الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

موضوع مغلق
أدوات الموضوع انواع عرض الموضوع
غير مقروء 13-Feb-2009, 01:02 PM رقم المشاركة : 1
معلومات العضو
أبوضاري
عضو ذهبي

الصورة الرمزية أبوضاري

إحصائية العضو





التوقيت


أبوضاري غير متواجد حالياً

افتراضي المرعب /كديميس العصيمي حنا عتيبه لنا راية مرفوعه

هايس بن سريحان الحربي وكان موجهة عبدالرحمن ربيعان .

يقوله اللي بدى بالرمز موضوعه =سمعت لي كلمة مفهوم وازعها
أنا خبير المنوع ماجهل بنوعه =أنصب له الماض وأصرف مضارعها
بعض التفاسير يابني الشيخ ممنوعه =والظهر والعصر مايجهر مطوعها
شبابه اليوم محزونه وملدوعه =كلا بكلمة رذيلتها تتبعها


الرد من المرعب كديميس العصيمي


سمعت لي كلمة تلذع ملذوعه =قبل أسمع الصوت ماكنت متوقعها
كتابها متضحلي وجهه مشروعه =من عقب تسويدها عود يلمعها
قبل أمس يركض على جاره بفاروعه =واليوم وده عقب مافات يرقعها
ولاصارت الاوله سودا مقشوعه =لو زبرق الثانيه معاد ينفعها
أتعب أعيونه وتفكيره وسنبوعه =يعرب أحروفه وكلماته ينوعها
يقول كلمة شبابه ليش مسنوعه =وأنا أدري أن عز الجماعه من تجمعها
مير البلاء من رجالهم جالهم فوعه=اللي علينا مشرعة مدلاعها
الكل منهم سفط بشته لكرسوعه =وقصائده في ألات التسجيل لعلعها
شرطان الانذال مشريه مبيوعه =وحطواعلى الطرق سمسار يوزعها
ولاجالهم من قبيلة حرب رادوعه =اللي يصفق لها واللي يشحعها
ورد الجزاء سنة غراء ومشروعه =وياجب على من يبا الانصاف يتبعها
وحنا نرد الهدايا العوج مقموعه =ويمننا تحدابها بالسيف نقطعها
ردا عنيفا وعين أبليس مفقوعه =واللي يحمر علينا العين نفقعها
نرد الاسلاف مثلوثه ومربوعه =والمدعي يازن الكلمه ويذرعها
ومن ضده الحمل يامن عندنا روعه =وليا لطمنا خشوم القوم نوجعها
حنا لنا أخبار مكتوبه مسموعه =ودار الجزيره تصدرنا مطابعها
حنا عتيبه لنا راية مرفوعه =في سلم المجد طول الباع رافعها
قبيلة مجدها ما كف ينبوعه =وفي السلم والحرب ماتنسى ودايعها
يومن كلا لضده يلبس دروعه =في ساحة الحرب تصرع من يصارعها
وليا بغوى ديرة تضعن لهم طوعه =بالسيف الابتر محقتن مطامعها
وأن كان رد النقاء بأوراق مطبوعه =كم سربة زحزحوها عن مواقعها
وعفنا وطنا عقب ما يبست أدروعه = وجينا الجحادر بديرتها نازعها
جينا بنمرة تخيف الضد وتروعه =تمشي وقدامها تكشف طلايعها
جينا نبا نجد وفياضه وطالوعه =وقحطان دونه موجهة مدافعها
ودرات رحى المعركه عجله وقاضوعه =وماجاء تحت لحيها معاد يشبعها
سلم العلاقات عشر أسنين مقطوعه =الكل منا طبول الحرب يقرعها
العشر طافت وكلن يجمع أجموعه =خيل القحاطين تدفعنا وندفعها
من عندنا الشلف والارماح مصنوعه = وصوارم الهند شغلنا مصانعها
تصبح نظيفه ويمس الليل مشموعه =لان الكدر والحمر ضيع تلامعها
وتزحزحت عن زعامة نجد مخلوعه =قحطان من قبل ماأحديزعزعها
قبيلة قبلنا مهيب مهزوعه =عند الملمات ماأصبرها وماأشجعها
تزحزحت من قرارة نجد لفروعه =زاعت وأطاعت كمن السيف طوعها
حريبنا لارقد نومه على كوعه =وأن مر به طيفنا عينه يروعها
وأن شافنا جض قلبه داخل أضلوعه =وضاقت عليها البسيطه لوتواسعها
وعضيب حتى ضعف رايه ونازوعه =وتخبط اللاش بأمرورن تدرعها
ياعضيب كل الامور القدم مطبوعه =ومن لاعرفه مسهمه يذهب يراجعها
لوشفت جدول قبايل نجد وربوعه =تعرف قبيلتك من بصمات أصابعها
وتدري أنها تابعه مهيب متبوعه =وتلقى عناتيت علوى هم مراجعها
شعاركم في مدح فيصل جالهم توعه =وحتى القبيلة تقدم له تواضعها
أما سحبها الى الميدان مدفوعه =ولا أرسل الحبل يقهرها ويمنعها
كم مرة جمعكم ينحاز لفزوعه =لاصتفت الخيل والحكام يردعها
ومناخ عرجاء معك علمه وموضوعه =يومن من كان ساعد حرب يخدعها
كافح ونافح لاكنه رابع أسبوعه =ناور وغادر محلات مربعها
وتخلفت حرب في الميدان مخلوعه =وعقب أصبحت وده أن الارض تبلعها
يوم أقبلت خيلنا للحرب مدفوعه =من شاف قال ما سبقها وماسرعها
سردا كراديس لاقال الحكم فوعه=مثل القرانيس لانزعت براقعها
جينا المعقل بذاك الجوى مجموعه =وبني علي دونها تضبح مقامعها
يوم أقتحمنا المحاجي جابكم روعه= ماردنا عن معقلكم موانعها
كم فارس من حمول الخيل قاطوعه =كبده معا مطلع المخباط يترعها
وحدب النمش بين طماعه ومطموعه =لين أدبرت خيلكم والدم واشعها
ساعات وليا مظلة حرب مقشوعه =وليا المدينة مفتحت شوارعها
قلوبكم عقب هاك اليوم ملقوعه =ليا اليوم وأنتم تهذرون بصقايعها
كم سابقا من غزايز حرب مقلوعه =نقطع أيدين المجوخ عن مصارعها
وأميركم ضاق حنجوره بقرطوعه=وسلم لنا السيف والذله تقوبعها
وكم جادلا في نهار الكون مفجوعه=حربية بأن مفرعها وصلعها
تبكي على هيبة من حرب منزوعه =في ساعة زلزل البيداء صواقعها
تعرف الروس في الميدان مجدوعه =وليا لقت واحد نادت ربايعها
وفزعلها الفرم بالزفرات وأدموعه =مدامعها شاركت ذارف مدامعها
والفرم الاخر تلفت وأمتطى الطوعه =صف أربعه فوق شقرا صفت أربعها
وخلى القبيلة على الجنبين مجضوعه =وتجاوز المقتسم بالسوط يلسعها
يومن لو انك حضرته ذقت لاسوعه =يجمد لسانك عن الكلمه يطلعها
وكم هجمعة من غزايز حرب مشلوعه =جينا نغني علاه من مراتعها
ولحق الطلب وأنثنا بالغبن واللوعه =أفلس طلبها وراس الشيخ رجعها
شيخا لنا تدري الاجناب وش نوعه =من كثر ماصبحت خيله مضاجعها
لومات تنقذ عظامه من قصر بوعه =وله علينا حقوقا ما نضيعها
وأنتم غنم جاركم في الوجهه مرضوعه =ماسرها زيد خاب اللي مودعها
يمناه عن رد في الوجهه مزموعه =بس الواعيد والاديان يمطعها
ولافيه من عصبته من قال مشفوعه =أطيب اللي حصل له شاه يرضعها
واللي خطركم وجوعه طاون أضلوعه =أصبح يحث الركاب وجوعها معها
أقفى عن الحربي اللي ماقطع جوعه =شتفى يده نهمت الضيفنا ماشبعها
يوم أخطروه النشمى ينفخ لسوعه =وأزحر وقوم حلال القوم ينكعها
وأخر لكم شهرة في الناس مذيوعه =الماء سببها ومصدرها موضعها
ياعضيب كلمة مقفيه ومرجوعه =وزودتك يأبو حقب من وين منبعها
من ذلت الفرم يوم الروس مجدوعه =يوم الجثث مالقت حيا يشيعها
وابنه تزعم غزيه مير مجبوعه = لانه نكس بالسرية عقب فزعها
عقب الطمع ذل الايوخذ بقنزوعه = سرية في الخلاء جاه تضعضعها
ذل وتراجع عقب مافزع أفزوعه =تكاثر القوم قدامه ورجعها
وزريبة الفرم شرق أفليج مبدوعه =من مرها قام بعيونه يطلاعها
فيها النجاسه بوسط الساس مزروعه =نجاسة من عقيد القوم نقعها
تخلصوا من زريبتكم بشالوعه =ولا دمنيت كود أنه يفرقعها
لكنها في ديار مطير مبدوعه =أنتم تهدمونها وأمطير تبدعها
أنتم تمنون كسب المجد بجذوعه =وعزي لقوما مناويها بضايعها
محاضر الناس في الديوان مجموعه = ديوان من سطر التاريخ مجمعها
وقت مضى رتبه بحروف مردوعه = حتى رفع ناس ولا ناس ياضعها
دنق وبرق بحصة حرب في قوعه =وان كان ماجازلك مافيه رقعها
أنتم مثل جادلا خت ومنزوعه =من الخجل والجهل تنكر مجامعها
ويوم أدركتها الظروف تقول ممشوعه =ولابانت الاعقب ماهل سابعها
واليوم مخدوعة والعام مقروعه =وخدينها حال دونها من يدلعها
خطك ياللاش مكشوفه ومكموعه =ومن كان يبحث وراء العيب تفرعها
ناظر ولد عمك اللي طاير شوعه =في معرض الرجس نيرته يبيعها
وسيارته كهربتها تقل ملذوعه =يدفها اللاش والسواق ينتعها
عانه بديرة دهام يولع أشموعه =ويقول أنا من حمول الخيل وأشجعها
والعفو مايشمله من خبث موضوعه =يرزح واراء الباب والعبره يدافعها
كم خزوتن عندكم ياللاش مبلوعه =أحد بلعها وأحد بالضرس يقضعها
وأذانكم في حدى اللقوات مصموعه =سلط عليها شمامرة تمصعها
وأنا عبرة البحر والبر وصقوعه =وسيرت مع حرب في شتا مجامعها
وشفت وسمعت وخبرت أسرار ممنوعه =يأكثر ما الحفيظه من طبايعها
ولوني أبغاءمثالب حرب مجلوعه =عندي سجلات وأوراقٍ موقعها
من قاضي المحكمه بالختم مرصوعه =وتوقيع ...........................
ذكرتلك وحده من ضمن مجموعه =وان منتهيتوا كشفنا عن مصالعها
ولابدالايام تطلع حرب مصروعه =عقب التعنت تبا تقنع ونقنعها















غير مقروء 13-Feb-2009, 01:09 PM رقم المشاركة : 2
معلومات العضو
الرأي الآخر
عضو ماسي
إحصائية العضو






التوقيت


الرأي الآخر غير متواجد حالياً

افتراضي

كفو يابو صالح ...

هذا الدفاع المحمود ....















غير مقروء 13-Feb-2009, 01:42 PM رقم المشاركة : 3
معلومات العضو
أبوضاري
عضو ذهبي

الصورة الرمزية أبوضاري

إحصائية العضو





التوقيت


أبوضاري غير متواجد حالياً

افتراضي

حسب مايقتضيه الموقف أذاكان يقتضيى دفاع محمود تجده واذاكان يتقضي غيره تجده الراي الاخر الشكر..















غير مقروء 13-Feb-2009, 05:49 PM رقم المشاركة : 4
معلومات العضو
طارق النفيعي
عضو اللجنه الاعلاميه
عضو مميز 
إحصائية العضو






التوقيت


طارق النفيعي غير متواجد حالياً

إرسال رسالة عبر مراسل ICQ إلى طارق النفيعي إرسال رسالة عبر مراسل AIM إلى طارق النفيعي إرسال رسالة عبر مراسل MSN إلى طارق النفيعي
افتراضي

صح لسان الشاعر : كديميس العصيمي

ومشكور ولاهنت















التوقيع
أخوكم : طارق النفيعي



غير مقروء 13-Feb-2009, 06:16 PM رقم المشاركة : 5
معلومات العضو
أبونواف

رابطة محبي الهيلا

إحصائية العضو






التوقيت


أبونواف غير متواجد حالياً

افتراضي

ولاجالهم من قبيلـة حـرب رادوعـه=اللي يصفـق لهـا واللـي يشحعهـا
ورد الجزاء سنة غـراء ومشروعـه=وياجب على من يبا الانصاف يتبعهـا
وحنا نرد الهدايـا العـوج مقموعـه=ويمننـا تحدابهـا بالسيـف نقطعهـا
ردا عنيفـا وعيـن أبليـس مفقوعـه=واللي يحمـر علينـا العيـن نفقعهـا

ياسلام ياسلام .............

بيض الله وجهك ابوضاري ولاهنت على نقل القصيده وصح لسان المرعب كديميس العصيمي















غير مقروء 15-Feb-2009, 07:29 PM رقم المشاركة : 6
معلومات العضو
أبوضاري
عضو ذهبي

الصورة الرمزية أبوضاري

إحصائية العضو





التوقيت


أبوضاري غير متواجد حالياً

افتراضي

اقتباس:
المشاركة الأصلية كتبت بواسطة طارق النفيعي مشاهدة المشاركة
صح لسان الشاعر : كديميس العصيمي

ومشكور ولاهنت
طارق أشكرك على مرورك الطيب















غير مقروء 15-Feb-2009, 07:30 PM رقم المشاركة : 7
معلومات العضو
أبوضاري
عضو ذهبي

الصورة الرمزية أبوضاري

إحصائية العضو





التوقيت


أبوضاري غير متواجد حالياً

افتراضي

أبو نواف
أشكرك جزيل الشكر وأسعدني مرورك















غير مقروء 15-Feb-2009, 07:36 PM رقم المشاركة : 8
معلومات العضو
أبوضاري
عضو ذهبي

الصورة الرمزية أبوضاري

إحصائية العضو





التوقيت


أبوضاري غير متواجد حالياً

افتراضي

واللي خطركم وجوعه طاون أضلوعه=أصبح يحث الركاب وجوعهـا معهـا
أقفى عن الحربي اللي ماقطع جوعـه=شتفى يده نهمـت الضيفنـا ماشبعهـا
يوم أخطروه النشمى ينفـخ لسوعـه=وأزحر وقـوم حـلال القـوم ينكعهـا
وأخر لكم شهرة في النـاس مذيوعـه=الماء سببهـا ومصدرهـا موضعهـا
أبن معتيق رحمه الله يقول

ياحرب لاتكثرون الما= على اللبن لخطرناكم
ريف الركايب وراء سلما = متي الركايب تعداكم


ولي عوده لشرح أبيات القصيده الباقيه أن شاء















غير مقروء 17-Feb-2009, 07:39 PM رقم المشاركة : 9
معلومات العضو
أبوضاري
عضو ذهبي

الصورة الرمزية أبوضاري

إحصائية العضو





التوقيت


أبوضاري غير متواجد حالياً

افتراضي

وأنتم غنم جاركم في الوجهه مرضوعه=ماسرها زيـد خـاب اللـي مودعهـا
يمناه عن رد في الوجهـه مزموعـه=بـس الواعيـد والاديـان يمطعـهـا
ولافيه من عصبته من قال مشفوعـه=أطيب اللي حصل لـه شـاه يرضعهـا



لراعي العوشزيه مع حرب في الاخوه وحقوق الجيره ..
كان عبد لعزيز بن هديرس عاقد الخوه على الشيخ بداي ابن حمد الرشيدي (بحمايته ) عندما سمع بوفاة الشيخ بداي رحمه الله تاثر كثير واتاه رجل يقال له زيد المويعزي من بني عمرو من حرب قال له اعقد الخوه معي ولتكون بحمايتي فوافق عبد العزيز وبعد الاتفاق حمّل ركايب زيد وودعه فمرة الايام

اتاه غزاه من حرب ونهبوه و اخبرهم بانه في حماية زيد ولاكن لامبالات افأخبر زيد بذالك قال زيد سوف ارد كل ما اخذ منك ..فاصبح يسوف له ودارة السنه وزيدلم يوفي بوعده حينها عرف

عبد العزيز بان زيد غير قادر على ماكان يقوم به بداي بن حمد فذهب الى احفاد بداي وجدد العهد مع ابن بداي محمد

وقال هذه الابيات في زيد:

يازيد زلّ الحـول وانـا اترجّـاك=كبرت قراقير الغنم خـاب راجيـك
تمهابنا يازيد تبغـى بهـا افـلاك=تقـول يجيـك الغزيـل وتـزيـك
يازيد انا صلّيـت دلـوي بمـدلاك=ودلو اللزم مـا يظهرنّـه مداليـك
يازيد من روس المواعز جذبنـاك=نبي لياجا طـاري البـدو نطريـك
لو هي مع الاقصين ما عاد لمنـاك=مير البلا اخّاذه قصيـرك بْناخيـك
ان كان ما دمّيت سيفـك بيمنـاك=من راس غضبان فلا ادّيت عانيك
البيض تنصا غاديٍ وانت تنصـاك=السـو عقبتـه لتالـي ذراريــك
وتقصر عن الفنجال يازيد يمنـاك=لا صار ما ادّيت الحسب من بناخيك

ولي عوده أخري أن شاء الله















آخر تعديل أبوضاري يوم 17-Feb-2009 في 07:42 PM.
غير مقروء 18-Feb-2009, 02:27 PM رقم المشاركة : 10
معلومات العضو
نايف الغبيوي
موقوف لمخالفة الأنظمة
إحصائية العضو





التوقيت


نايف الغبيوي غير متواجد حالياً

افتراضي

اقتباس:
وتزحزحت عن زعامة نجد مخلوعـه
قحطـان مـن قبـل ماأحديزعزعهـا
قبيلـة قبلنـا مهـيـب مهـزوعـه
عند الملمات ماأصبرهـا وماأشجعهـا
تزحزحت من قـرارة نجـد لفروعـه
زاعت وأطاعت كمن السيف طوعهـا
حريبنا لارقـد نومـه علـى كوعـه
وأن مر بـه طيفنـا عينـه يروعهـا

صــح السان كديميس قصيده جزله ومشكور على نقلها















موضوع مغلق

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »01:03 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي