قصيده الشاعر الشيخ فالح بن عبد الله الحمياني

[هذال العتيبي]

الاوله يـاللـــه يـاعــــالـم الحــال
ياغـافـر الــزلات تلطــف بـحــالي

يارب خفف كربتي يوم ألأهوال
يوم الحساب ويوم شــد الرحالي

في ساعةتنصب موازين ألأعمـال
أحـد كسـب وحـد خسركل غـالي

أحـد كتابه فيه من.طيب الأفعال
وحـد كتـابه يأخـذه بالشـــــمالي

يوم الجوائز تنحصر بين الأبطال
اللي يـمـدون العطـــايا الجــزالي

أهل.العطـاءفي مدهم ستروظلال
وفيهم لفعل الجود بـاع ومجـالي

يوم الحشر ماينفع الجـاه والمال
يـوم عبـوس أتزول منه الجبـالي

على الصراط الناس رجلي وخيآل
من شـدة الأهوال جاهـم أجفـالي

ماقـدموا يـلقون إخفـاف وثقــال
ولا ينفـع المحتـال كثـر الجـدالي

ياجاهل الدنيـا تـرى الوقت ميـآل
اللـــه يغيـر حـال من بعـد حــالي

كثيرمن كانوا على رؤس الأطلال
واليوم زاد الــدود تحت الـرمـالي

والطيبــه مـانـالهــا كـل رجـــــال
ولا كل تاجـر مكسـبه من حـلالي

ومـاكل كلمـه بين قوسين تنقال
ولا كـل حكمـه تنكتـب فالمقـالي

والناس عادتهم على نقل الأمثال
واللي يحاسـبهم عـزيـز الجــلالي

أعمـالهم تـوزن على كف مثقـال
ميـزان بين الحـق وهل الضلالي

ياهيه ياغافل تـرى الموت نـزآل
ينزل ويرحل مثل سـود الليـالي

يسرح.ويمرح.داخل.الكون.رحآل
يقضي على اللي حـالتـه للـزوالي

واليوم أنايخـوان تركي وهــذال
أســـعى لكم فالطيبات الجــزالي

أرفع منازلكم عن القيل والقـال
وحاول أجمع شــملكم ياعـيالي

على الصـفا والحب والود والعـال
والطيب والنخوه وفخر الـرجالي

وابغى لكم فالمجد قدوه ومنزال
حتىأفتخر في ذخر أبويه وخالي

يعيال عدوها على رؤس الأطلال
ولاتتـبعون الخـائـبين الهـــزالي

اللي ليا ضاقت بهم بعض الأحوال
أدموعهم تمطر ســـوات الخيـالي

هــذه نصيحــه حكموها بالأقفـال
لا تهملوها مـع هبـوب العــــوالي

وختامها عفوك وفضلك والإجلال
تـصلح عملنـا يـارفيــع الكمـــالي

حنـاعبـادك تـحت رحمتـــك عمآل
نطلب رضاءوجهك كريم الخصالي


ـــ الشـــاعر أبو تـــركي ـــ