قصيدة.من قصايد النصح ..لشاعر القدير بدر القوس

[الرااقي]

هاضـت هواجيـس الضمايـر وغنيـت=جـايـلــهــافــي داخــــــــل الــــصــــدر جــــولــــه
وبــديــت بـابــيــات الـقـصـيــده وسـمــيــت=عـــلـــى طـــريـــق الـــحـــق نـــبــــدا الـمــقــولــه
وبديـت فـي وضــع النصيـحـه ونقـيـت =والـــــــلـــــــي نـــــــبـــــــا نـــــــقـــــــول تـــســـمـــعـــولـــه
حافظ على الاسلام من غير تفويت= حــــافــــظ عــلـــيـــه ولاتـــســـاهـــل ســـهـــولـــه
اركــــانـــــه الــخــمـــســـه لـــهـــنــــه مـــواقـــيــــت =وكـــلــــن عـــلــــى وقـــتــــه تــكـــمـــل فــعـــولـــه
وفـي والديـك البـر يـرفـع لــك الصـيـت=كــــلــــن يــســـولـــف بــــــــه وكــــلــــن يـــقـــولـــه
والــكـــل مـنــهــم كـــــل مـاقـبـلــت واقــفــيــت=يــدعــو لــــك رب الــمــلا واخـلـصــو لــــه
دعـــواتـــهـــم فـــيـــهـــا دمـــــــــوع وتــنــاهـــيـــت=يــدعـــون يـــــوم الـلــيــل يـــرخـــي ســـدولـــه
وبـــالـــك تــنــاســا يــــــوم مــعــهــم تــربــيـــت=واتـعـبـتـهـم فـــــي وقـــــت ســــــن الـطـفــولــه
واجــرك مضـاعـف كــان لـلـبـر وفـيــت=وارضـيـتــهــم فــــــي كــــــل حـــقـــن بــغــولـــه
حـــذراك عـــن وصـــل الـقـرابــه تـنـحـيـت=واصـــل لـهــم فــــي كــــل شــهــر وحــولــه
والـضـيـف يـفــرح كـــل مـاقـلــت حـيـيــت=وقـــــدم لـــــه الـــلـــي فــــــي يــديــنــك تــنــولــه
والــجـــار حـــــاول لاتــجــيــه الـتـشـامـيــت=خـــــلـــــه مـــــعـــــزز لان تـــقـــفــــي نـــــزولــــــه
وحـشـم خـويـك عــن عـلــوم الشـوامـيـت=ونـفـسـك بـفـعـل الـطـيـب يــمــه عـجـولــه
ورفــيــقــك الادنـــــــى لــيــاصـــار نـتــنــيــت=تـــحـــمـــلـــه لــــوشــــفـــــت فــــيــــهـــــا مــــيــــولـــــه
ليـا جـات عوجـا مـن رفيـق وتخطـيـت=لـــــو انــهـــا اعـــــوج مـــــن مـعــنــق ذلـــولـــه
والـيـاحـلـمـت عــــــن الـسـفــيــه وتــلافــيــت=حلمك على الجاهل صفـات الرجولـه
وليا اعتذر ثم قـال غلطـت واخطيـت=سـهـل لـــدرب الـصـلـح بـــاب لـوصـولـه
ولاتشمـتـه بـيــن الـخـسـاس الطـواغـيـت=بــيـــن الـجـمــاعــه كــــــل شــــــرن ســعــولــه
واحــفــظ لـسـانــك لايـجـيــب الـهـتـاهـيـت=واحـــــذر مــــــن الــنــمــام والـــلـــي حــكــولــه
والـصـمـت حـكـمـه فـيــه قـولــن بتثـبـيـت=تسلـم مـن اهــل الـكـذب والـلـي مشـولـه
وراي الجـمـاعـه لايـجــي فـيــه تشـتـيـت=تـــــــرى الـتــشــتــت تــنــهـــدم مــــنــــه دولــــــــه
ولـيـا حـصـل بـيــن الجـمـاعـه تنـاعـيـت=حــاول تـحـل الـوضــع بـاسـهـل حـلـولـه
وفــي ماقـفـك خـلــك ســـوات العـفـاريـت=وانهج طريق الحق واعرف اوصولـه
ولاتـمــشــي الا مــــــع رجـــالـــن نـعـاتــيــت=ايـــمـــانـــهـــم لــــطــــيــــب دايـــــــــــــم تــــطــــولـــــه
وان كـان بالصـدق اتصفـت وتحليـت=الـصـدق نــور ومــن صـفـات الكـمـولـه
واصــبـــر ولــوانـــك تـحـمـلــت وابــطــيــت=هذي صفـات اهـل الشـرف والبطولـه
وصــــلاة ربــــي عـــــد مـاقــلــت وابــديـــت=واعـــــداد مــاهـــل الـمــطــر مــــــن ثــعــولــه
واعـداد مـن كبـر وصلـى علـى البيـت=واعــداد مــن زار الـحــرم طـــاف حـولــه
عــــلــــى نــبـــيـــن مــــــــع طــريـــقـــه تــقـــديـــت=نــوره سـطـع بالـكـون عـرضـه وطـولــه