منهم العضب عبدالعزيز وسبيل

لفتني مراسيل ٍ من اهـل الوجيـه السـود=وجيهن عن المعـروف والعـرف مرتـده
من الخدش ملحيات باقـي عظـم وجلـود=ولا فيهم اللي يامـن الرجـل فـي سـده
هل البرهج الممقوت والجوهـر المفقـود=عـدد تافهـن مافيـه معنـى ولا عــده
تحداني ابـن حمـود والقـرد والمقـرود=وحليف ابتـر الأطـراف ماينعـرف جـده
تحاموا علي وحطوا العـود جنـب العـود=مثـل رفـدة المحتـاج كـل ٍ علـى قـده
ثلاثيـن شاعـر كلهـم للدفـاع جـنـود=ولا منهـم اللـي للعصيمـي وقـف نـده
وهـذا دليـل ان الوهـن بينهـم موجـود=ولو جاء حداهم في شفى الريـع ماسـده
ولهم هدتن بأجساد الأمـوات مثـل الـدود=لتعـزيـز حجتـهـم ولـكـن ملـده
كمـن المعانـي قدمهـم بابهـا مـسـدود=لكن العقـول ضعـاف وعيـون منسـده
وسمت اخصماي بميسم ٍ له عكب وعقـود=يموت الخصيم ورسم وسمي علـى خـده
وعضبهم تلخبط عقـب ماخجـه العبـرود=عقـب بـاح سـده رد نابـه علـى بـده
تلحـق قصيـره بالمذمـه قليـل الفـود=يحسبنه اللـي بيـن العيـب فـي البـده
يضنه سبب ماصار فـي فاخـر الماجـود=على شان من دق المساميـر مـن بـده
الا يالمقاطـي لا تجـي كنـك المـحـدود=تشوف الجفـا وتقابـل الحيـف بالصـده
تولـم وغـادر ديـرة ٍ جارهـم ملهـود=على الجار لـو ماجـار دايـم لهـم لـده
ليا خاصموا واقفـى بهـم مبـرد ٍ بالـود=تناجـوا بغيبـة جارهـم واحذفـوا قـده
لياغاب قامـوا ينهشونـه تقـول قـرود=يقولـون يمكـن علـم النـاس بالسـده
هل الذارب المعمـود والجانـب المجـرود=محيف ٍ على الجيران يابـس كمـا القـده
علامك تغاضى عن هوس شجرة الهبـود=حـرام ٍ يـود الرجـل مـن لاحفـظ وده
والك لابتة ٍ يامن بها المجـرم المضهـود=وتجـدد حمايتهـم ليـا طالـت الـمـده
ملاذ الضعيف وللمعـادي سـواة الطـود=ولـو جـاه بسهـوم العفاريـت ماهـده
اذا كان جـد الجـد يعـرف مقـر الجـود=ليا مـن كـل ٍ قـال معنـاه مـن جـده
غزوا نجد يوم انـه لمـن ثبـت العمـود=ورسوا بين نـاس ٍ تثنـي الحبـل وتمـده
وعمود اقبلاهم درهموا به علـى القعـود=ورحل عن قرارة نجد لـو كـان مـا وده
حدوا من لقوا عن مشرب البارد القرهـود=وعليـه العتيبـي ينـده الـذود ويــوده
حدوهم على الضلعان والا علـى النفـود=وسنام البـلاد لمـن قـدر يحتمـي خـده
حدوهـم صناديـد المنايـا بصنـع هنـود=وكراديس خيـل ٍ كـل يـوم ٍ لهـن هـده
لهم سيرة ٍ سولف بهـا العـود للمولـود=وسولف بها ابن الورع عن ماروى جـده
تصفح بطـون الكتـب وتحصـل العنقـود=جواهر من الياقـوت فـي الكتـب ممتـده
وتشوف العتيبـي بـأول القائمـه معـدود=وتشوف الهطيقـا رابضـه بآخـر العـده
وبني عمـك الكـرزان لاعنكـب البـارود=يـردون سكـران الناعطيـس عـن وده
مقر الزعامـه يـوم كـل ٍ يحـط جـرود=بهـم تمشـي الرايـات للحـرب منقـده
غدا عنك تركي وابن هندي هـل الماهـود=زحازيح نجـد اللـي يعـدون عـن حـده
هل البيرق المنشور والمنصـب المعهـود=وهل الفصل في التكتيك والحـرب مشتـده
وهل المنسف الموجود والمشعل الموقـود=وهل الـورد والتصديـر فـي هاتـه ووده
بهم يفلس الطارد وهـم مزبـن المطـرود=ملاذ الضعيف اللـي توخـر عنـه شـده
على دورهم يوم ان فيهـا بـرد ورعـود=سحايـب غضبهـم مدلهمـات ومـسـده
وانا من رجال ٍ ذكرهم فالعـرب محمـود=يقومون بالماجوب فـي اليسـر والشـده
بني عمي الأدنين في الحـرب سـم كبـود=ونهز القلوب اليـا دنـى النـد مـن نـده
لنا فوق سرد الخيـل بالماقـف المشهـود=اليـا دبـرن زلاف حنـا هــل الــرده
ولنا موقف ٍ يجلي اللوايـم خـلاف القـود=ثقيليـن مانـنـزاح والخـيـل منـكـده
جريين بالهجـوم صلفيـن فـي الصمـود=علـى راي شيـخ ٍ ياصـل الحـد ويهـده
على راي ابو مانع هجومـه يهـد سـدود=ليا هاجت الأمـواج مامـاج عـن ضـده
بنا يعرف الركن الجنوبي مـن المجهـود=على الثغر مايؤتى حما الـدار مـن قـده
كسبنا سمان القود من قوم ابـن فرهـود=نحده علـى سعـدون وهـو يمنـا حـده
غدا بين نار وغـار بيـن النمـر وفهـود=جنوب العتيبـي والعواجـي عـرف فـده
عمل بالهطيقا مثـل مـا تعمـل اليهـود=بفلسطين حيث الغت مـن الخارطـه حـده
كراديسنا منهـا الهطيقـا غـدة عرجـود=وتخلت عن الوادي وعـن رجلـة مصـده
وتذرت بهرش ٍ ما يهـاب الخطـر هبـود=يذري ذراه مـن اونـس الغبـن والضـده
تقاعـوا وراه وفوقهـم حبلـه المعقـود=ويـدورون لادارت رحـى مبعـد الشـده
ورى رايـة الدوشـان يجلدهـم الجالـود=وعلى مايقـول الشيـخ تصبـر ومحتـده
مصادر قبايل نجـد فيهـا الخبـر ماكـود=علا ماتهـم كـل ٍ حصيلـه علـى قـده
بها الأول السيـد ومـع دربـه المسيـود=واذا مارضى المسيود يوطـى علـى خـده
بعضنا رقا وارتـاح فـي سلـم الصعـود=وبعضنـا نظـام مطيـر يثنيـه ويــرده
وعلى كل حال اللي طلع مثلنـا محسـود=يذمونـه اللـي عدهـم مالحـق عــده
وزمان ٍ ضحك للقطش وعضيب وابن حمود=هو اللي عناه الشمـري عنـد مـن حـده
حلف به يمين وخلص الحربـي المجلـود=وهفا الدم من عند السناعيـس مااستـده
يذمونا بعمالهم والسند موجود=ويفرون عن باب السند مير لابده
تبين الامور ويتضح وجهاها المجحود=وتبين البطون اللي من السحت مغتده
وبني عمكم مابين راضـي ليـا شـرود=ولا منكم اللي يردع الضيم ويرده
كمنه يجي لبيوتكـم فـي الظـلام وفـود=يجي الضيـف ويغـادر والأبـواب منـرده
قموز الضيوف اللي يجي والفريـق رقـود=ولا منكـم اللـي يلطـم شعيـل ويــرده
تركتوا بياض الوجه وأخترتوا المنقود =مثل من رضي عن منهج الدين بالرده
مثل سالفة من قال عيب وعليـه شهـود=ملف الادله فيه الأصـلـي ومـسـوده
سلايل عيال البيه وأحفاد أبو داوود=تسير الذلول وحبلها ملك من شده
ويغني عضيب وغاربه بالرحل مشدود=ربض لبوجنبيه على شان يكتده
وطاه وطى في سده الدوشق الممهود=عليه الذبيح والعضب قاصره يده
يشوف المجزع من على الغاليـه مقـدود=عسى الله يلوم عضيـب ماقـد مـن قـده
تغاضى وباع البيض واصبر بضيم السـود=لياسلم راس الزول مافات ماعده
وتصيد لغرات العرب وأنته المصيود=مخاليب سريه بعالبك مشتده
غريبه تزعمني وفيك أبهرن مفصود=تعالج عن الجرح الذي ممتلن مده
وابن علي خال عضيب رجله بحبل قيود=وللا المهزله ماكان كشف السجن عده
وبقى بيتهم ماعاد يلبق عليه الرود=عقب رص زور بزور وخده على خده
وبقى الورع خالد وأخته اللي أسمها خلود=يعد الجدود وفي علي منتهي جده
مهيب أخت لكن النسب عندكم مربود=دخل داخل التنباك مع داخل النده
على منهج بن حمود لانه حمار زيود=وطوا هيبته وطي هيبته المصلين للمده
شجاعا بسرد الحكي لكن ماش عضود =لاشاف ضده حط يده على يده
هذا مكسبه من لولشت ثوبه المحرود=كمنه غبي مامد رجله على قده
لونه ربض ماكان ناشد ولامنشود=لكن أعترض للسيف حتى بتر قده
وترى صاحب الاعذار يعفى من الجدود=ليامن مسح جرحه براس أصبعه سده
وسبيل يتهايق من ورا الحائـط المشيـود=لكن الرجل ماهوب عجـل ٍ علـى الهـده
يشوف الحروب وذاك يفـرس وذا مـردود=تصافقهـم العقبـان والجـذم مـن حـده
نوى ينهض الشلفا ويحمـي عقـاب الـذود=لكنه حسب للمزارق الشلـف وش ضـده
ودرى انه ليا احيا العـد لازم يجيـه ورود=واليا مات عده كـل رجـل ٍ حفـظ عـده
ومضى يسرد افعاله ويذكـر بهـن الـزود=ويقول الحـذاري لا يحوشك بحـر جـده
ولكن سردالحكـي مـا يبلـغ المقصـود=ضلوعـي مـن التهديـد ماهيـب منهـده
اما يحتمل ما جاه ليا صـار قـدح زنـود=والا يتـرك الميـدان للـي بهـم شــده
وعلى كل حال الرجل جوده من الموجـود=ليا اصبح بدون سـلاح مـا تنفعـه يـده
وانا ادري ان للكلمه معاني وادب وحـدود=واقدر هل الشيمـه لكـن مااقبـل الضـده
وأعرف أتصرف لاحصل نقص ولازود=وأسوق المعاني لين خصمي يصل حده
ويدور الزمـان وماحصـل بيننـا معـدود=وصلنا الكتـاب المشتـرك واسمعـوا رده

أتمنى أن تحوزعلى رضاكم ولى عوده أن شاء الله

آخر تعديل أبوضاري يوم 26-Feb-2009 في 12:57 PM.

[أبو مرحبا]

صح السان شاعر المواجهه كديميس بن صالح العصيمي

لاهنت ياابوضاري على النقل الموفق


تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[أبوضاري]

وتصيد لغـرات العـرب وأنتـه المصيـود=مخاليـب سـريـه بعلباك مشـتـده

على منهج بن حمود لانـه حمـار زيـود=وطوا هيبته وطي المصليـن للمـده

تعديل فقط في البيت أعلاه للتوضيح لكي البيت لايكون مكسور

[أبوضاري]

أبو مرحبا
أشكرك على مرورك جزيل الشكر وتقبل تحيتي

[أبونواف]

صح لسان شاعر المواجهه المرعب/كديميس بن صالح العصيمي
لاهنت ياابوضاري على النقل الموفق
تقبل ودي وتقديري لك

[طارق النفيعي]

صح لسان الشاعر : كديميس العصيمي

ومشكور يالغلا

التوقيع

أخوكم : طارق النفيعي

[أبوضاري]

أبو نواف
أشكرك على مرورك و لك أعذب التحايا .

[أبوضاري]

طارق النفيعي
أشكرك على مرورك .

[أبوضاري]

وعضبهم تلخبط عقـب ماخجـه العبـرود=عقـب بـاح سـده رد نابـه علـى بـده
تلحـق قصيـره بالمذمـه قليـل الفـود=يحسبنه اللـي بيـن العيـب فـي البـده
يضنه سبب ماصار فـي فاخـر الماجـود=على شان من دق المساميـر مـن بـده

الهطيقا لهم أو الخروب مثل ماقالو الشمامره كان في أيام المسجلات له جار عتيبي ويوم كلام الشعار العتبان واقع وصحيح قالوا مافيه الا جارنا هذا هواللي علمهم بفضايحنا وقاموا وأشركوه في المسبه وهو جارهم
فالله العجب أين حق الجيره اللي تدعيه تلك الشرذمه راح صفر على الشمال ولي عوده لشرح أبيات القصيده الباقيه .

[أبوضاري]

كسبنا سمان القود من قوم ابـن فرهـود=نحده علـى سعـدون وهـو يمنـا حـده
غدا بين نار وغـار بيـن النمـر وفهـود=جنوب العتيبـي والعواجـي عـرف فـده
عمل بالهطيقا مثـل مـا تعمـل اليهـود=بفلسطين حيث الغت مـن الخارطـه حـده

صح سعدون العواجي عمل بالطيقا مثل عمل اليهود وأكثر من اللي يغزي عليهم ويأخذهم ثم يرجع عليهم ثاني مره بسبب قصيده عارفهم تمام المعرفهم
وقال ان حرب نفرت منهم مثل ماتنفر الاغنام من الذئاب وقال سعدون هذه القصيدة

إن كان ابن فرهود يطلب لقانا =جينا على الزرفات خيل الصحابه
جينا وربعه قوطرة في نحانا=مثل القطيع اللي نــــــحته الذيــابه
(وشملا) تزايد نيّها في حمانا =ويا ما خذينا غيرها من جــــــلابه
وجبنا البكار المكرمات السمانا=وطرشٍ كثيراٍ ولا عرفنا حســــابه
حنا ليا صلنا طوالٍ خطانـــــا =وهذي عوايد نا نهار الحـــــــــرابه
نجيك فوق مكاظمات العنانا =صفرٍ عليهن لابسين العصـــــــابه
عاداتنا وإن كان شفنا إقبلانا=من دمهم ( رخا ) نـــــــروي ترابه
وعقاب فوق مشمر بمعدانا=الخيل في يوم الملاقا تهـــــــــــابه
منكم يروي حربته والسنانا=وفرسانكم قفت ذعـــــــرها عقابه
جاكم سريع بالعجل ماتوانا=ومن يوم حل بخيلكم جا ذهـــــابه
منكم خذينا يالحريبي قرانا =كل أبلج حنا قصرنا شبـــــــــــابه
نرقد بأمان الله وتسهر عدانا=ومن فعلنا يسهر كبير المهـــــــابه
حريبانا يقضي ويلقي عيانا =مثل الخشوم الطايله من هضـــابه

آخر تعديل أبوضاري يوم 03-Mar-2009 في 09:53 AM.